“Noa sy ny fianakaviany,” Tantara ao amin’ny Testamenta Taloha (2022)
“Noa sy ny fianakaviany,” Tantara ao amin’ny Testamenta Taloha
Genesisy 6–9; Mosesy 8
Noa sy ny fianakaviany
Sambofiara, safo-drano, ary ny fampanantenan’ny Tompo
Nankatò ny Tompo i Noa sy ny fianakaviany. Tena ratsy ny olona hafa rehetra. Nilaza tamin’i Noa ny Tompo fa hisy safo-drano handrakotra ny tany raha tsy mibebaka ny olona.
Genesisy 6:5–13; Mosesy 8:13–17
Nampianatra ny vahoaka i Noa fia tia azy ireo ny Tompo ary tiany hibebaka izy ireo sy hanana finoana an’i Jesoa Kristy. Tsy nihaino izy ireo.
Nalahelo i Noa satria tsy nibebaka ny vahoaka. Nilaza tamin’i Noa ny Tompo mba hanamboatra sambo lehibe iray antsoina hoe sambofiara. Ilay smbofiara dia hiaro an’i Noa sy ny fianakaviany mandritra ny safo-drano.
Nitondra sakafo tao amin’ilay sambofiara ny fianakavian’i Noa. Nandefa biby farafahekeliny roa isaky ny karazany ny Tompo nankany amin’i Noa. Niditra tao amin’ilay sambofiara ireo biby.
Araka ny efa nampitandreman’ny Tompo dia nilatsaka ny orana nandritra ny 40 andro sy 40 alina. Nisy safo-drano nandrakotra ny tany.
Nandeha soa aman-tsara teny ambony rano ny fianakavian’i Noa sy ireo biby rehetra.
Rehefa tapitra ny safo-drano, dia nijanona tamin’ny tany maina ilay sambofiara. Nanangana alitara i Noa sy ny fianakaviany mba hitsaohana ny Tompo sy hisaorana Azy noho ny fiarovany azy ireo. Nampanantena ny Tompo fa tsy hanafotra ny tany intsony. Nandefa avana izy ho fampahatsiahivana ny fampanantenany.