Mātiu 26; Maʻake 14; Sione 13
Vakai Fakalūkufuá
Lolotonga e Laka Atú, naʻe akoʻi ʻe Sīsū ʻEne kau ākongá fekauʻaki mo e fetokoniʻakí mo e feʻofaʻakí. Naʻá Ne fakahā ʻe lavakiʻi Ia. Naʻá Ne fokotuʻu ʻa e ouau ʻo e sākalamēnití ko ha founga foʻou ke manatuʻi ai Ia ʻe Heʻene kau ākongá. ʻOku kau ʻi he uiké ni ha lēsoni fakataukei fakatokāteline ke tokoni ki he kau akó ke fakatupulaki ʻenau taukei ʻi he tokāteline ʻo e sākalamēnití, pea pehē ki ha lēsoni ke tokoni ke nau siviʻi ʻenau akó mo e fakalakalaká.
Teuteu ke Akoʻi
ʻOku ʻoatu ʻe he fakamatala ko ʻení ki he kau faiakó ha ngaahi fakakaukau ki he meʻa ʻe ala fie maʻu ke teuteuʻi kimuʻa ki he lēsoni takitaha.
Sione 13
Taumuʻa ʻo e lēsoní: ʻE lava ke poupouʻi ʻe he lēsoni ko ʻení ʻa e kau akó ke nau fekumi ki he fiefiá ʻo fakafou ʻi he tokoni mo e ʻofa ki he niʻihi kehé ʻo hangē ko ia naʻe fai ʻe Sīsuú.
-
Teuteu ʻa e tokotaha akó: Fakaafeʻi e kau akó ke nau kumi ha faingamālie ke tokoni ai pe fakahaaʻi ha ʻofa faka-Kalaisi ki ha taha kehe.
-
-
Vitiō: “When Ye Are in the Service—YM” (3:01)
-
Fokotuʻu ki hono akoʻi ʻi he konifelenisi vitioó: Makehe mei hono fakaafeʻi ʻo e kau akó ke nau faʻu ha palani fakafoʻituitui ke fakahaaʻi ha ʻofa lahi ange ki he niʻihi kehé, fakakaukau ke faʻu ha palani fakakalasi ke nau fai fakataha ha ngāue ʻofa maʻa ha taha kehe.
Mātiu 26:1–25
Taumuʻa ʻo e lēsoní: ʻE lava ke tokoni e lēsoni ko ʻení ki he kau akó ke nau fakaʻaongaʻi e ngaahi folofola ʻa e Fakamoʻuí ʻi he folofolá ke vakavakaiʻi ʻenau moʻuí mo fakapapauʻi e ngaahi tafaʻaki ʻoku fie maʻu ke nau fakaleleiʻí.
-
Teuteu ʻa e tokotaha akó: Fakaafeʻi e kau akó ke nau fakakaukau ki ha taimi ne nau fakaʻaongaʻi ai ha faleʻi pe akonaki mei he folofolá, kau taki ʻo e Siasí, pe Ko e Laumālie Māʻoniʻoní ki heʻenau moʻuí. Naʻe mei kehe fēfē nai ʻenau moʻuí kapau naʻe ʻikai ke nau fili ke fakaʻaongaʻi e faleʻi ko iá?
Mātiu 26:26–30; Luke 22:19–20
Taumuʻa ʻo e lēsoní: ʻE lava ke tokoni ʻa e lēsoni ko ʻení ke mahino mo ongoʻi ʻe he kau akó ʻa e mahuʻinga ke manatuʻi ʻa e Fakamoʻuí ʻi heʻenau maʻu ʻa e sākalamēnití.
-
Teuteu ʻa e tokotaha akó: Talaange ki he kau akó ʻe fakaafeʻi kinautolu ʻi he lēsoni ko ʻení ke nau vakaiʻi ʻenau ngaahi aʻusia ʻi hono maʻu ʻo e sākalamēnití. Fakaafeʻi e kau akó ke nau fakakaukau ki heʻenau aʻusia fakamuimui taha ʻi hono maʻu ʻo e sākalamēnití pea haʻu mateuteu ke vahevahe ʻa e meʻa naʻa nau faí, fakakaukaú, pe ongo naʻá ne tokoniʻi kinautolu ke nau manatuʻi ʻa e Fakamoʻuí.
-
Vitiō: “Sākalamēnití—ko ha Fakafoʻou maʻá e Laumālié” (10:38; mamataʻi mei he taimi 9:25 ki he 9:57)
-
Vitiō: “Always Remember Him”(5:27; mamataʻi mei he taimi 0:00 ki he 0:53)
-
Fokotuʻu ki hono akoʻi ʻi he konifelenisi vitioó: Fakakaukau ki he ngaahi maʻuʻanga tokoni te ke tataki e tokanga ʻa e kau akó ki ai ʻi heʻenau teuteu ke ako ʻa e tokāteline ʻo e sākalamēnití. Palani ha founga ke vahevahe ai ʻe he kau akó ʻenau ngaahi fokotuʻutuʻu ʻo e lēsoní fekauʻaki mo e sākalamēnití ʻo tautau toko ua pe fakakulupu iiki.
Fakataukei Fakatokāteliné: Luke 22:19–20
Taumuʻa ʻo e lēsoní: ʻE ʻoatu ʻe he lēsoni ko ʻení ʻa e faingamālie ke fakatupulaki ʻe he kau akó ʻenau taukei ʻi he tokāteline ‘o e sākalamēnití ʻaki hono ako maʻuloto ʻa e fakamoʻoni fakafolofolá mo e kupuʻi lea mahuʻingá, fakamatalaʻi ʻo e tokāteliné, mo hono fakaʻaongaʻi ʻo e ngaahi tefitoʻi moʻoni ki hono maʻu ʻo e ʻilo fakalaumālié.
-
Teuteu ʻa e tokotaha akó: Fakaafeʻi e kau akó ke nau fakakaukau ki he meʻa ʻokú ne tokoniʻi kinautolu ke nau manatuʻi ʻa e Fakamoʻuí ʻi heʻenau maʻu ʻa e sākalamēnití pea mateuteu ke fakaʻaongaʻi pe vahevahe ʻa e aʻusia ko ʻení ʻi he lēsoni ko ʻení.
Siviʻi Hoʻo Akó 5
Taumuʻa ʻo e lēsoní: ʻOku fakataumuʻa ʻa e lēsoni ko ʻení ke tokoniʻi e kau akó ke nau vakaiʻi ʻa e ngaahi taumuʻa kuo nau fokotuʻú pea mo e tupulaki fakataautaha kuo nau aʻusia ʻi heʻenau ako e Fuakava Foʻoú.
-
Teuteu ʻa e tokotaha akó: Fakaafeʻi e kau akó ke nau fakakaukau ki he ngaahi lēsoni mo e ngaahi aʻusia fakaʻosi kuo nau maʻu tupu mei he ngaahi lēsoni ko iá.
-
Ngaahi ʻAtá: Ngaahi ʻīmisi ke tokoni ki he kau akó ke fakamanatu ha niʻihi ʻo e ngaahi meʻa mahuʻinga ne hoko mo e ngaahi akonaki ne nau ako lolotonga e uike ʻe tolu kuohilí
-
Fokotuʻu ki hono akoʻi ʻi he konifelenisi vitioó: ʻI hono vahevahe ʻe he kau akó ʻenau fakamatala fekauʻaki mo e Hāʻele ʻAnga Ua Mai ʻa Sīsū Kalaisí, fakakaukau ke fakaafeʻi ʻa e tokotaha ako naʻá ne toki vahevahé ke fili ha mēmipa ʻe taha ʻo e kalasí ke hoko atu. ʻE lava leva ke fakaafeʻi ʻa e tokotaha ako ko iá ke ne tānaki atu ha fakaikiiki ʻe taha naʻe ʻikai fakakau kimuʻa pea fili leva ha tokotaha ako ʻe taha ke ne vahevahe. ʻE lava ke toutou fakahoko ʻa e founga ko ʻení kae ʻoua kuo ʻikai lava ʻe he kalasí kotoa ʻo fakakaukau ki ha toe ngaahi fakaikiiki te nau fie fakamatalaʻi.