Vatongi 4–5

Debora Muporofitakadzi

Mutungamiri uyo akabatsira Israeri kuvimba naIshe

Debora aiva muporofitakadzi, mutungamira akatendeka wechiIsraeri uyo akafemerwa naIshe. Vanhu vake vakanga varegera kuchengeta mirairo yaIshe, uye vaKanani vakatonga pamusoro pavo. Mushure memakore makumi maviri, vaIsraeri vakatanga kunamatira rubatsiro rwaIshe.

Vatongi 4:1–5

Ishe vakanzwa minamato yavo. Vakaudza Debora kuti aunganidze mauto avaIsraeri kuti varwise vaKanani.

Vatongi 4–6

Mauto echiKanani akanga aine masoja akawanda uye nengoro dzakawanda. Izvi zvakaita kuti mauto echiIsraeri atye, asi kwete Debora. Aiziva kuti Ishe vaizovabatsira.

Vatongi 4:3, 7

Baraki aiva mutungamiri wamauto avaIsraeri. Aiva asingadi kurwa. Asi akafunga kuti kana Debora akaenda namauto, Ishe vaizovadzivirira. Debora akabvuma kuenda. Akaporofita kuti mudzimai aizokunda Sisera, mutungamiri wamauto echiKanani.

Vatongi 4:8–9

Mauto echiIsraeri vakaungana pagomo, uye vaKanani vakaungana mumupata. Debora akaudza Baraki kuti adzike zasi kubva mugomo. Akavimbisa kuti Ishe vaizova navo.

Vatongi 4:12–14

Ishe vakatumira mvura, uye ngoro dzavaKanani dzakakukurwa mumvura. VaKanani vakawanda vakanyura murwizi, asi Sisera akatiza.

Vatongi 4:15, 17; 5: 4–5, 19–22

Mudzimai ainzi Jaeri aigara mutende yaiva pedyo. Akaona Sisera achimhanya uye akamuudza kuti avande mutende yake. Jaeri aiziva kuti aiva ari mutungamiri wamauto echiKanani uye akamuuraya kuitira kuti asakuvadza vamwe vanhu vakawanda.

Vatongi 4:15–21

Huporofita hwaDebora hwakazadzikiswa. Sisera akakundwa nemudzimai aiva gamba. Debora akaimba rumbo kuitira kubatsira vaIsraeri kuti varangarire maponeserwo avakaitwa naIshe. VaIsraeri vakachengeta mirairo uye vakararama murunyararo kwamakore makumi mana.

Vatongi 5:1, 24–27, 31