Mātiu 28; Maʻake 16; Luke 24; Sione 20–21

Vakai Fakalūkufuá

Hili hono telio ʻo e Fakamoʻuí, naʻe maʻu ʻe he kau ākonga faivelengá ha ngeʻesi fonualoto. Naʻe fakahā ʻe he kau ʻāngeló kuo toe tuʻu ʻa e ʻEikí. Naʻe hā ʻa Sīsū Kalaisi ki ha niʻihi fakafoʻituitui mo ha ngaahi kulupu tokolahi hili ʻEne Toetuʻú. Naʻá Ne maʻu meʻatokoni mo ʻEne kau ākongá ʻi he matātahi ʻo e Tahi Taipīliá (Kāleli), peá Ne fakaafeʻi ʻa Pita ke fakahaaʻi ʻene ʻofa ʻiate Iá ʻaki hono fafanga ʻEne fanga sipí.

Teuteu ke Akoʻi

ʻOku ʻoatu ʻe he fakamatala ko ʻení ki he kau faiakó ha ngaahi fakakaukau ki he meʻa ʻe ala fie maʻu ke teuteuʻi kimuʻa ki he lēsoni takitaha.

Luke 24:1–12, 36–48

Taumuʻa ʻo e lēsoní: ʻE tokoni ʻa e lēsoni ko ʻení ki he kau akó ke fakatupulaki e mahino ʻoku nau maʻu ki he tokāteline ʻo e Toetuʻu ʻa e Fakamoʻuí pea mo e founga ʻoku tokoni ai ki heʻenau moʻuí.

• Teuteu ʻa e tokotaha akó: Fakaafeʻi e kau akó ke nau sioloto mo fakakaukau ke lisi e meʻa ʻoku nau ʻilo fekauʻaki mo e toetuʻú mo e ʻuhinga ʻoku mahuʻinga ai kiate kinautolu fakatāutaha e Toetuʻu ʻa e Fakamoʻuí.

• Meʻa ke fakaʻaliʻali atú: Ko ha fakatātā ʻo e ngeʻesi fonualoto ʻo e Fakamoʻui kuo toetuʻú

• Ngaahi Vitioo “Hā ʻa e ʻEiki Toetuʻú ki he Kau ʻAposetoló” (2:19); “Ko e Toetuʻu ʻo Sīsū Kalaisí” (15:41; mamata mei he taimi 9:06 ki he 12:01); “ʻOkú Ne Moʻui—Fakafiefiaʻi e Pekiá Koeʻuhí ʻoku Moʻui ʻa Sīsū Kalaisi” (2:26)

• Fokotuʻu ki hono akoʻi ʻo e konifelenisi vitioó:ʻE lava ke fakaʻaongaʻi ʻe he kau akó ʻa e chat feature ke tali ha ngaahi fehuʻi kehekehe. Hangē ko ʻení, ʻe lava ke vahevahe ʻe he kau akó ʻa e meʻa ʻoku nau ʻilo fekauʻaki mo e toetuʻú pe ʻuhinga ʻoku mahuʻinga ai kiate kinautolu ʻa e Toetuʻu ʻa e Fakamoʻuí.

Fakataukei Fakatokāteliné: Luke 24:36–39

Taumuʻa ʻo e lēsoní:

• Teuteu ʻa e tokotaha akó: Fakaafeʻi e kau akó ke nau fakakaukau ki he meʻa ne nau ako mo ongoʻi ʻi heʻenau ako e Toetuʻu ʻa e Fakamoʻuí ʻi he Luke 24:1–9, 36–48 .

ʻE tokoni ʻa e lēsoni ko ʻení ke fakatupulaki ʻe he kau akó ʻenau taukei ʻi he tokāteline ʻo e toetuʻú ʻaki hono ako maʻuloto ʻa e fakamoʻoni fakafolofolá mo e kupuʻi lea fakafolofola tefitó, fakamatalaʻi ʻo e tokāteliné, mo hono fakaʻaongaʻi ʻo e ngaahi tefitoʻi moʻoni ki hono maʻu ʻo e ʻilo fakalaumālié ʻi ha tūkunga moʻoni ʻo e moʻuí.

• Fokotuʻu ki hono akoʻi ʻo e konifelenisi vitioó:Fakakaukau ke fakatauhoa ʻa e kau akó ʻi he ngaahi lokí he taimi mālōloó koeʻuhí ke nau lava ʻo aleaʻi ʻa e founga kuo tokoniʻi ai kinautolu ʻi heʻenau moʻuí ʻe he ngaahi tefitoʻi moʻoni ʻo hono maʻu ʻo e ʻilo fakalaumālié.

Mātiu 28; Luke 24; Sione 20

Taumuʻa ʻo e lēsoní:

• Teuteu ʻa e tokotaha akó: Fakaafeʻi ʻa e kau akó ke lau ʻa e ʻEta 12:5–9 mo fakakaukau ki he fehuʻi ko ʻení: ʻOkú ke ʻilo fēfē nai ʻoku moʻui ʻa Sīsū Kalaisi kae ʻikai mamata kiate Ia?

ʻE lava ke tokoni e lēsoni ko ʻení ke fakamālohia e ngaahi fakamoʻoni ʻa e kau akó ʻoku moʻui ʻa e Fakamoʻuí.

• Meʻa ke fakaʻaliʻali atú: Ko ha fakatātā ʻo Sīsū Kalaisi kuo toetuʻú

• Ngaahi Vitioó: “Haʻu Kiate Au” (17:36; mamata mei he taimi 16:18 ki he 16:47); “Ko e ʻOtua Moʻoni pē Taha mo Sīsū Kalaisi ʻa ia Naʻá Ne Fekaú” (2:26)

• Fokotuʻu ki hono akoʻi ʻo e konifelenisi vitioó: Fakakaukau ke fakaafeʻi ha niʻihi fakafoʻituitui kehekehe ke nau kau mai ki he kalasí ʻi heʻenau hoko ko e taha ʻo e kau fakamoʻoni ʻoku fakamatalaʻi ʻi he lēsoní. Te nau lava ʻo vahevahe ʻenau aʻusiá mo e kalasí ʻo hangē ko ha taha kinautolu ʻi he fakamatalá. He ʻikai taau ke fakatātaaʻi ʻe ha taha ʻa e Fakamoʻuí.

Sione 21:1–17

Taumuʻa ʻo e lēsoní: ʻE lava ke tokoni ʻa e lēsoni ko ʻení ke fakahaaʻi ʻe he kau akó ʻenau ʻofa ki he Fakamoʻuí ʻi heʻenau feinga ke tokoni ki he niʻihi kehé ʻo hangē ko ia naʻá Ne fakahokó.

• Teuteu ʻa e tokotaha akó: Fakaafeʻi e kau akó ke nau lau e Sione 21:15–17 ʻi ʻapi mo e kau mēmipa ʻo e fāmilí pe ngaahi kaungāmeʻá pea aleaʻi e ʻuhinga ke fafanga e fanga sipi ʻa e ʻEikí.

• Fokotuʻu ki hono akoʻi ʻo e konifelenisi vitioó:Fakakaukau ke fakaʻaongaʻi ʻa e chat feature mo e kau akó ko ha konga ʻo e lēsoni ko ʻení. Hangē ko ʻení, ʻe lava ke fakaafeʻi e kau akó ke fokotuʻu ha ngaahi founga kehekehe ke fafanga ʻaki e fanga sipi ʻa e ʻEikí.

• Meʻa ke fakaʻaliʻali atú: Ko ha fokotuʻutuʻu ʻo ha foʻi haati ʻoku tā ʻi he palakipoé ki he ʻekitivitī ʻuluaki ʻo e siví; ko e kupuʻi lea “Koeʻuhí ko Ia…” hiki he palakipoé ki he ʻekitivitī sivi hono uá

• Vitiō: “Koeʻuhí ko Ia—Vitiō Toetuʻú” (2:36)

• Fokotuʻu ki hono akoʻi ʻo e konifelenisi vitioó: ʻI he ʻekitivitī ʻuluaki ʻo e siví, fakakaukau ke fakaafeʻi e tokotaha ako takitaha ke tā ha fuo ʻo ha foʻi haati pea lisi ai e ngaahi meʻa ʻoku nau ʻofa ai fekauʻaki mo e Fakamoʻuí. Fakaafeʻi leva ha niʻihi ʻo e kau akó ke puke hake ʻenau laʻipepá ki he meʻafaitaá ke sio ki ai e taha kotoa. ʻI he ʻekitivitī sivi hono tolú, fakakaukau ke fakaafeʻi e kau akó ke haʻu ki he kalasí kuo nau ʻosi fakakakato ʻenau ngaahi fakamatala ʻi he mītia fakasōsialé. ʻE lava ke fakaʻaongaʻi ʻa e taimi kalasí ki hono fakalotolahiʻi ʻo e kau akó ke nau vahevahe ʻa e meʻa naʻa nau tohi ke fakaʻaliʻalí pea mo fai ʻenau fakamoʻoní.