A family gathers inside the Conference Center. They are looking at a statue of the Christus.
Isip kabahin sa iyang gipadayag, si Juan nakakita og panan-awon sa Kordero sa Dios nga nag-abli sa unang unom ka mga silyo sa silyado nga basahon. Sa pag-abli sa ikaunom nga silyo, si Juan gipakitaan sa dagkong mga katalagman, gisundan sa usa ka panan-awon sa mga sulugoon sa Dios kinsa nahimong limpyo pinaagi sa maulaong dugo sa Manluluwas nga nagsimba atubangan sa trono sa Dios. (tan-awa ang Pinadayag 7:9–15). Kini nga leksiyon makatabang kanimo nga mabati ang importansiya sa pagsalig kang Jesukristo aron mahimong putli ug magpabiling matinud-anon panahon sa mga katalagman sa ulahing mga adlaw.
Pag-ila sa mga kontribusyon sa mga estudyante. Pangita og mga paagi sa pag-ila ug pagdayeg sa mga kontribusyon sa matag estudyante. Kanunay nga ipahibalo sa mga estudyante nga ang ilang pag-apil sa proseso sa pagkat-on mahinungdanon ug gipasalamatan.
Pagpangandam sa estudyante: Dapita ang mga estudyante sa pagbasa sa pangutana nga anaa sa Pinadayag 6:17 ug motambong nga andam mopaambit unsa sa ilang hunahuna ang gikinahanglan aron makasagubang sa mga katalagman sa ulahing mga adlaw.
Posible nga mga Kalihokan sa Pagkat-on
Pag-abli sa unang unom ka mga silyo
Sa imong journal sa pagtuon, tubaga ang mosunod nga mga pangutana:
Unsay nakapahingawa kanimo sa pagpuyo sa kataposang mga adlaw? Ngano man?
Unsay nakapahinam kanimo sa pagpuyo sa kataposang mga adlaw? Ngano man?
Imahe
A modern replica of an ancient papyrus scroll, folded and sealed with multiple clay seals. Sealing an ancient document in this way identified its owner and his authority, made the document legally binding, and protected it from unauthorized disclosure. Jesus Christ’s role as the only person worthy to open and read the sealed book in Revelation 5 highlights His authority as the executor of God’s plan of salvation.
Hinumdomi nga sa Pinadayag 5 , nakita ni Juan ang basahon nga adunay pito ka mga silyo nga si Jesukristo lamang ang takos nga moabli. Ang matag silyo mirepresentar sa 1,000 ka tuig nga yugto sa temporal nga kasaysayan sa yuta (tan-awa ang Doktrina ug mga Pakigsaad 77:7). Sa sinugdanan sa Pinadayag 6:12 , nakita ni Juan ang pag-abli sa ika-unom nga silyo. Ang ika-unom nga silyo nagrepresentar sa liboan ka mga tuig paingon ngadto sa Ikaduhang Pag-anhi ni Jesukristo ug lagmit naglakip sa panahon diin kita nabuhi.
Alang sa impormasyon ug mga interpretasyon mahitungod sa mga simbolo nga gihulagway ni Juan alang sa unang unom ka mga silyo (tan-awa ang Pinadayag 6:1–11), tan-awa ang “Pinadayag 6. The First Six Seals” diha sa New Testament Student Manual (2014), 542–43.
Basaha ang Pinadayag 6:12–16 , nga mangita sa pipila ka mga hitabo nga nakita ni Juan panahon sa pag-abli sa ika-unom nga silyo.
Unsay mipatigbabaw diha kanimo niining mga bersikulo?
Unsay imong nakat-onan gikan sa mga bersikulo 15–16 mahitungod sa espirituwal nga kahimtang sa kadaghanan kinsa nabuhi panahon sa pag-abli sa ika-unom nga silyo?
Basaha ang Pinadayag 6:17 ug mahimong markahan ang pangutana niana nga bersikulo.
Kini mahimong usa ka epektibong higayon sa pagdapit sa mga estudyante sa pagpaambit sa ilang mga hunahuna gikan sa pagpangandam sa estudyante nga kalihokan.
Unsaon nimo sa pagsulti pag-usab sa pangutana ni Juan gamit ang imong kaugalingong mga pulong?
Unsa sa imong hunahuna ang tubag sa pangutana ni Juan?
Bisan pa sa gipanagna nga kalaglagan ug pagkadaotan atol sa kataposang mga adlaw, ikonsiderar ang tanan nga nabuhat ug kasamtangang gibuhat sa Ginoo sa pag-atiman sa Iyang mga Santos agig pagpangandam sa Iyang pagbalik sa yuta.
Unsa ang nabuhat sa Manluluwas ug unsa ang Iyang gibuhat karon aron sa pag-andam ug pagprotehir sa Iyang mga Santos?
Sa imong pagpadayon sa imong pagtuon, pangita og mga pagtulun-an nga mahimong makatabang nimo sa pagtubag sa pangutana diha sa Pinadayag 6:17 . Ikonsiderar kon sa unsang paagi nga ang pagsalig kang Jesukristo mahimong makatabang kanimo nga mobati og kalinaw ug kalipay diha sa imong pagpaningkamot sa paglahutay sa espirituwal ug pisikal nga mga hagit sa ulahing mga adlaw.
Nakita ni Juan ang pagpangandam sa Ikaduhang Pag-anhi ug ang panan-awon sa celestiyal nga gingharian
Sa Pinadayag 7 , nakita ni Juan ang upat ka mga anghel nga gipadala gikan sa Dios kinsa adunay gahom sa parehong pagluwas ug paglaglag og kinabuhi diha sa kalibotan (tan-awa ang Pinadayag 7:1 ; Doktrina ug mga Pakigsaad 77:8). Nakita na daan ni Juan kini nga mga anghel nga nangandam sa pagbu-bu og kalaglagan sa yuta agig pagpangandam alang sa Ikaduhang Pag-anhi sa Manluluwas. Nakita usab niya ang proteksiyon nga gihatag ngadto sa mga miyembro sa mga tribo sa Israel (tan-awa ang Pinadayag 7:1–8 ; 9:3–4). Siya dayon nakakita og usa ka panan-awon sa celestiyal nga gingharian.
Kon makaayo sa mga estudyante ang dugang pang impormasyon mahitungod sa 144,000 nga halangdon nga mga pari (tan-awa ang Doktrina ug mga Pakigsaad 77:11) nga gihulagway ni Juan, mahimong gamiton ang pipila sa mga kapanguhaan nga anaa sa “Pinadayag 7:2–8. Kinsa ang mga 144,000 sa mga tribo sa Israel, ug unsa ang napatik [sealed] sa ilang mga agtang?” diha sa “Komentaryo ug Background nga Impormasyon” nga bahin.
Basaha ang Pinadayag 7:9–12 , nga mangita giunsa ni Juan paghulagway sa mga tawo sa celestiyal nga gingharian.
Pila ka mga tawo ang nakita ni Juan, ug nganong importante man kana?
Unsa ang mipatigbabaw kanimo mahitungod sa mga pulong ug mga buhat niining mga tawhana?
Sunod, basaha ang Pinadayag 7:13–14 ug pangita sa umaabot nga mga panalangin nga nagpaabot alang sa mga matinud-anon ug unsa ang nakapahimo sa mga tawo nga makasulod sa presensiya sa Dios.
Sa unsang paagi kini nga mga bersikulo nagtabang sa pagtubag sa pangutana nga gipakita diha sa Pinadayag 6:17 ?
Unsa sa imong hunahuna ang gipasabot sa mga bisti nga gipaputi diha sa dugo sa Kordero?
Usa ka baroganan nga mahimong maila gikan niining mga bersikulo mao ang kon matinud-anon kitang molahutay sa kalisdanan ug mahimong putli pinaagi kang Jesukristo, kita makatagamtam sa celestiyal nga himaya uban sa Dios.
Agig dugang sa paghatag sa mga estudyante sa mosunod nga mga pakisayran sa kasulatan, mahimong dapiton sila sa pagpangita sa mga kasulatan nga naghulagway kon sa unsang paagi kita mahimong maputli pinaagi sa dugo ni Jesukristo. Usa ka paagi nga ila kining mabuhat mao ang pinaagi sa pagpangita og mga hilisgotan sama sa “ Pasaylo ” o “ Pagbalaan ” diha sa Giya ngadto sa mga Kasulatan.
Aron mas masabtan unsa ang gipasabot sa pagpaputi sa atong mga bisti diha sa dugo sa Kordero ug unsaon nimo pagdawat niini nga panalangin, tun-i ang pipila o ang tanan sa mosunod nga mga pakisayran sa kasulatan:
Unsay imong nakat-onan mahitungod sa Manluluwas ug sa gahom sa Iyang Pag-ula?
Unsa ang pipila sa mga paagi nga makasugod ka sa paggamit sa makapalimpyo nga gahom ni Jesukristo karong higayona?
Kalinaw ug kapahulayan kauban ang Dios
Basaha ang Pinadayag 7:15–17 , nga mangita sa uban pang mga panalangin nga nakita ni Juan nga masinati sa mga matarong diha sa celestiyal nga gingharian.
Hain niini nga mga panalangin ang labing makahuloganon nganha kanimo? Ngano man?
Sa unsang paagi nga ang pagsabot niining umaabot nga mga panalangin nakaimpluwensiya sa imong batasan karon?
Komentaryo ug Background nga Impormasyon
Pinadayag 7:1 . Unsa ang misyon ug ang gisimbolo sa upat ka mga anghel?
Ang Pinadayag 7:1 nagpasabot ngadto sa upat ka mga anghel, sa upat ka mga suok sa yuta, ug sa upat ka mga hangin sa yuta. Ang numero nga upat diha sa mga kasulatan kasagaran nagsugyot og hiyograpikanhong kahingpitan, sama sa upat ka mga direksiyon sa kompas. Kini nga mga anghel gihatagan og misyon sa pagtugyan sa walay kataposan nga ebanghelyo ngadto sa “matag nasod, kaliwatan, pinulongan, ug katawhan” ( Doktrina ug mga Pakigsaad 77:8).
Pinadayag 7:2–8 . Kinsa ang mga 144,000 sa mga tribo sa Israel, ug unsa ang napatik [sealed] sa ilang mga agtang?
Sa Doktrina ug mga Pakigsaad 77:11 , gipasabot sa Ginoo ngadto ni Joseph Smith nga ang numero nga 144,000 nga nahisgotan diha sa Pinadayag 7:4–8 mao ang gidaghanon sa mga representante gikan sa napulog duha ka mga tribo sa Israel kinsa i-orden aron tabangan ang uban sa ilang pagpangita sa kahimayaan. Kini dili, ingon sa gituohan sa ubang mga tawo, nga mao ang tanan nga gidaghanon sa mga tawo kinsa pagahimayaon.
Mahitungod sa pagpatik [sealing] sa “mga sulugoon sa … Dios sa ilang agtang” ( Pinadayag 7:3), si Propeta Joseph Smith mitudlo nga kini “nagpaila sa pagsilyo sa panalangin diha sa ilang mga ulo, nagpasabot sa walay kataposan nga pakigsaad” (sa History, 1838–1856 [Manuscript History of the Church], volume E-1, 1690, josephsmithpapers.org).
Sa unsang paagi nako masugdan ang paglaba sa akong bisti nga “[maputi] … sa dugo sa Nating Karnero”? ( Pinadayag 7:14)
Si Elder Lynn A. Mickelsen sa Kapitoan mitudlo:
Imahe
Final official portrait of Elder Lynn A. Mickelsen of the First Quorum of the Seventy, 1999. Released October 3, 2009 at general conference.
Ang atong responsibilidad mao ang paghimo sa buhat sa paghinulsol. Kita kinahanglan gayod nga mobiya sa atong mga sala aron ang paglimpyo makasugod. Ang saad sa Ginoo mao nga Siya molimpyo sa atong mga bisti pinaagi sa Iyang dugo [tan-awa sa Pinadayag 7:14 ]. Iyang gihatag ang Iyang kinabuhi ug nag-antos alang sa tanan natong mga sala. Siya makatubos kanato gikan sa atong personal nga kalaglagan. Pinaagi sa Pag-ula sa Manluluwas, ang paghatag sa Iyang Kaugalingon isip bugti sa atong mga sala, Siya mitugot sa Espiritu Santo sa paglimpyo kanato diha sa usa ka pagbunyag sa kalayo.
(Lynn A. Mickelsen, “The Atonement, Repentance, and Dirty Linen,” Ensign o Liahona, Nob. 2003, 12)
Unsaon nako nga magamit ang gahom ug proteksiyon nga gitanyag sa Manluluwas ngadto sa Iyang mga Santos atol sa kataposang mga adlaw?
Sa 1 Nephi 14:12–17 , nakita ni Nephi ang kadaotan ug kalaglagan sa kataposang mga adlaw ug ang mga Santos “gisangkapan sa katarong ug uban sa gahom sa Dios sa dako nga himaya” ( bersikulo 14). Namulong kon unsaon nato pagsangkap ang atong mga kaugalingon sa samang mga panalangin, si Presidente Henry B. Eyring sa Unang Kapangulohan mipasabot:
Imahe
Official Portrait of President Henry B. Eyring taken March 2018.
Unsaon nato sa pagsangkap ang atong kaugalingon uban sa pagkamatarong ug gahom? Atong ibalaan ang adlawng igpapahulay ug motahod sa priesthood. Kita mohimo ug motuman sa sagradong mga pakigsaad, magbuhat sa atong family history, ug motambong sa templo. Kita padayong maningkamot sa paghinulsol ug mangamuyo uban sa Ginoo nga “[dihogan] sa inula nga dugo ni Kristo nga [kita] mahimo nga makadawat sa kapasayloan sa [atong] mga sala” ( Mosiah 4:2). Kita mag-ampo ug moserbisyo ug mopamatuod ug mopakita sa hugot nga pagtuo kang Jesukristo.
Aron matabangan ang mga estudyante sa pagsabot unsa ang buot ipasabot niini nga mga silyo, ikonsiderar ang pagpatuon kanila sa usa o sa daghan pa sa mosunod nga mga pakisayran sa kasulatan ug ipadrowing ang unsay ilang paghulagway:
Dapita ang mga estudyante sa pagpakigbahin unsay ilang gidrowing. Alang sa pagtabang sa paghubad sa mga simbolo sa niini nga mga bersikulo, tan-awa ang “Pinadayag 6. The First Six Seals” diha sa New Testament Student Manual (2014), 542–43.
“Gisangkapan sa katarong ug uban sa gahom sa Dios” ( 1 Nephi 14:14)
Ikonsiderar ang pagpakigbahin sa pipila ka mga paagi nga ang Manluluwas nagpanalangin ug nanalipod sa Iyang mga Santos sa kataposang mga adlaw pinaagi sa pagdapit sa mga estudyante sa pag-link o pagcross-reference sa Pinadayag 6:12–17 ngadto sa 1 Nephi 14:12–17 . Ipakigbahin sa mga estudyante ang pamahayag ni Presidente Eyring sa seksiyon sa “Komentaryo ug Background nga Impormasyon” ug ikonsiderar ang pagpangutana sama sa mosunod:
Unsa kaha sa imong hunahuna ang buot ipasabot sa gisangkapan uban sa gahom sa Dios?
Sa unsang paagi ang Langitnong Amahan ug si Jesukristo nagtabang kanimo nga magpabiling mapanalipdan ug takos sa panahon sa kasamok sa kataposang mga adlaw?