Genesi 6–9; Mosesi 8

Noa neMhuri Yake

Areka, mafashamu, uye vimbiso dzaIshe

Noa nemhuri yake vakateerera Ishe. Vamwe vanhu vose vaiva vakanyangara zvikuru. Ishe vakataurira Noa kuti mafashamu aizofukidza nyika kana vanhu vakasatendeuka.

Genesi 6:5–13; Mosesi 8:13–17

Noa akadzidzisa vanhu kuti Ishe vaivada uye vaida kuti vatendeuke uye vave nerutendo muna Jesu Kristu. Havana kuteerera.

Mosesi 8:19–30

Noah akasuwa kuti vanhu vairamba kutendeuka. Ishe vakataurira Noa kuti avake ngarava huru yaidaidzwa kunzi areka. Areka yaizochengetedza mhuri yaNoa yakadzivirirwa panguva yemafashamu.

Genesi 6:14–18; Mosesi 8:25

Mhuri yaNoa yakaunza zvokudya muareka. Ishe vakatumira mhuka mbiri dzerudzi rwega rwega kuna Noa. Mhuka dzakapinda muareka, uye mushure memazuva manomwe kwakatanga kunaya.

Genesi 6:18–22; 7:1–9

Sekuyambira kwakaita Ishe, kwakanaya kwemazuva makumi mana uye husiku makumi mana. Mafashamu akafukidza nyika.

Genesi 7:6–23

Mhuri yaNoa uye nemhuka dzose dzaiva muareka vakayangarara zvakachengeteka pamusoro pemvura.

Genesis 7:24; 8:1–3

Apo mafashamu paakapera, areka yakamhara pasi pakaoma. Noa nemhuri yake vakavaka aritari yekunamata Ishe uye kuvatenda nekuvadzivirira kwavaiva vaita. Ishe vakavimbisa kusazombofashamisa nyika zvakare. Vakatumira muraraungu sechiyeuchidzo chevimbiso Yavo.

Genesi 8:13–22; 9:8–17