Mateo 2; Lucas 2

Kinatibuk-ang Pagpasabot [Overview]

Si Jose ug Maria mibiyahe ngadto sa Betlehem, diin si Jesus natawo. Gipahibalo sa usa ka anghel ang pagka- himugso sa Manluluwas ngadto sa mga magbalantay sa karnero duol sa Betlehem (tan-awa sa Lucas 2:9–12). Ang mga magbalantay sa karnero “nakit-an nila si Maria ug si Jose ug ang bata nga naghigda sa pasungan” (Lucas 2:16) ug namauli nga “nga nag-awit ug mga pagdayeg sa Dios” (Lucas 2:20). Si Simeon, Ana, ug ang Maalamon nga mga Tawo gikan sa sidlakan gigiyahan aron makakita ug magmaya sa ilang Manluluwas. Pinaagi sa pagpadayag, gitudloan si Jose kon unsaon pagluwas ang batang si Jesus gikan sa kamandoan ni Herodes nga patyon ang mga bata sa Betlehem.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang mahimong kinahanglan nga andamon nang daan para sa kada leksiyon.

Lucas 2:1–14

Katuyoan sa leksiyon: Kini nga leksiyon motabang sa mga estudyante nga masabtan ang tahas ni Jesukristo isip Manluluwas sa kalibotan.

Pag-andam sa estudyante: Kon posible, dapita ang mga estudyante nga tan-awon ang “Why We Need a Savior—A Christmas Message about Our Savior Jesus Christ” (2:15), nga anaa sa ChurchofJesusChrist.org. Dapita sila nga maghunahuna mahitungod sa kon nganong nanginahanglan sila og Manluluwas samtang nagtan-aw sila.

Butang: Usa ka gamay nga Belen o litrato sa Belen [Nativity]

Mga sugyot sa pagtudlo pinaagi sa videoconference: Ikonsiderar ang pag-awhag sa mga estudyante nga magpaambit sa chat og usa sa mga kasulatan nga ilang gitun-an isip mga cross-reference para sa Lucas 2:10–12.

Doktrinal nga Kahanas: Lucas 2:10–12

Katuyoan sa leksiyon: Kini nga leksiyon motabang sa mga estudyante sa pagmemorya sa pakisayran ug mahinungdanong hugpong sa mga pulong sa kasulatan para sa Lucas 2:10–12 , ipasabot ang doktrina, ug praktison ang paggamit sa mga baroganan aron makaangkon og espirituhanong kahibalo.

Pag-andam sa estudyante: Dapita ang mga estudyante nga sugdan ang pagmemorya sa pakisayran ug mahinungdanong hugpong sa mga pulong sa kasulatan para sa Lucas 2:10–12 : “Kay karong gabhiona, natawo sa lungsod ni David ang inyong Manluluwas, ang Kristo nga Ginoo.”

Content nga ipakita: Usa ka hulagway sa paghimugso sa Manluluwas
Mga materyal para sa mga estudyante: Usa ka kopya sa “Ang Buhi nga Kristo: Ang Pagpamatuod sa Mga Apostoles” ug usa ka himno

Sugyot sa pagtudlo pinaagi sa videoconference: Ikonsiderar ang paggamit sa mga breakout room aron ibutang ang mga estudyante sa mga grupo samtang naghisgot sila og usa o daghan pang mga baroganan sa pag-angkon og espirituhanong kahibalo.

Lucas 2:1–39; Mateo 2:1–12

Katuyoan sa leksiyon: Kini nga leksiyon gitumong aron matabangan ang mga estudyante nga gustong magtinguha ug magmaya diha sa ilang kaugalingong pagpamatuod mahitungod kang Jesukristo.

Pag-andam sa estudyante: Dapita ang mga estudyante nga pamalandongan kini nga mga pangutana: Unsa ka kusog ang imong gibati nga ikaw makapamatuod mahitungod kang Jesukristo? Unsaon nimo pagpalig-on ang imong pagpamatuod sa Manluluwas?

Video: “Shepherds Learn of the Birth of Christ” (2:50)
Video: “The Wise Men Seek Jesus” (code sa oras nga 2:58 hangtod sa 4:37)

Mateo 2:11–23

Katuyoan sa leksiyon: Kini nga leksiyon motabang sa mga estudyante sa pag-ila og pipila ka paagi nga makigsulti kanila ang Ginoo.

Pag-andam sa estudyante: Hangyoa ang mga estudyante nga mohatag og pagtagad sa kon giunsa pagpaningkamot sa Ginoo nga makigsulti kanila, lakip na pinaagi sa pagpadayag ug inspirasyon gikan sa Espiritu Santo. Awhaga ang mga estudyante nga hinumdoman kini nga mga komunikasyon.

Lucas 2:40–52

Katuyoan sa leksiyon: Motabang kini nga leksiyon sa mga estudyante nga mapalig-on ang ilang kagustohan nga mahimong sama kang Jesukristo pinaagi sa pagpaningkamot nga molambo sa intelektuwal, pisikal, espirituwal, ug sa sosyal nga paagi.

Pag-andam sa estudyante: Dapita ang mga estudyante nga rebyohon ang mga tumong nga ilang gibuhat isip kabahin sa programa sa Kabataan ug Kabatan-onan. Hangyoa sila nga maghunahuna kon sa unsang paagi nga makatabang kanila kini nga mga tumong nga mahimong mas mahisama ni Jesukristo. Kon posible, padalha sila og kopya sa Personal nga Kalamboan: Giya nga Basahon sa Kabatan-onan nganha sa klase.

I-andam aron ipakita: Mga hulagway sa Manluluwas sa Iyang kabatan-on. Mga website nga nagpasabot sa programa sa Kabataan ug Kabatan-onan.
Video: “Young Jesus Teaches in the Temple” (2:30)
Video: “You Are Here to Discover Who You Are” (2:59)
Mga materyal para sa mga estudyante: Usa ka kopya sa Personal nga Kalamboan: Giya nga Basahon sa Kabatan-onan para sa mga estudyante nga lagmit nga wala niini

Sugyot sa pagtudlo pinaagi sa videoconference: Aron matabangan ang mga estudyante sa paghunahuna og mga ideya bahin sa mga tumong para sa programa sa Kabataan ug Kabatan-onan, ikonsiderar ang pagpaambit sa imong screen aron ipakita ang content sa mga website nga nakalista diha sa leksiyon.