Mpitsara 4–5

Debora mpaminany vavy

Mpitarika iray nanampy an’i Isiraely hatoky ny Tompo

Mpaminany vavy i Debora, izay mpitarika Isiraelita mahatoky nahazo fitaomam-panahy avy tamin’ny Tompo. Nitsahatra tamin’ny fitandremana ny didin’ny Tompo ny vahoakany ka dia nofehezin’ny Kananita izy ireo. Roapolo taona taty aoriana dia nanomboka nivavaka mba hahazo ny fanampian’ny Tompo ny Isiraelita.

Mpitsara 4:1–5

Nahare ny vavak’izy ireo ny Tompo. Nasainy nanangona miaramila Isiraelita i Debora mba hiady tamin’ny Kananita.

Mpitsara 4:6

Nanana miaramila sy kalesy marobe ny Kananita. Nampatahotra ny tafika Isiraelita izany, kanefa tsy nampatahotra an’i Debora. Fantany fa hanampy azy ireo ny Tompo.

Mpitsara 4:3, 7

I Baraka no kômandin’ny tafika Isiraelita. Tsy te hiady izy. Nieritreritra anefa izy fa raha mandeha miaraka amin’ilay tafika i Debora dia hiaro azy ireo ny Tompo. Nanaiky ny handeha i Debora. Naminany izy fa vehivavy no handresy an’i Sisera, izay kômandin’ny tafika Kananita.

Mpitsara 4:8–9

Nivondrona teo ambonin’ny tendrombohitra iray ny tafika Isiraelita, ary nivondrona teo amin’ny lohasaha ny Kananita. Niteny an’i Baraka hidina ny tendrombohitra i Debora. Nampanantena izy fa hiaraka amin’izy ireo ny Tompo.

Mpitsara 4:12–14

Nandefa orana ny Tompo ka dia nentin’ny rano ny kalesin’ny Kananita. Maro ireo Kananita maty an-drano, fa i Sisera kosa lasa nandositra.

Mpitsara 4:15, 17; 5:4–5, 19–22

Nisy vehivavy iray nantsoina hoe Jaela nipetraka tao anaty trano lay teny akaiky teny. Nahita an’i Sisera nihazakazaka izy dia nasainy niafina tao amin’ny lainy i Sisera. Fantatr’i Jaela fa kômandin’ny miaramila Kananita izy ka dia novonoiny mba tsy hahafahany manao ratsy olona hafa intsony.

Mpitsara 4:15–21

Tanteraka ny faminanian’i Debora. Resin’ny vehivavy mahery fo iray i Sisera. Nikalo hira iray i Debora mba hanampiana ny Isiraelita hahatsiaro ny fomba nanavotan’ny Tompo azy ireo. Nitandrina ny didy ny Isiraelita dia niaina tao anatin’ny filaminana nandritra ny 40 taona.

Mpitsara 5:1, 24–27, 31