“U-Enoki uMprofeti,” Amabali eTestamente eNdala (2022)
“U-Enoki uMprofeti,” Amabali eTestamente eNdala
Genesis 5; Moses 6–7
U-Enoki uMprofeti
Indlela ukholo eNkosini olwasindisa ngayo isixeko
INkosi uYesu Krestu yacela u-Enoki ukuba axelele abantu baguquke. Kodwa u-Enoki wayezicingela ukuba wayengakwazi ukuthetha kakuhle. Wayesoyikisela ukuba abantu babengenakummamela.
INkosi yathembisa ngokumomeleza kunye nokumkhusela u-Enoki nangona abanye abantu babengakuthandi oko u-Enoki wayekufundisa.
Isithembiso seNkosi sanika u-Enoki inkalipho. U-Enoki wayithobela iNkosi kwaye wabafundisa abantu ngamandla. Waye wabafundisa malunga noYesu Krestu, ngenguquko, ngobhaptizo, kwakunye nangoMoya oyiNgcwele. Abanye abantu baye bamkholelwa u-Enoki kwaye bafuna ukulandela iNkosi.
U-Enoki wayenegunya elivela kuThixo lokubhaptiza. Bonke abantu ababemkholelwa u-Enoki baye babhaptizwa kwaye baye basondela kakhulu eNkosini. Akukho namnye owayelihlwempu ngenxa yokuba babekhathalelana. Babebizwa ngokuba bayiZiyon kuba babephila kunye ngothando nangobulungisa.
Ngenye imini iNkosi yabonisa u-Enoki umbono wako konke okwakuya kukwenzeka emhlabeni. U-Enoki wabona ubomi, nokufa, kunye novuko lukaYesu Krestu. U-Enoki wafunda okokuba ngemihla yokugqibela ivangeli yayiya kubuyiswa. Waye wabona kwakhona noBuyo lweSibini lukaYesu.
Ekugqibeleni, bonke abantu esixekweni saseZiyon baye bamkholelwa u-Enoki kwaye baguquka. Ngenxa yokuba babekhathalelana kwaye bephila ngoxolo, iNkosi yabathatha ukuba bayokuphila naYo.