Luka 22; Ioane 18

Vaaiga Aoao

I le avea ai o se vaega o Lana Togiola, sa afio atu ai Iesu Keriso i le Faatoaga o Ketesemane ma na oo ai i puapuaga e le mafaamatalaina a o tauaveina i Ona lava luga agasala ma puapuaga o tagata uma. Ona faalataina ai lea o Ia, pue faapagotaina, ma aumaia i luma o le au Saneterini (o le faamasinoga faa-Iutaia o le tulafono), lea sa tuuaiina sese ai o Ia, tauemuina, ma sasaina.

Sauni e Aoao Atu

O nei faamatalaga e tuuina atu ai mo faiaoga ni manatu mo ni mea e tatau ona muai saunia ae lei amatalia lesona taitasi.

Luka 22:28–34, 54–61

Faamoemoega o le lesona: O lenei lesona o le a fesoasoani i tagata aoga ia iloa lo latou manaomia ona faalagolago ia Iesu Keriso ma faaauau pea ona faamalosia lo latou faatuatua ia te Ia.

Sauniuniga a le tagata aoga: Valaaulia tagata aoga e o mai saunia e faasoa mai se aafiaga na fesoasoani e faatupulaia ai lo latou faatuatua ia Iesu Keriso.

Vitio: “Foundations of Faith” (4:14; matamata mai i le faailotaimi 0:00 seia oo i le 1:33)

Ata: Sauni e faaali atu se ata o Peteru o loo faafitia Keriso.

Fautuaga faafaiaoga i fesootaiga: Mafaufau e valaaulia tagata aoga e faaaoga le vaega mo talanoaga [chat] i le lesona atoa e tali ai fesili e mafai ona taliina i se upu po o se fasifuaitau se tasi. Mo se faataitaiga, e mafai e tagata aoga ona lisi se tomai se tasi po o se agavaa e mafai ona leiloa pe afai e le o faaaogaina pe faamalosia. O le faaaogaina o le vaega mo talanoaga o se auala faigofie lea e faaaofia ai le toatele o tagata aoga. E faaitiitia ai foi le tele o le taimi e te faaaluina e talanoa ai i le taimi o le vasega, ma o le a tele ai le taimi e faaaoga mo fesili e mafai ai e tagata aoga ona faasoa mai aafiaga ma molimau.

Mataio 26:36–46; Luka 22:39–46, Vaega 1

Faamoemoega o le lesona: O lenei lesona o le a fesoasoani i tagata aoga ia malamalama i faamatalaga auiliili e uiga i mea na puapuagatia ai le Faaola i le Faatoaga o Ketesemane ma le ala na avea ai o se faatinoga o le alofa mo i latou.

Sauniuniga a le tagata aoga: Valaaulia tagata aoga e fai se mea e fesoasoani ia i latou e mafaufau loloto ai ia Iesu Keriso ma Lana Togiola. O ni faataitaiga e mafai ona aofia ai le iloiloina se viiga/pese, manatunatu i se ata o Iesu Keriso, faitauina o se fuaitau o tusitusiga paia, po o se isi mea.

Ata: Sauni e faaali atu se ata o le Faatoaga o Ketesemane.
Vitio: “What Has Our Savior Done for Us?” (12:44; matamata mai le faailotaimi 0:00 i le 0:34); “The Savior Suffers in Gethsemane” (8:32; matamata mai le faailotaimi 0:00 i le 5:55); “Abide in My Love” (15:08; matamata mai le faailotaimi 11:33 i le 14:03)

Siata: Faaali atu se kopi o le siata o loo aofia i le lesona.

Fautuaga faafaiaoga i fesootaiga i vitio: Ta se viiga e uiga i le Togiola a Iesu Keriso, e pei o le “Ou Te Tu ma Ofo” po o le “Thy Will, O Lord, Be Done” (Viiga, nu. 193, 188). A o taina le pese, valaaulia tagata aoga e faaaoga a latou telefoni e faitau ai upu o le pese, pe faaali upu i luga o le lau e faitau ai tagata aoga.

Mataio 26:36–46; Luka 22:39–46, Vaega 2

Faamoemoega o le lesona: O lenei lesona o le a fesoasoani i tagata aoga ia lagona se manaoga sili atu mo le malosi ma le fesoasoani e mafai e Iesu Keriso ona ofo mai ia i latou e ala i Lana Togiola.

Sauniuniga a le tagata aoga: Valaaulia tagata aoga e mafaufau pe mafai faapefea e Iesu Keriso ona faamanuia i latou ona o Lana Togiola.

Siata: Faaali atu se kopi o le siata o loo aofia i le lesona.
Vitio: “Atonement—Not a One-Time Thing” (3:00); “Alek’s Story” (6:26)

Luka 22:47–71; Ioane 18:1–27

Faamoemoega o le lesona: O lenei lesona o le a fesoasoani i tagata aoga ia mulimuli i le faataitaiga a Iesu Keriso e ala i le filifilia o le finagalo o le Tama Faalelagi i o latou olaga.

Sauniuniga a le tagata aoga: Valaaulia tagata aoga e mafaufau i se taimi na latou filifili ai e fai le mea na finagalo ai le Tama Faalelagi nai lo o se mea e faamuamua e le tagata lava ia. Fesili i le vasega e mafaufau po o le a le mea na faigata ma pe aisea na latou faia ai lea filifiliga.

Ata: O ata eseese o Iesu o loo saisaitia, sasaina, amoina o Lona satauro, ma le faasatauroina
Vitio: “Alek’s Story” (8:30; matamata mai le faailotaimi 5:55 i le 8:30); “Jesus Is Tried by Caiaphas, Peter Denies Knowing Him” (4:24; matamata mai le faailotaimi 0:00 i le 1:39); “Let God Prevail” (18:51; matamata mai le faailotaimi 12:17 i le 13:01)

Fautuaga faafaiaoga i fesootaiga i vitio: A o lei amataina le vasega, e mafai ona valaaulia tagata aoga e saili mo faataitaiga mai le soifuaga o le Faaola lea e faaalia ai Lona naunautaiga ia faia le finagalo o le Tama Faalelagi. E mafai ona valaaulia ni tagata aoga e faasoa mai mea na latou maua ina ua uma ona faailoa mai le upumoni sa faamamafaina i le lesona.

Toe Iloiloga o le Atamai i Aoaoga Faavae 10

Faamoemoega o le lesona: O lenei lesona o le a tuuina atu ai i tagata aoga ni avanoa e faataitai ai ona faaaoga nisi o fuaitau o le atamai i aoaoga faavae sa latou suesueina i lenei tausaga.

Faamatalaga:E ono manaomia ona aoaoina se lesona tau fuaitau o atamai i aoaoga faavae nai lo o lenei lesona toe iloilo. Tagai i le faasologa faatulagaina o lesona ua saunia e le faatonu o le eria po o le risone po o le taitai faamaopoopo ina ia mautinoa o lesona o fuaitau o le atamai i aoaoga faavae taitasi o le a aoaoina a o faagasolo ia vasega seminare.

Sauniuniga a le tagata aoga: Valaaulia tagata aoga e iloilo fuaitau e fa o le atamai i aoaoga faavae o loo faaalia i le siata o loo aofia i le lesona. Fesili atu ia i latou e saunia e faasoa mai ni auala patino e mafai ona latou faatino ai upumoni i nei fuaitau.

Siata: Faaali atu se siata o fuaitau o le atamai i aoaoga faavae ma o latou fasifuaitau autu o mau.

Fautuaga faafaiaoga i fesootaiga i vitio: Mafaufau e valaaulia faifeautalai o le uarota po o faifeautalai faamisiona mai la outou eria e auai i le talanoaga i fesootaiga i vitio ma tuuina atu ni aafiaga “moni o le olaga” e mafai e tagata aoga ona faaaoga e faataitai ai le faaaogaina o fuaitau o le atamai i aoaoga faavae nai lo o le faaaogaina o vaaiga faataitai ua tuuina atu i le lesona.