Mātiu 6–7

Vakai Fakalūkufuá

Naʻe hoko atu ʻe Sīsū ʻEne Malanga ʻi he Moʻungá, ʻo akoʻi ʻoku totonu ke tau fai ha ngaahi ngāue lelei ke fakahōifua ki heʻetau Tamai Hēvaní pea ʻoua ʻe tohoaki’i e tokanga mei he kakai kehé. Naʻá Ne akoʻi foki ʻEne kau ākongá ke nau “fuofua kumi ... [ke langa] ʻa e puleʻanga ʻo e ʻOtuá” (Mātiu 6:33) pea ke fai fakamaau māʻoniʻoni. ʻOku kau ʻi he nāunau ʻo e uike ní ha ʻekitivitī fakataukei fakatokāteline ke tokoni ki he kau akó ke nau maʻu mo ako maʻuloto ʻa e ʻuluaki potufolofola fakataukei fakatokāteline ʻe 11 ʻo e Fuakava Foʻoú, pea pehē ki ha lēsoni ke tokoni ke nau vakaiʻi ʻenau akó mo ʻenau fakalakalaká.

Mātiu 6:1–18

Taumuʻa ʻo e lēsoní: ʻE ʻoange ʻe he lēsoni ko ʻení ki he kau akó ha faingamālie ke nau fakafuofuaʻi ʻenau ngaahi taumuʻa ki hono fai ʻo e ngaahi ngāue leleí pea fili e founga te nau fie fakalakalaka aí.

Teuteu ʻa e tokotaha akó: Fakaafeʻi e kau akó ke nau fakakaukau ki heʻenau ngaahi taumuʻa ki heʻenau ngaahi ngāué lolotonga e houa ʻe 24 kimuʻa he kalasí.

Meʻa ke fakaʻaliʻali atú: Sātí fekauʻaki mo e ngaahi ngāue leleí
Vitiō: “On Being Genuine” (17:51; mamata mei he taimi 15:34 ki he 16:29)

Mātiu 6:19–34

Taumuʻa ʻo e lēsoní: ʻE ʻoange ʻe he lēsoni ko ʻení ki he kau akó ha faingamālie ke fakalaulauloto mo vahevahe ʻa e mahuʻinga hono fakamuʻomuʻa ʻo e ʻOtuá ʻi heʻenau moʻuí.

Teuteu ʻa e tokotaha akó: Fakaafeʻi e kau akó ke fakalaulauloto ki he founga te nau vahevahe ai mo e niʻihi kehé ʻa e mahuʻinga mo e ngaahi tāpuaki ʻo hono fakamuʻomuʻa ʻo e ʻOtuá ʻi heʻenau moʻuí.

Ngaahi Vitioó: Taha ʻo e ngaahi meʻá ni:“ ʻIkai ha Fakaʻiseʻisa ” (5:38),“Kau Finemui Angamaʻá ” (3:50), “ Ko Ho ʻAho ke NgāueFakafaifekaú” (3:31)
Meʻa ke fakaʻaliʻali atú: Ngaahi fakamoʻoni fakafolofolá mo e ngaahi fakamatalá

Fokotuʻu ki hono akoʻi ʻo e konifelenisi fakavitioó: Seti hoʻo screen konifelenisi fakavitioó ki he gallery view, pe ko e vakai ʻoku ʻasi ai e tokolahi taha ʻo e kau akó ʻe lava ʻi he taimi pē ʻe taha. Hili hono vahevahe ʻe ha tokotaha ako ʻenau fokotuʻutuʻu kuo teuteu ki ha foʻi vitioó, fakakaukau ke kole ange ke nau tuhu ki ʻolunga, ki lalo, ki toʻomataʻu, pe ki toʻohema. Ko e fē pē ʻa e tokotaha ako ʻoku ʻasi atu ʻi ʻolungá, ʻi lalo, ki he toʻomataʻú, pe ki he tafaʻaki toʻohema ʻi hoʻo screen ko ia ʻe hoko atu. (Mahalo ʻe tokoni ke ʻiloʻi ʻoku ʻikai tatau maʻu pē ʻa e founga ʻoku fakaʻaliʻali ai ʻa e kau akó ʻi hoʻo screen mo e meʻa ʻoku sio ki ai e kau akó.)

Mātiu 7:1–5

Taumuʻa ʻo e lēsoní: ʻE ʻoange ʻe he lēsoni ko ʻení ha faingamālie ki he kau akó ke nau ako fekauʻaki mo hono fai ʻo e ngaahi fakamaau māʻoniʻoní.

Teuteu ʻa e tokotaha akó: Fakaafeʻi e kau akó ke fakalaulauloto ki he meʻa ʻoku nau ʻilo fekauʻaki mo e fakamaau ʻoku totonu ke nau faí pea mo kinautolu ʻoku totonu ke nau tokanga ke ʻoua te nau fakahokó. Poupouʻi kinautolu ke nau fakakaukau ki ha ngaahi fehuʻi ʻoku nau maʻu fekauʻaki mo e fai fakamāú.

Meʻa: Ko ha malamalaʻi ʻakau mo ha fuʻu ʻakau (pe ko ha fakatātā ʻo e meʻa takitaha)
Vitiō: “Looking through Windows” (2:19)

Fokotuʻu ki hono akoʻi ʻo e konifelenisifakavitioó: Fakaʻaliʻali ʻi he fakaʻosinga ʻo e lēsoní, ʻa e ngaahi tūkunga ʻe fā ʻe lava ke fili ʻe he kau akó ke nau aleaʻí. Fakaafeʻi ha tokotaha ako ʻe taha pe lahi ange ke fakaʻaongaʻi ʻenau meʻangāue tā fakatātaá ke siakaleʻi ha tūkunga ʻe taha pe lahi ange te nau fie lea ki ai ko ha kalasi, pe faʻu ha savea ʻe lava ke fakahaaʻi ai ʻe he kau akó ʻenau fie maʻú.

Toe Vakaiʻi ʻo e Tokāteline ʻo e Fakataukei Fakatokāteliné 1

Taumuʻa ʻo e lēsoní: ʻE tokoni ʻa e lēsoni ko ʻení ki he kau akó ke nau kumi mo ako maʻuloto ʻa e ngaahi fakamoʻoni fakafolofolá mo e ngaahi kupuʻi lea mahuʻinga ki he ʻuluaki potufolofola fakataukei fakatokāteline ʻe 11 ʻo e Fuakava Foʻoú.

Meʻa ke fakaʻaliʻali: Ko ha Sātí ʻoku ʻi ai ʻa e ʻuluaki potufolofola fakataukei fakatokāteline ʻe 11

Fokotuʻuki hono akoʻi ʻo e konifelenisi fakavitioó: Fakakaukau ke fakaʻaongaʻi e fanga kiʻi loki tautaha ke fakamaheni ai e kau akó lolotonga ʻenau kumi e folofolá mo ako maʻuloto e ngaahi kupuʻi lea mahuʻinga ʻo e folofolá.

Fakafuofuaʻi Hoʻo Akó 2

Taumuʻa ʻo e lēsoní: ʻOku fakataumuʻa ʻa e lēsoni ko ʻení ke tokoniʻi koe ke ke vakaiʻi ʻa e ngaahi taumuʻa kuó ke fokotuʻú, meʻa ʻokú ke akó, pea mo e tupulaki fakataautaha kuó ke aʻusia lolotonga hoʻo ako ki he Fuakava Foʻoú ʻi he taʻu ní.

Teuteu ʻa e tokotaha akó: Fakaafeʻi e kau akó ke nau fakakaukau ki heʻenau ngaahi feinga ke tekeʻi mo ikunaʻi e ʻahiʻahí ʻo fakafou ʻi he tui kia Sīsū Kalaisí.

Nāunau maʻá e kau akó: Kapau te ke fili ke fai ʻa e ʻekitivitī fekauʻaki mo hono langa ha faʻunga, ngaahi nāunau hangē ko e ngaahi poloka, ngaahi ipu, pe ngaahi tohi mo ha meʻa ʻoku fefeka hangē ko ha tēpile

Fokotuʻu ki hono akoʻi ʻo e konifelenisi fakavitioó: Fakakaukau ke tōmuʻa vahe ki ha tokotaha ako ke ne langa ha faʻunga faingofua mei he ngaahi poloká pe ipú, ʻuluakí ʻi ha meʻa ʻoku fefeka pea ʻi ha funga meʻa ʻoku ngāvaivai, hangē ko ha pilo, lolotonga ‘oku sio e toenga ʻo e kalasí ʻi he konifelenisi vitioó.