Nehemiya 1–2; 4; 6

UNehemiya

Ukwakhiwa kwakhona kodonga lwaseYerusalem

UNehemiya wayeliYuda elalihlala ePersi. Wayesisicaka sikakumkani esithembekileyo. Ngenye imini uNehemiya weva ukuba amaYuda eYerusalem ayehlupheka. Iindonga ezazikhusele iYerusalem zazitshatyalalisiwe kwaye zazingazange zokhiwa kwakhona. IYerusalem yayisebungozini. UNehemiya waye wazila ukutya kwaye wathandezela uncedo lweNkosi.

Nehemiya 1

Ukumkani waye wabuza uNehemiya ukuba kwakungani wayekhathazekile. Waye waxelela ukumkani ngobungozi obabuseYerusalem. Ukumkani wathi wayenganceda. UNehemiya waye wacela ukuya eYerusalem ukuba ayokwakha kwakhona udonga. Ukumkani wenza uNehemiya inkokheli kwaye wamnika izixhobo zokwakha awayezidinga.

Nehemiya 2:2–8

UNehemiya namaYuda baqalisa ukwakha kwakhona iindonga zaseYerusalem. Kodwa iintshaba zabo zenza intlekisa ngabo kwaye zazama ukubanqanda.

Nehemiya 2:17–20

Iintshaba zazama ukukhohlisa uNehemiya ukuba ahambe esixekweni. Kodwa uNehemiya akazange ahambe. Yena wayethemba iNkosi. Wayesenza umsebenzi omkhulu.

Nehemiya 6:2–4

UNehemiya waxelela abantu bakhe ukuba bangoyiki. Baye babeka oonogada eludongeni ukulugcina lukhuselekile. AmaYuda aqhubeka esokha udonga. INkosi yanika amaYuda amandla, kwaye alugqiba udonga ngeentsuku ezingama-52. IYerusalem yayikhuselekile kwakhona.

Nehemiya 4:6–15; 6:5–9, 15–16