Lucas 2:1–14

“Karong Gabhiona Natawo … ang Inyong Manluluwas”

Nativity scene depicting Mary holding the infant Jesus Christ. Joseph is sitting next to Mary. A group of shepherds are gathered around Mary and Joseph. The shepherds are kneeling before the infant Christ.

Si Jose ug Maria mibiyahe ngadto sa Betlehem, diin si Jesus natawo. Usa ka anghel ang nagpahibalo sa pagkatawo sa Manluluwas ngadto sa mga magbalantay sa karnero duol sa Betlehem (tan-awa sa Lucas 2:9–12), “ug sa kalit mitungha … ang usa ka dakong panon sa mga anghel sa langit nga nag-awit ug mga pagdayeg sa Dios: Dalaygon ang Dios sa kahitas-an, ug sa yuta panagdait sa mga tawo nga iyang gikahimut-an” (Lucas 2:13–14). Tinguha niini nga leksiyon nga matabangan ka sa pagrebyo sa mga panghitabo sa pagkatawo sa Manluluwas ug ipaila nganha kanimo ang doktrina nga gitudlo sa tudling sa doktrinal nga kahanas sa Lucas 2:10–12. Tun-an nimo ang tahas ni Jesukristo isip imong Manluluwas ug magkat-on kon sa unsa ka Niya giluwas aron ikaw, sama sa mga anghel, mahimong maghimaya usab ug magdayeg sa Dios para sa gasa sa Iyang Anak.

Pagtudlo sa doktrinal nga kahanas. Duha ka leksiyon ang nalambigit sa kada tudling sa doktrinal nga kahanas: usa ka mahinungdanong leksiyon sa sulod nga nagpaila sa tudling sa konteksto sa hut-ong sa mga kasulatan, ug usa ka leksiyon nga nag-awhag sa mga estudyante nga ipasabot ang doktrina, imemorya ang importante nga hugpong sa mga pulong sa kasulatan ug pakisayran, ug magpraktis sa paggamit sa mga baroganan sa pag-angkon og espirituhanong kahibalo. Mao kini ang mahinungdanong leksiyon sa sulod.

Posible nga mga Kalihokan sa Pagkat-on

Ang Belen [Nativity]

Pagdala og gamay nga Belen, o pagpakita og usa ka litrato sa Belen [Nativity].

Unsa ang pipila sa imong mga paboritong detalye mahitungod sa Belen [Nativity]?
Nganong makahuloganon man kanimo kini nga mga detalye?

Mahimong basahon sa mga estudyante ang mosunod nga mga bersikulo, sa tagsa-tagsa, nga magkapares, o sa mga gagmay nga grupo, o mahimo silang magsunod samtang magbasa ang usa ka tigsaysay.

Basaha ang Lucas 2:1–14 , nga mangita niadto nga mga detalye nga importante kanimo o bag-ong mga detalye nga lagmit wala nimo namatikdan kaniadto sa sugilanon sa Belen [Nativity].

Unsa nga mga detalye sa sugilanon sa Belen [Nativity] ang imong namatikdan nga importante kanimo?

Kon nag-obserba ang mga estudyante og display o litrato sa Belen [Nativity], lagmit nga makatabang kon dapiton sila nga itudlo kon unsa ang anaa sa display nga dili kabahin sa asoy sa Lucas 2:1–14 . Sa partikular, mahimong makatabang kon itudlo nga wala nalakip ang bitoon o ang Mga Maalamong Tawo sa asoy ni Lucas sa Belen [Nativity] tungod kay kini nga mga panghitabo nahitabo pipila na ka tuig human sa pagkatawo sa Manluluwas (tan-awa sa Mateo 2:1–12).

Basaha pag-usab ang Lucas 2:10–12 , nga mangita kon giunsa pagpahibalo sa anghel ang pagkatawo ni Jesus.

Ang Lucas 2:10–12 usa ka tudling sa doktrinal nga kahanas. Kini nga leksiyon motabang sa mga estudyante sa pagtuon sa tudling sa doktrinal nga kahanas diha sa konteksto. Ang sunod nga leksiyon maghatag sa mga estudyante og oportunidad aron ipasabot ang doktrina nga gitudlo niini nga tudling, imemorya ang importante nga hugpong sa mga pulong ug pakisayran sa kasulatan, ug ipraktis ang paggamit sa mga baroganan sa pag-angkon og espirituhanong kahibalo.

Unsa ang unang titulo nga gigamit sa anghel para kang Jesukristo sa dihang iyang gipahibalo ang pagkatawo ni Jesus ngadto sa mga magbalantay sa karnero?
Nganong importante man nga sa tanang titulo nga aduna si Jesukristo, kini ang gigamit sa anghel aron ipahibalo ang Iyang paghimugso?

Tingali makatabang ang pagkahibalo nga sa orihinal nga paghubad sa Biblia sa Griyego, ang pulong nga gigamit para sa Manluluwas nagkahulugan usab og tigluwas o tigpreserba.

Ang usa sa mga kamatuoran nga gitudlo niini nga tudling mao nga si Jesukristo mao ang Manluluwas sa kalibotan.

Nanginahanglan kita og Manluluwas

Si Elder D. Todd Christofferson sa Korum sa Napulog Duha ka Apostoles mipakigbahin sa mosunod nga kasinatian:

Dugay na, usa ka tawo kinsa nahimong miyembro sa Simbahan sulod sa daghang katuigan nangutana nako, “Nganong magkinahanglan man ko ni Jesukristo? Gituman nako ang mga kasugoan; usa ko ka maayong tawo. Nganong magkinahanglan ko sa Manluluwas?” Moingon gyud ko nga kining kapakyas sa miyembro sa pagsabot niining labing sukaranang bahin sa atong doktrina, kining sukaranang elemento sa plano sa kaluwasan, nakapahingangha kanako.

(D. Todd Christofferson, “Nganong Nagkinahanglan Kita ni Jesukristo,” Liahona, Dis. 2020, 19–20)

Pagtagana og panahon aron ikonsiderar kon unsaon nimo pagsanong, base sa imong kaugalingong mga hunahuna ug pamati, kon anaa ka sa lugar ni Elder Christofferson.

Mahimo kitang makakat-on mahitungod sa atong panginahanglan og Manluluwas pinaagi sa pagtuon sa mga kasulatan ug sa mga pulong sa mga propeta (tan-awa sa Jacob 7:11).

Ang pagtabang sa mga estudyante sa pagkat-on kon unsaon pag-cross reference makatabang kanila nga mapalambo ang ilang pagtuon, pag-ila sa mga doktrinal nga koneksyon gikan sa lainlaing mga tudling, ug madugangan ang ilang kaalam sa kasulatan. Ikonsiderar ang pagpangutana sa mga estudyante kon giunsa nila paggamit ang mga cross-reference sa ilang pagtuon ug kon sa unsang paagi nakatabang kanila ang mga cross-reference.

Ang kahanas sa pagtuon sa kasulatan nga makapausbaw sa imong pagsabot sa doktrina ug mga baroganan mao ang paghimo og mga cross-reference sa imong mga kasulatan. Aron mag-cross reference, paghimo og link sa Gospel Library nga app o pagkonekta sa may kalabotan nga mga kasulatan pinaagi sa pagrekord og pakisayran sa kasulatan duol sa laing tudling sa kasulatan.

Tun-i ang tulo hangtod sa upat sa mosunod nga mga tudling sa kasulatan aron makatabang sa pagtubag sa mga pangutana nga “Nganong nanginahanglan ako og Manluluwas?”ug “Luwason Niya ako gikan sa unsa?” Ikonsiderar ang pag-cross reference niini nga mga tudling pinaagi sa pag-link niini sa Lucas 2:10–12 diha sa Gospel Library nga app o pinaagi sa pagrekord sa pakisayran nga Lucas 2:10–12 duol sa mga bersikulo nga imong gitun-an.

Ikonsiderar ang pagsulat diha sa pisara sa mga pangutana nga “Nganong nanginahanglan ako og Manluluwas?” ug “Luwason Niya ako gikan sa unsa?” Dili na kinahanglang gamiton o ipakita ang tanan sa mosunod nga mga pakisayran sa kasulatan. Depende sa abilidad sa estudyante, mahimong buhaton ang mosunod nga kalihokan sa pagpangita sa kasulatan sa mga estudyante nga magkapares o mga gagmay nga grupo nga wala gihatagan sa mga pakisayran.

Kon mahuman na ang mga estudyante sa pagsulat sa ilang mga tubag, hangyoa ang pipila nga ipaambit kon unsa ang ilang gisulat, o iawhag nga magpares-pares aron magpaambit sa silingan nga magkapares. Siguroha nga nasabtan sa mga estudyante nga luwason kita ni Jesukristo gikan sa atong mga sala kon maghinulsol kita ug gikan sa pisikal nga kamatayon pinaagi sa kinatibuk-ang pagkabanhaw. Ang Manluluwas mahimong mohupay ug mosuporta kanato sa mga kalisod nga atong giatubang.

Unsa nga mga kasulatan ang imong gipili?
Sa unsang paagi nga nakatabang kanimo kini nga mga kasulatan sa pagtubag sa mga pangutana nga “Nganong nanginahanglan ako og Manluluwas?”ug “Luwason Niya ako gikan sa unsa?”

Depende sa magamit nga panahon ug kon nanginahanglan ang mga estudyante og dugang pang tabang sa pagsabot kon nganong nanginahanglan kita og Manluluwas, ikonsiderar ang pagpakita sa mosunod nga video. Mahimong natan-aw na kini sa pipila ka estudyante kon nakompleto na nila ang pag-andam sa estudyante. Mahimo usab nga magpaambit ang mga estudyante og mga paagi nga personal silang gipanalanginan sa Manluluwas.

Tan-awa ang video nga “Why We Need a Savior—A Christmas Message about Our Savior Jesus Christ” (2:15), nga mangita kon nganong nanginahanglan kita og Manluluwas. Makita kini nga video sa ChurchofJesusChrist.org.

Gipamatud-an ni Elder Christofferson ang pipila sa mga panalangin nga madawat nato pinaagi kang Jesukristo:

Tungod sa Pag-ula ni Jesukristo, kita maulian gikan sa dili maayong mga pagpili. Tungod sa Pag-ula ni Jesukristo, ang mga epekto ngari kanato sa sala ug kasaypanan sa uban, ug sa uban pang dili makiangayon, gitar[o]ng. Aron mamaayo, ug mahimong balaan, nagkinahanglan kita og Manluluwas.

(D. Todd Christofferson, “Nganong Nagkinahanglan Kita ni Jesukristo,” Liahona, Dis. 2020, 22)

Sa Lucas 2:10 gideklara sa anghel nga, “Ania ako nagdalag maayong balita alang kaninyo nga makalipay kaayo.”

Answer at least one of the following questions:

Giunsa nimo pagkakita og “dakong kalipay” sa imong Manluluwas, nga si Jesukristo?
Unsa ang atong mahimo aron madugangan ang atong kalipay diha sa Manluluwas?

Dapita ang andam nga mga estudyante sa pagpamatuod bahin sa kalipay sa katubsanan nga ilang gibati tungod sa Manluluwas, nga si Jesukristo. Ikonsiderar usab ang paghatag og pagpamatuod.

Komentaryo ug Background nga Impormasyon

Nganong miadto man si Maria ug Jose sa Betlehem aron mobayad og buhis?

Si Caesar Augustus usa ka makamao ug madasigong tigmando sa Roma kansang paghari—gikan niadtong 31 B.C. hangtod sa A.D.14—nailhan sa kahapsay ug pagsunod sa balaod. Ang “pagpanglista [taxing]” nga nahisgotan sa Lucas 2:2 sa tinuod lang usa ka paglista [o census] sa mga tawo para sa umaabot nga mga katuyoan sa pagbuhis, usa ka paglista nga nagkinahanglan sa tigbayad og buhis nga personal nga mosumiter sa gikinahanglan nga impormasyon. Tungod kay si Jose ug Maria parehong mga kaliwat ni Haring David, gikinahanglan sila nga mobiyahe ngadto sa Betlehem, nga mao ang yutang natawhan ni Haring David. … Ang karaang mga propeta mipamatuod nga ang Mesiyas matawo sa Betlehem, sa dapit sa Jerusalem (tan-awa sa Miquias 5:2 ; Alma 7:10).Ang Betlehem anaa sa gibana-bana nga 85–90 ka milya (137–145 ka kilometro) sa habagatan sa Nazaret, malakaw sa labing ubos upat ngadto sa lima ka adlaw, tingali mas taas kon hunahunaon ang kahimtang ni Maria.

(Manwal sa Estudyante sa Bag-ong Tugon [2014], 143)

Dugang nga mga Kalihokan sa Pagkat-on

Pagpangita og kalipay diha sa Manluluwas

Ipakita ang mubo nga pelikula nga The Christ Child: A Nativity Story (17:57), nga anaa sa ChurchofJesusChrist.org. Ikonsiderar ang pagpakita sa mosunod nga mga segment. Paghatag og panahon pagkahuman sa kada segment aron hisgotan sa mga estudyante kon giunsa pagpakita sa mga indibidwal ang ilang kalipay sa pagkatawo sa Manluluwas.

Maria ug Jose: code sa oras nga 0:00 hangtud sa 8:56

Ang mga magbalantay sa karnero ug mga anghel: code sa oras nga 08:56 hangtod sa 11:30

Ang Mga Maalamong Tawo: code sa oras nga 11:30 hangtod sa 12:42 ug 13:44 hangtod sa 17:15

“Kalipay sa Kalibotan”

Ikonsiderar ang pagkanta sa himno nga “Kalipay sa Kalib[o]tan” (Mga Himno, no. 120). Mahimo usab nga makabenepisyo ang mga estudyante gikan sa panaghisgotan bahin sa mosunod nga baroganan: Tungod kay si Jesukristo mao ang akong Manluluwas, makasinati ako og kalipay. Ang mga estudyante mahimong mag-istorya mahitungod sa kon sa unsang paagi nga si Jesukristo mao ang tinubdan sa kalipay ug mga paagi nga nakasinati sila og kalipay tungod kay Siya ang ilang Manluluwas.

Lucas 2:10 . “Maayong balita nga makalipay kaayo”

Sa Lucas 2:10 gideklara sa anghel nga, “Ania ako nagdalag maayong balita alang kaninyo nga makalipay kaayo.” Ikonsiderar ang pag-cross reference niini nga bersikulo sa pagpahibalo sa anghel bahin sa Manluluwas ngadto kang Haring Benjamin nga girekord sa Mosiah 3:3–5 .