Lucas 2:40–52

Si Jesus “Mitubo, ug Nahimong Kusgan”

Jesus teaching in the temple as a young boy.

Isip usa ka batan-ong lalaki, ang Manluluwas mitudlo sa ebanghelyo sa gamhanan kaayong paagi nga bisan ang mga magtutudlo sa templo “nahibulong sa iyang maalamong mga tubag” (Lucas 2:47). Tinguha niini nga leksiyon nga lig-onon ang imong kagustohan nga mahimong sama kang Jesukristo pinaagi sa paningkamot nga molambo sa intelektuwal, pisikal, espirituwal, ug sa sosyal nga paagi. Makabaton usab ka og oportunidad nga susihon ang imong kasamtangang mga tumong sa Personal nga Kalamboan: Giya nga Basahon sa Kabatan-onan (2019) o maghimo og mga bag-o.

Pagpokus sa kasinatian sa mga estudyante. Makakat-on ang mga estudyante samtang aktibo sila sa proseso sa pagtuon ug nagkinabuhi sa ebanghelyo. Samtang nagtudlo, pagpokus sa kon unsa ang kinahanglang masinati ug buhaton sa estudyante aron mag-aghat og personal nga pagpadayag ug mapalawom ang istoryahanay. Samtang gidugangan sa mga estudyante ang ilang kahibalo ug nagkinabuhi nga matarong, mahimo silang mas makabig ngadto sa Manluluwas ug sa Iyang ebanghelyo.

Pag-andam sa estudyante: Awhaga ang mga estudyante nga susihon ang mga tumong nga ilang gibuhat isip kabahin sa programa sa Kabataan ug Kabatan-onan. Hangyoa sila nga maghunahuna kon sa unsang paagi nga makatabang kanila kini nga mga tumong nga mahimong mas mahisama ni Jesukristo. Kon posible, padalha sila og kopya sa Personal nga Kalamboan: Giya nga Basahon sa Kabatan-onan nganha sa klase.

Posible nga mga Kalihokan sa Pagkat-on

Si Jesus mitubo ug milambo sa Iyang kabatan-on

Ipakita ang mosunod nga mga hulagway ug hatagi ang mga estudyante og pipila ka minuto sa pagpamalandong niini. Kon wala kini nga mga hulagway, hangyoa ang mga estudyante nga hunahunaon si Jesus sa dihang nagtubo Siya.

Tun-i kini nga mga hulagway sa Manluluwas sa Iyang kabatan-on. Hunahunaa kon unsang mga detalye sa kada usa niini nga mga hulagway ang nagsugyot mahitungod kang Jesus.

Jesus Christ depicted as a young boy in the carpenter shop of Joseph. Joseph is standing behind the young Christ. Christ is reading the scriptures from a scroll resting on a table. There are wood shavings on the table.

Christ as a youth learning carpentry skills in a carpenter’s shop. Joseph, the husband of Mary, is watching him.

Jesus Christ depicted as a child with his mother Mary. Christ is kneeling beside Mary and resting His clasped hands on Mary’s lap. Mary has her head bowed as she and the young Christ pray. There is an oil lamp burning on a table next to the mother and son.

Jesus Christ at age twelve in the temple at Jerusalem during the Feast of the Passover. A group of learned Jewish doctors are gathered around Christ. The doctors are expressing astonishment at the wisdom and understanding of the young Christ. (Luke 2:41-50)

Dasiga ang mga estudyante nga ipadayon ang balaang pagtahod para sa Manluluwas samtang gitubagan nila ang mosunod nga pangutana. Ang laing pangutana lagmit nga “Unsay gusto nimong mahibaloan mahitungod sa Manluluwas sa Iyang kabatan-on?”

Sa unsang paagi nga ang pagkahibalo kon sama sa unsa si Jesus niadtong batan-on pa Siya makatabang kanimo isip usa ka batan-on?

Kita adunay pipila ka detalye mahitungod sa kabatan-on ni Jesus, pero kadtong narekord mahimong usa ka dakong panalangin ug giya kanato samtang kita naningkamot nga mousbaw ug molambo. Samtang nagkat-on ka mahitungod sa kabatan-on sa Manluluwas, pangita og mga kamatuoran nga makatabang kanimo nga mahibalo kon unsa nga mga aspeto ang kinahanglan nimong pokusan samtang naningkamot ka nga mahimong mas mahisama sa atong Langitnong Amahan ug ni Jesukristo.

Basaha sa Lucas 2:40–52 ug Hubad ni Joseph Smith Mateo 3:24–26 (sa appendix sa Biblia), nga nangita og mga detalye mahitungod sa kon sama sa unsa ang Manluluwas niadtong batan-on pa Siya. Mahimo nimong markahan ang unsay imong makit-an.

Mahimo usab nimong tan-awon ang “Young Jesus Teaches in the Temple” (2:30), nga makita sa ChurchofJesusChrist.org.

2:29

Hinumdomi nga ang hugpong sa pulong nga “nahimong kusgan” ( Lucas 2:40 ; tan-awa usab sa Hubad ni Joseph Smith, Mateo 3:24 [sa appendix sa Biblia]) nagpasabot nga miusbaw o milambo si Jesus sa espirituwal nga kusog. Makatabang kini nga mahibaloan nga sigon sa Hubad ni Joseph Smith sa Lucas 2:46 (sa Lucas 2:46 , footnote c), ang batan-ong si Jesus wala naminaw sa mga doktor, o mga eskriba, ug nangutana kanila, pero “sila naminaw kaniya, ug nangutana kaniya.”

Unsa ang gitudlo kanimo niini nga asoy mahitungod sa kon sama sa unsa si Jesus niadtong batan-on pa Siya?
Unsa ang gitudlo kanimo sa bersikulo 52 mahitungod sa paagi nga mitubo ug milambo si Jesus sa Iyang kabatan-on?

Gikan sa Lucas 2:52 , nakat-onan nato nga magsunod kita sa ehemplo ni Jesukristo samtang miusbaw kita sa intelektuwal, pisikal, espirituwal, ug sa sosyal nga paagi.

Isulat sa pisara o ipakita ang mosunod nga mga pulong: Intelektuwal, Pisikal, Espirituwal, ug Sosyal. Dayon ipangutana ang mosunod:

Unsa ang pipila ka ehemplo gikan sa mga kasulatan diin gipakita ni Jesukristo ang Iyang mga kapasidad niining upat ka aspeto?
Unsa ang pipila ka rason nga gusto nimong mosunod sa ehemplo sa Manluluwas niining upat ka aspeto sa kinabuhi?

Kini nga bahin sa leksiyon gihimo aron tabangan ang mga estudyante sa paggamit sa Personal nga Kalamboan: Giya nga Basahon sa Kabatan-onan aron magtakda og mga tumong. Magmahimong sensitibo sa mga panginahanglan sa mga estudyante nga dili interesado o pamilyar niini nga giya nga basahon. Lagmit nga ang maayong kapanguhaan sa panaghisgotan mao ang mga estudyante nga naghimo na sa ilang mga tumong sa pagpalambo.

Ikonsiderar ang pagpadala og mensahe sa mga ginikanan ug mga lider sa Simbahan aron ipahibalo kanila nga gihisgotan sa mga estudyante kini nga mga tumong diha sa seminary. Makatabang kini sa mga ginikanan ug mga lider sa pag-follow up sa kabatan-onan.

Gihagit sa mga propeta ang kabatan-onan sa Simbahan nga mosunod sa ehemplo sa Manluluwas nga gipakita diha sa Lucas 2:52 , ug gipaila sa mga lider sa Simbahan ang Personal nga Kalamboan: Giya nga Basahon sa Kabatan-onan aron matabangan ka.

Tan-awa ang video nga “You Are Here to Discover Who You Are” (2:59) ug pangita og mga paagi nga masunod nimo ang ehemplo sa Manluluwas samtang nagtakda ka og mga tumong isip kabahin sa programa sa Kabataan ug Kabatan-onan. Makita kini nga video sa ChurchofJesusChrist.org.

2:53

Depende sa gidak-on sa klase, mahimong tungaon ang mga estudyante sa upat ka grupo aron hisgotan ang usa sa upat ka aspeto sa kalamboan. Dasiga ang mga estudyante nga maghisgot og lain-laing mga paagi nga motubo ug molambo sila niini nga mga aspeto ug sa lain-laing mga tumong nga matakda nila. Sa kataposan sa panaghisgotan, dapita ang usa ka miyembro sa kada grupo nga ipaambit ang ilang mga ideya.

Ang panglantaw sa Personal nga Kalamboan: Giya nga Basahon sa Kabatan-onan mao “aron mapalig-on ang imong pagtuo ni Jesukristo ug matabangan ka ug ang imong pamilya nga mouswag sa dalan sa pakigsaad samtang ikaw mag-atubang sa mga hagit sa kinabuhi” (“Unsa ang Kabataan ug Kabatan-onan?” ChurchofJesusChrist.org). Dugang pa sa giimprinta nga bersyon niini nga giya nga basahon, adunay magamit nga digital nga bersyon. Makita nimo ang digital nga bersyon sa mga app nga Gospel Library ug Gospel Living.

Sa pagsunod sa ehemplo sa Manluluwas, ikaw usab motubo diha sa balanseng paagi niini nga upat ka aspeto sa imong kinabuhi: espirituwal, sosyal, pisikal, ug intelektuwal. Tinguhaa ang giya sa Espiritu Santo samtang naghimo ka og mga tumong. Paminaw sa mga pag-aghat nga makatabang kanimo nga makita kon asa ka gustong tabangan sa Ginoo sa pagpokus sa imong kalamboan aron mahimong sama Kaniya. Makakita ka og pipila ka ideya sa mga mosunod nga website:

Ang “Alang sa Kabatan-onan” nga page sa website sa Kabataan ug Kabatan-onan

Ang Gospel Living app Inspiration feed

Sa imong kopya sa Personal nga Kalamboan: Giya nga Basahon sa Kabatan-onan, ikonsiderar ang pagbuhat og mga tumong niining upat ka aspeto sa imong kinabuhi. Kon nagsugod na ka sa imong mga tumong, susiha kon kumusta ang imong gibuhat ug pagbuhat og mga kausaban kon gikinahanglan. Hisgoti kanunay ang imong mga tumong ngadto sa imong mga ginikanan ug mga lider sa Simbahan. Mahimo usab nimong ipaambit ang imong mga tumong ug ang bisan unsang kasinatian gamit ang #StrivetoBe.

Tabangan ka ni Jesukristo samtang nagtakda ka og mga tumong ug naningkamot nga mahimong mas sama Kaniya. Misaad Siya nga kon moduol ka Kaniya ug mapaubsanong mopakita og hugot nga pagtuo, Siya “mohimo sa mahuyang nga mga butang nga mahimo nga malig-on” ( Ether 12:27).

Dapita ang mga estudyante nga nakasinati og mga positibong kasinatian sa paghimo sa ilang mga tumong nga ipaambit ang ilang mga kasinatian. Awhaga ang mga estudyante sa pagpaambit sa ilang mga kasinatian gamit ang #StrivetoBe.Kon wala sa mga estudyante ang kasamtangang misalmot niini nga programa, ikonsiderar ang pagdapit og lider sa kabatan-onan nganha sa klase aron mohatag og giya ug direksyon.Pilia ang pipila o tanan sa mosunod nga mga pangutana aron tubagan sa mga estudyante diha sa ilang mga journal sa pagtuon ug, kon adunay panahon, aron hisgotan isip usa ka klase.

Unsa ang gusto nimong pausbawon niini nga aspeto sa imong kinabuhi? Ngano man?
Sa unsa nga mga paagi nga ang pagpalambo niini nga aspeto makatabang kanimo nga mahimong mas sama sa Manluluwas?
Unsa kaha nga mga babag ang lagmit nga imong masinati?
Unsaon nimo pagpangayo og tabang ug giya sa Langitnong Amahan?

Komentaryo ug Background nga Impormasyon