Oil on paper on board painting depicting Christ and eleven apostles seated on the floor around a low table. They participate in the Sacrament of the Last Supper while the shadow of Judas is seen leaving the table. Signed by artist. Done in gold and brown tones.
Sa panahon sa pangalagad sa Manluluwas, ang mga Apostoles nakatagamtam sa gahom sa Espiritu Santo, apan wala pa sila makadawat sa gasa Espiritu Santo, nga magtugot kanila, pinaagi sa ilang pagkamatarong, aron makabaton sa kanunay nga pakig-uban sa Espiritu Santo (tan-awa sa Bible Dictionary, “Holy Ghost”). Si Jesukristo misaad nga panalanginan sila og gasa sa Espiritu Santo human sa Iyang pagsaka sa langit. Kini nga leksiyon makatabang ninyo sa pag-ila giunsa sa Espiritu Santo pagtuman ang Iyang nagkadaiyang mga tahas sa inyong kinabuhi.
Pakigtambayayong sa mga estudyante sa tinagsa-tagsa. Ang Manluluwas nangita og mga kasinatian diin Siya makipagtambayayong sa mga indibidwal sa tinagsa-tagsa (alang sa usa ka pananglitan, tan-awa sa 3Nephi 11:13–15). Ang mga estudyante mapanalanginan kon ang mga magtutudlo mosunod sa mga ehemplo ni Kristo sa pagpangalagad ngadto sa mga indibidwal. Paningkamoti ang pag-ila sa mga panginahanglan sa mga estudyante ug tabangi sila nga makita unsaon nila sa pagpangita ug pagkadawat sa panabang sa Ginoo aron matuman ang maong mga panginahanglanon.
Pagpangandam sa estudyante: Awhaga ang mga estudyante sa pagpamalandong og mga sanglitanan gikan sa mga kasulatan o personal nga mga kasinatian nga makatabang nila pagtubag sa pangutana nga “Sa unsang paagi ang Espiritu Santo mitabang kaninyo?”
Posible nga mga Kalihokan sa Pagkat-on
Sa unsang paagi makatabang ang Espiritu Santo kaninyo?
Hatagi ang matag estudyante og piraso nga papel, ug sultihi sila nga motubag sa mga pangutana sa pikas nga bahin sa papel nga dili magpaila.
Unsay inyong nasabtan mahitungod sa kon unsaon sa Espiritu Santo pagtabang kaninyo?
Unsay naa ninyong mga pangutana mahitungod sa tahas sa Espiritu Santo sa atong kinabuhi?
Kolektaha ang mga papel, ug pagpaambit og pipila ka tubag sa unang pangutana diha sa klase. Paapila ang mga estudyante ngadto sa mga tubag sa ilang mga klasmeyt pinaagi sa pagpangutana sama sa “Kinsa ang adunay susamang kasinatian?” o “Unsa ang butang nga inyong ganahan sa mga napaambit sa inyong klasmeyt?” Baliha ang mga papel, ug pagpaambit og pipila ka mga pangutana nga gisulat sa mga estudyante mahitungod sa Espiritu Santo. Tingali makatabang ang pagsulat sa pipila sa ilang mga pangutana diha sa pisara.
Diha sa inyong pagtuon, pangita og mga tubag sa inyong mga pangutana mahitungod sa Espiritu Santo ug sa unsang paagi ang tahas sa Espiritu Santo makatabang ninyo sa inyong mga panginahanglanon.
Tabangi ang mga estudyante sa pag-ila og mga tubag sa ilang mga pangutana sa kinatibuk-an sa leksiyon. Mahimo kini pinaagi sa pagpangutana sama sa “Sa atong natun-an karon, unsa nga mga tubag ang inyong nakit-an sa pipila ka pangutana nga atong nabasa dapit sa sinugdanan sa klase?”
Si Jesus nagtudlo sa Iyang mga Apostoles mahitungod sa Espiritu Santo
Human ang Manluluwas nangalagad sa sakramento, nahibalo nga Siya hapit na mag-antos alang sa atong mga kasakitan, mga tentasyon, ug mga sala ug dayon ilansang sa krus, Siya mipadayon pagtudlo sa Iyang mga Apostoles.
Basaha ang Juan 14:16–17 , nga mangita sa gisaad sa Manluluwas ngadto sa Iyang mga Apostoles.
Ngano kaha nga si Jesukristo misaad sa Iyang mga Apostoles nga sila makadawat og gasa sa Espiritu Santo human Siya mobiya?
Isulat ang mosunod nga dili kompletong mga pulong diha sa pisara.
Ang Langitnong Amahan ug si Jesukristo nagpadala kanato sa Espiritu Santo aron …
Tiwason sa mga estudyante kini nga pahayag samtang kompletohon nila ang mosunod nga tsart.
Ipakita o idrowing ang tsart aron ang mga estudyante makakita sa duha ka kolum, lakip ang mga pakisayran nga naa sa una nga kolum. Sultihi ang mga estudyante nga magbilin og luna alang sa ikatulo nga kolum, nga idugang sa dili madugay. Kon ang mga estudyante motrabaho niini sa tinagsa-tagsa o sa gagmay nga grupo, ikonsiderar ang paghatag sa klase og sun-anan pinaagi sa dungan nga pagkompleto sa pipila ka mga laray.
Tudling (mga)
Ang Langitnong Amahan ug si Jesukristo nagpadala kanato sa Espiritu Santo aron …
Hatagi’g pagtagad ang mga estudyante samtang nagkompleto sa tsart. Pagmahunahunaon sa mga hinay mobasa o ni bisan kinsang estudyante nga tingali maglisod sa pagsabot sa gibasa. Hatagi og suporta kon gikinahanglan.
Kon ang mga estudyante makakompleto na sa ikaduhang kolum, dapita ang pipila ka estudyante sa pagsulat diha sa pisara og summary nga kapahayag bahin sa o usa ka baroganan sa kamatuoran nga ilang nakit-an sa matag bersikulo.
Usa ka saksi gikan sa Espiritu Santo
Ang Manluluwas mitudlo nga ang Espiritu Santo mopamatuod sa ug mohimaya Kaniya (tan-awa sa Juan 15:26 ; 16:13–14).
Si Presidente Russell M. Nelson nakaobserba nga:
Imahe
Official portrait of President Russell M. Nelson taken January 2018
Ang labing importante nga kamatuoran nga isaksi sa Espiritu Santo kaninyo mao nga si Jesus mao ang Kristo, ang Anak sa buhing Dios.
Kanus-a ninyo nabatyagan ang Espiritu Santo nga nagpamatuod kaninyo mahitungod sa Langitnong Amahan ug ni Jesukristo? Giunsa sa Espiritu Santo pagtudlo ug pagpamatuod diha kaninyo?
Unsa kaha ang mabuhat sa usa ka tawo aron madapit ang Espiritu Santo nga magtudlo kanila mahitungod sa Langitnong Amahan ug kang Jesukristo? (tan-awa sa Juan 7:17;14:13).
Mohatag og pagsaksi bahin ni Jesukristo, sa Iyang Pagkadios, ug sa Iyang gugma ug ikonsiderar ang pagpaambit og usa ka personal nga kasinatian kon sa unsang paagi nadawat kana nga pagsaksi pinaagi sa Espiritu Santo. Awhaga ang mga estudyante nga mopadayon sa paningkamot nga maila kon sa unsang paagi ang Espiritu Santo nagsaksi niining mga butanga sa ilang kaugalingon nga kinabuhi.
Personal nga mga kasinatian kauban sa Espiritu Santo
Pagdugang og ikatulo nga kolum sa inyong tsart, ug nganli kini og “Giunsa sa Espiritu Santo pagbuhat niini kanako o sa usa ka tawo nga akong nailhan.” Alang sa kada tudling sa kasulatan sa tsart, paghunahuna og ug pagsulat mahitungod sa bisan unsang mga kasinatian nga kamo, usa ka sakop sa pamilya, o usa ka tawo sa kasulatan nakasinati kauban sa Espiritu Santo nga nagtuman niana nga tahas. Kon kamo dili makaila o makahinumdom og usa ka personal nga kasinatian sa matag tahas sa Espiritu Santo nga gipasabot sa Manluluwas niini nga mga tudling, OK ra kana. Diha sa inyong pagpaningkamot nga magmatinud-anon ug pagpangita niini nga mga kasinatian sa inyong kinabuhi, ang Langitnong Amahan motabang ninyo sa pag-ila niini.
Hatagi ang mga estudyante og igong panahon sa pagsulat mahitungod sa ilang mga kasinatian. Samtang ila kining gibuhat, pangita og mga estudyante kinsa lagmit naglisod sa pag-ila sa mga kasinatian nga ilang nasinati kauban sa Espiritu Santo, ug hatagi sila og bisan unsa nga tinagsa-tagsa nga tabang nga ilang gikinahanglan. Ang pagkadungog og usa ka personal nga kasinatian gikan sa kinabuhi sa ilang magtutudlo makatabang nila sa paghinumdom og usa sa ilang kaugalingon.
Kon mahuman na og sulat ang mga estudyante, pagdapit og andam nga mga boluntaryo nga mopaambit og pipila sa ilang mga kasinatian. Tungod sa sagrado nga matang sa espirituhanong mga kasinatian, dili angay ang pagtawag og usa ka estudyante aron mopaambit. Pahinumdomi ang mga estudyante nga dili ipaambit ang bisan unsa nga sagrado o personal ra kaayo.
Kon ang mga estudyante magpanuko nga mopaambit sa ilang mga kasinatian, ikonsiderar ang pagpakita sa video nga “Giunsa sa Espiritu Santo Pagtabang Kaninyo?” nga anaa makita sa “Dugang nga Mga Kalihokan sa Pagkat-on” nga seksiyon niini nga leksiyon aron madasig sila nga mopaambit.
Komentaryo ug Background nga Impormasyon
Unsa ang mahimo sa Espiritu Santo?
Si Presidente Dallin H. Oaks nagtudlo:
Imahe
Official Portrait of President Dallin H. Oaks taken March 2018.
Ang ikatulong sakop sa Dios nga Kapangulohan mao ang Espiritu Santo, nga gipasabot usab nga mao ang Balaang Espiritu, ang Espiritu sa Ginoo, ug ang Maghuhupay. Siya ang sakop sa Dios nga Kapangulohan nga mao ang tinugyanan sa personal nga pagpadayag. Isip personahe sa espiritu (tan-awa sa D&P 130:22), makasulod Siya kanato ug makahimo sa mahinungdanong tahas sa pagka-tigpamaba tali sa Amahan ug sa Anak ug sa mga anak sa Dios dinhi sa yuta. Daghang kasulatan nagtudlo nga ang Iyang misyon mao ang pagpamatuod sa Amahan ug sa Anak (tan-awa sa Juan 15:26 ; 3Nephi 28:11 ; D&P 42:17). Ang Manluluwas misaad nga ang Maghuhupay motudlo kanato sa tanang butang, magapahinumdom kanato sa tanang butang, ug mogiya kanato sa tanang kamatuoran (tan-awa sa Juan 14:26 ; 16:13). Sa ingon, ang Espiritu Santo makatabang nato sa pag-ila sa kamatuoran ug sa kasaypanan, mogiya sa dinagko natong mga desisyon, ug motabang natong makatabok sa mga hagit sa mortalidad. Siya usab ang pamaagi diin mabalaan kita, nga mao ang, pagkalimpyo ug pagkalunsay gikan sa sala (tan-awa sa 2Nephi 31:17 ; 3Nephi 27:20 ; Moroni 6:4).
Nganong importante man nga atong maila nga ang Espiritu Santo nga namulong kanato?
Si Presidente Dallin H. Oaks sa Unang Kapangulohan mitudlo:
Imahe
Official Portrait of President Dallin H. Oaks taken March 2018.
Kining personal nga linya sa komunikasyon uban sa atong Langitnong Amahan pinaagi sa Iyang Balaang Espiritu mao ang tinubdan sa atong pagpamatuod sa kamatuoran, sa atong kahibalo, ug sa personal nga paggiya kanato gikan sa mahigugmaong Langitnong Amahan. Usa kini ka mahinungdanong bahin sa Iyang kahibulongang plano sa ebanghelyo, nga nagtugot sa matag usa sa Iyang mga anak sa pagdawat og personal nga pagsaksi sa kamatuoran niini.
Juan 14:27 . Unsaon nako pagkabatyag og kalinaw gikan sa Espiritu Santo kon ako nakigbisog sa kahimsog sa pangisip?
Kon kamo makasinati og mga hagit sa kahimsog sa pangisip sama sa kabalaka o depresyon, lagmit inyong mabatyagan nga ingon og lisod kaayo ang pagbatyag sa Espiritu Santo. Kini dili inyong sala. Ang atong Langitnong Amahan ug Iyang Anak si Jesukristo nasayod niining mga kalisod, og Sila gustong motabang ninyo. Ikonsiderar ang pagrebyo og usa o duha sa mosunod nga mga kapanguhaan alang sa dugang nga impormasyon kon unsaon pagbati og kalinaw gikan sa Espiritu Santo kon kamo nanglimbasog sa mga problema sa kahimsog sa pangisip.
Juan 16:7 . Unsa’y gipasabot sa Manluluwas dihang Siya miingon, “Biyaan ko kamo kay kon dili, dili moanhi kaninyo ang Maghuhupay”?
Sa ubang mga rason nga wala mapasabot sa hingpit diha sa mga kasulatan, ang Espiritu Santo wala maglihok sa hingpit ngadto sa mga Judeo panahon sa mga katuigan sa mortal nga panaw ni Jesus ( Juan 7:39 ; 16:7). Ang mga pamahayag nga ang Espiritu Santo wala moabot hangtod pagkahuman nga nabanhaw si Jesus siguradong piho nga nagpasabot niana lamang nga dispensasyon, tungod kay klaro kaayo nga ang Espiritu Santo naglihok sa nag-unang mga dispensasyon. Dugang pa, kini may kalabotan lamang sa gasa sa Espiritu Santo nga wala nianang panahona, tungod kay ang gahom sa Espiritu Santo naglihok sa panahon sa mga pagpangalagad ni Juan Bautista ug ni Jesus; kay kon dili man walay usa unta nga nakadawat og pagpamatuod sa mga kamatuoran nga gitudlo niining mga tawhana ( Mat. 16:16–17 ; tan-awa usab sa 1Mga Taga-Cor. 12:3).
Pag-ila sa personal nga pagpadayag gikan sa Espiritu Santo
Ang Kabatan-onan kanunay nangutana unsaon nila pagpalambo sa ilang abilidad sa pag-ila sa Espiritu Santo sa ilang kinabuhi. Kini nga matarong nga tinguha usa ka importante nga lakang sa espirituhanong pag-uswag ug paglambo. Ikonsiderar ang paggamit og usa o daghan pa sa mosunod nga mga kapanguhaan aron matabangan ang mga estudyante nga mas makat-on pa mahitungod niining importanteng espirituhanon ngakahanas.
“Pagkat-on sa Pag-ila sa mga Pag-aghat sa Espiritu,” sa Isangyaw ang Akong Ebanghelyo: Usa ka Giya sa Misyonaryo nga Pagpangalagad (2018), 122–23.
