“Sapagkat Gayon na Lamang ang Pag-ibig ng Diyos sa Sanlibutan”
Larawan
Jesus returns to the garden again to continue to pray and suffers great pain.
Tulad ng nakatala sa Juan 3, itinuro ni Jesus kay Nicodemo ang tungkol sa Kanyang nagbabayad-salang sakripisyo nang sabihin Niyang “[itataas] ang Anak ng Tao: upang ang sinumang sa kanya’y sumampalataya ay huwag mapahamak kundi magkaroon ng buhay na walang hanggan” (Juan 3:14–15). Itinuro ni Pangulong Russell M. Nelson, “Kapag naglaan tayo ng oras sa pag-aaral tungkol sa Tagapagligtas at sa Kanyang nagbabayad-salang sakripisyo, mahihikayat tayong makilahok sa isa pang mahalagang sangkap sa paghugot ng lakas sa Kanya: pinipili nating sumampalataya sa Kanya at tularan Siya” (“Paghugot ng Lakas kay Jesucristo sa Ating Buhay,” Ensign o Liahona, Mayo 2017, 40). Bibigyan ka ng lesson na ito ng mga pagkakataon na palakasin ang iyong pananampalataya kay Jesucristo habang mas marami ka pang natututuhan tungkol sa Kanyang Pagbabayad-sala.
Ang Pagbabayad-sala ni Jesucristo. Itinuro ni Pangulong Russell M. Nelson: “Sa doktrinal na pananalita, hindi sapat ang mga pinaikling pahayag sa pagtukoy sa nagbabayad-salang sakripisyo ng Panginoon, gaya ng ‘Pagbabayad-sala’ o ‘nagbibigay-kakayahang kapangyarihan ng Pagbabayad-sala’ o ‘paggamit ng Pagbabayad-sala sa ating buhay’ o ‘pinalalakas ng Pagbabayad-sala.’ …“Walang entidad na walang hugis na tinatawag na ‘Pagbabayad-sala’ na maaari nating hingan ng tulong, pagpapagaling, kapatawaran, o kapangyarihan. … Ang nagbabayad-salang sakripisyo ng Tagapagligtas—ang pinakatampok na kaganapan sa kasaysayan ng buong sangkatauhan—ay higit na mauunawaan at mapapahalagahan kapag tuwiran at malinaw natin itong iniugnay sa Kanya” (“Paghugot ng Lakas kay Jesucristo sa Ating Buhay,” Ensign o Liahona, Mayo 2017, 40).
Paghahanda ng estudyante: Sabihin sa mga estudyante na maghanap ng scripture passage o pahayag mula sa pangkalahatang kumperensya na nagtuturo sa kanila ng makabuluhang bagay tungkol sa Pagbabayad-sala ni Jesucristo.
Mga Posibleng Aktibidad sa Pag-aaral
Ano ang Pagbabayad-sala ni Jesucristo?
Maaari mong ipakita ang mga sumusunod na larawan ng Tagapagligtas at ang mga sumusunod na hindi kumpletong pahayag. Sabihin sa mga estudyante na kumpletuhin ang mga pahayag sa kanilang study journal o pag-usapan nila ng kanilang kapartner kung paano nila kukumpletuhin ang bawat pahayag. Pagkatapos, bigyan ng oras ang mga estudyante na gustong magbahagi sa klase ng nakumpleto nilang mga pahayag.
Larawan
Jesus Christ depicted kneeling at the base of a tree in the Garden of Gethsemane during the Atonement. Christ has His hands clasped as He prays.
Larawan
Christ hanging on a cross at Calvary. Two thieves, also hanging on crosses are at the left and right of Christ. Numerous observers, including Mary, the mother of Christ, Mary Magdalene, other mourners and Roman soldiers are gathered around the crosses. Thunder clouds are gathering in the sky.
Tingnan ang mga larawan ni Jesus sa Getsemani at sa krus at isipin kung ano ang nalalaman mo tungkol sa Pagbabayad-sala ni Jesucristo.
Kumpletuhin ang mga sumusunod na pahayag sa iyong study journal.
Isinugo ng Ama sa Langit si Jesucristo sa mundo upang magbayad-sala para sa atin para …
Kabilang sa ilang bagay na naranasan ni Jesus sa Getsemani ang …
Si Jesus ay namatay sa krus dahil …
Kung hindi nagdusa si Jesus sa Getsemani at namatay sa krus, …
Sa lesson na ito, marami ka pang malalaman tungkol sa Pagbabayad-sala ni Jesucristo at sa pagmamahal na ipinakita ng Ama sa Langit nang isugo Niya ang Kanyang Anak sa mundo. Habang nag-aaral ka, pagtuunan ng pansin ang mga pahiwatig ng Espiritu Santo na makatutulong sa iyo na mas mapahalagahan ang sakripisyo ni Jesucristo para sa iyo at mapalakas ang iyong pananampalataya sa Kanya.
Maaari kang magbigay ng kopya ng sumusunod na handout sa mga estudyante at maaari mo silang bigyan ng oras na tahimik na mapag-aralan nang mag-isa ang materyal. Maaari kang magpatugtog ng mahinang instrumental na musika ng himno sa background para matulungan ang mga estudyante na maituon ang kanilang isipan sa espirituwal na nilalaman ng pinag-aaralan nila.
Ang Pagbabayad-sala ng Tagapagligtas
Ang mga sumusunod na scripture passage at pahayag ay nagtuturo tungkol sa Pagbabayad-sala ni Jesucristo. Maglaan ng 10 hanggang 15 minuto upang mabasa nang mabuti ang mga source na ito (o ang iba pang mga source tungkol sa Pagbabayad-sala ng Tagapagligtas na interesado kang pagkunan ng impormasyon o nahanap mo bago ang lesson na ito). Habang nagbabasa ka, isipin kung paano ka natutulungan ng bawat isa sa mga source na ito na mas maunawaan kung ano ang ginawa ng Ama sa Langit at ni Jesucristo para sa iyo at kung bakit Nila ito ginawa.
Brother Tad R. Callister, Sunday school General President. Official Portrait 2018.
Ano kung gayon ang Pagbabayad-sala ni Jesucristo? Sa isang banda, ito ay ang magkakasunod na mga banal na pangyayari na nagsimula sa Halamanan ng Getsemani, na nagpatuloy sa krus, at natapos sa Pagkabuhay na Mag-uli ng Tagapagligtas mula sa libingan. Ito ay ginawa dahil sa hindi kayang maunawaan na pag-ibig para sa bawat isa sa atin. Ito ay nangangailangan ng isang nilalang na walang kasalanan; na walang hanggan ang kapangyarihan sa mga elemento—maging sa kamatayan; na nagtataglay ng walang hanggang kakayahang pagdusahan ang mga ibinunga ng lahat ng ating mga kasalanan at sakit; at sa katunayan ay nagpakababa-baba sa lahat ng bagay [tingnan sa Doktrina at mga Tipan 88:6 ]. Ito ang misyon ni Jesucristo—ito ang Kanyang Pagbabayad-sala.
Ano kung gayon ang layunin nito? Ito ay upang gawing posible para sa atin na bumalik sa piling ng Diyos, maging mas katulad Niya, at magkaroon ng lubos na kagalakan. Ito ay nagawa sa pamamagitan ng pagdaig sa apat na hadlang:
1. Pisikal na kamatayan
2. Espirituwal na kamatayan na dulot ni Adan at ng ating mga kasalanan
3. Ang ating mga paghihirap at karamdaman
4. Ang ating mga kahinaan at pagiging hindi perpekto
(Tad R. Callister, “Ang Pagbabayad-sala ni Jesucristo,” Ensign o Liahona, Mayo 2019, 85)
Ano ang naramdaman o nalaman mo habang pinag-aaralan mo ang tungkol kay Jesucristo at sa Kanyang Pagbabayad-sala?
Kapag natapos nang sagutan ng mga estudyante ang handout, maaari mo silang anyayahang ibahagi sa klase o sa maliliit na grupo ang kanilang mga sagot sa huling tanong. Maaari ding makatulong na bigyan ang mga estudyante ng pagkakataong itanong ang anumang tanong nila habang pinag-aaralan nila ang materyal sa handout.
Paano naipakita ang pagmamahal ng Ama sa pagsusugo ng Kanyang Anak?
Isa sa mga katotohanang binigyang-diin ng Tagapagligtas nang ituro Niya kay Nicodemo ang tungkol sa Kanyang Pagbabayad-sala (tingnan sa Juan 3:14–17) ay ang katotohanang mahal na mahal ng Ama sa Langit ang Kanyang mga anak kaya isinugo Niya ang Kanyang Bugtong na Anak upang magbayad-sala para sa atin.
Itinuro ni Pangulong Dallin H. Oaks ng Unang Panguluhan kung paano nakikita ang pagmamahal ng Ama sa Langit sa pamamagitan ng Pagbabayad-sala ng Tagapagligtas:
Larawan
Official Portrait of President Dallin H. Oaks taken March 2018.
Wala nang hihigit na katibayan sa walang-katapusang kapangyarihan at kaganapan ng pag-ibig ng Diyos na ipinahayag ni Apostol Juan: “Sapagka’t gayon na lamang ang pagsinta ng Dios sa sanglibutan, na ibinigay niya ang kaniyang bugtong na Anak” ( Juan 3:16). Isa pang Apostol ang sumulat na ang Diyos ay “hindi pinagkait ang kanyang sariling Anak, kundi ibinigay dahil sa ating lahat” ( Mga Taga Roma 8:32). Isipin na lamang kung gaano ang pighati ng ating Ama sa Langit sa pagsusugo ng Kanyang Anak upang tiisin ang di-maarok na pagdurusa para sa ating mga kasalanan. Iyan ang pinakamalaking katibayan ng Kanyang pagmamahal sa bawat isa sa atin!
(Dallin H. Oaks, “Pag-ibig at Batas,” Ensign o Liahona, Nob. 2009, 26)
Ano ang natutuhan mo mula sa pahayag na ito?
Larawan
Christ hanging on a cross at Calvary. Two thieves, also hanging on crosses are at the left and right of Christ. Numerous observers, including Mary, the mother of Christ, Mary Magdalene, other mourners and Roman soldiers are gathered around the crosses. Thunder clouds are gathering in the sky.
Maaari mong bigyan ang mga estudyante ng oras na isulat ang kanilang mga saloobin o patotoo tungkol kay Jesucristo sa kanilang study journal. Pagkatapos nilang magsulat, maaaring ibahagi sa klase ng ilang nagboluntaryo ang isinulat nila.
Komentaryo at Pinagmulang Impormasyon
Paano ko matatamo ang lakas na ibinibigay sa akin ni Jesucristo sa pamamagitan ng Kanyang Pagbabayad-sala?
Itinuro ni Pangulong Russell M. Nelson ang sumusunod tungkol sa paghugot ng lakas kay Jesucristo sa ating buhay:
Larawan
Official portrait of President Russell M. Nelson taken January 2018
Tinutukoy nating mga Banal sa mga Huling Araw ang Kanyang misyon bilang Pagbabayad-sala ni Jesucristo, kaya naging totoo ang pagkabuhay na mag-uli para sa lahat at naging posible ang buhay na walang hanggan para sa mga nagsisisi sa kanilang mga kasalanan at tumatanggap at tumutupad ng mga kinakailangang ordenansa at tipan. …
… Ang ating mga tipan ang nagbubuklod sa atin sa Kanya at nagbibigay sa atin ng lakas mula sa Diyos. Bilang matatapat na disipulo, tayo ay nagsisisi at sumusunod sa Kanya sa mga tubig ng binyag. Tinatahak natin ang landas ng pakikipagtipan tungo sa pagtanggap ng iba pang mga kinakailangang ordenansa. …
Ang mga lalaki at babaeng tumutupad sa tipan ay naghahanap ng mga paraan para mapanatiling walang bahid-dungis ang kanilang sarili mula sa sanlibutan para walang makahadlang sa paghugot nila ng lakas sa Tagapagligtas.
Paano ko malalaman kung nagkakaroon ng epekto si Jesucristo at ang Kanyang kapangyarihan sa buhay ko?
Itinuro ni Pangulong Henry B. Eyring ng Unang Panguluhan:
Larawan
Official Portrait of President Henry B. Eyring taken March 2018.
Kung nadarama ninyo ang impluwensya ng Espiritu Santo ngayon, maituturing ninyong katibayan ito na nagkakaroon ng epekto ang Pagbabayad-sala [ni Jesucristo] sa iyong buhay. Sa kadahilanang iyan at sa marami pang iba, makabubuting ilagay ninyo ang inyong sarili sa mga lugar at mga gawain na nag-aanyaya ng mga pahiwatig ng Espiritu Santo.
(Henry B. Eyring, “Gifts of the Spirit for Hard Times,” Ensign, Hunyo 2007, 23)
Saan ako maaaring may matutuhan pa tungkol sa Pagbabayad-sala ni Jesucristo?
Maaari mong palalimin ang iyong naunawaan tungkol sa Tagapagligtas at sa Kanyang Pagbabayad-sala sa pamamagitan ng paggamit ng mga tulong sa pag-aaral ng banal na kasulatan gaya ng entry sa Mga Paksa ng Ebanghelyo na pinamagatang “Pagbabayad-sala ni Jesucristo” (ChurchofJesusChrist.org) o sa pamamagitan ng paghahanap sa “ Bayad-sala, Pagbabayad-sala ” sa Gabay sa mga Banal na Kasulatan (scriptures.ChurchofJesusChrist.org). Ang mga tulong sa pag-aaral na ito ng banal na kasulatan ay naglalaman ng mahahalagang kabatiran, banal na kasulatan, mensahe, video, at iba pang resources na nagtuturo tungkol sa Pagbabayad-sala ng Tagapagligtas.
Mga Karagdagang Aktibidad sa Pag-aaral
Maghanda ng lesson na pang-missionary
Anyayahan ang mga estudyante na ipagpalagay na sila ay mga missionary at kailangan nilang maghandang magturo sa isang tao tungkol kay Jesucristo at sa Kanyang Pagbabayad-sala. Sabihin sa mga estudyante na pag-aralan ang bahaging pinamagatang “Ang Pagbabayad-sala ni Jesucristo” sa mga pahina 56–57 ng Mangaral ng Aking Ebanghelyo: Gabay sa Paglilingkod ng Misyonero (2019). Sabihin sa mga estudyante na maghanda ng 5 hanggang 10 minutong outline ng lesson batay sa natutuhan nila mula sa resource na iyon.Kapag tapos nang ihanda ng mga estudyante ang kanilang outline, maaari mong hatiin ang klase at sabihin sa mga estudyante na magsalitan sa pagtuturo ng kanilang mga lesson sa isang kapartner o sa isang maliit na grupo. Bilang alternatibo, maaaring magbahagi ang ilang nagboluntaryo ng kanilang lesson sa klase.
Paano maiimpluwensyahan ni Jesucristo ang buhay ko sa pamamagitan ng aking pananampalataya sa Kanya?
Anyayahan ang mga estudyante na gumawa ng polyetong naglalayong tulungan ang mga tao na maunawaan ang kahalagahan ng Pagbabayad-sala ni Jesucristo. Maaari mong anyayahan ang mga estudyante na pag-aralan ang “Ang Pagbabayad-sala at ang Paglalakbay sa Mortalidad,” ni Elder David A. Bednar ng Korum ng Labindalawang Apostol (Liahona, Abr. 2012, 40–47) upang matulungan sila sa paghahanda para sa aktibidad na ito. Maaaring gamitin ng mga estudyante ang nilalaman ng artikulo ni Elder Bednar para gumawa ng mga heading at content para sa kanilang polyeto.
Mapapagaling ni Jesucristo ang mga nagtitiwala sa Kanya
Maaari mong ipakita ang mga sumusunod na larawan para sa aktibidad sa pag-aaral na ito.
Larawan
Christ hanging on a cross at Calvary. Two thieves, also hanging on crosses are at the left and right of Christ. Numerous observers, including Mary, the mother of Christ, Mary Magdalene, other mourners and Roman soldiers are gathered around the crosses. Thunder clouds are gathering in the sky. The Old Testament prophet Moses pointing to a staff with a brass serpent attached to the top. The painting illustrates the event wherein Moses promised the Israelites that they would be saved from the fiery serpents if they looked at the brass serpent.
Tulad ng nakatala sa Juan 3:14–16 , inihambing ni Jesucristo ang napipintong Pagpapako sa Kanya sa Krus sa panahon kung kailan itinaas ni Moises ang ahas sa ilang. Anyayahan ang mga estudyante na pag-aralan ang Juan 3:14–16 , 1 Nephi 17:40–41 , at Alma 33:18–22 , at alamin kung paanong ang pangyayaring ito sa panahon ni Moises ay nauugnay sa Pagpapako sa Krus at Pagbabayad-sala ni Jesucristo.