“UMoses uMprofeti,” Amabali eTestamente eNdala (2022)
“UMoses uMprofeti,” Amabali eTestamente eNdala
Eksodus 2–3
UMoses uMprofeti
Ukubizelwa ukuba akhulule abantu beNkosi
UMoses wakhula njengonyana wentombi kaFaro. UMoses wabona ukuba amaYiputa ayekhohlakele kumaSirayeli. Yena wayekhathazekile ukuba amaYiputa ayesenza amaSirayeli amakhoboka awo.
Ngenye imini uMoses waye wabona umYiputa ebetha umSirayeli. Ukukhusela umSirayeli, uMoses waye wabulala umYiputa.
Xa uFaro wakuva oko, wayefuna ukubulala uMoses, kodwa uMoses wayebalekile eYiputa.
UMoses wafika kwindawo eyayibizwa ngokuba yiMidiyan, apho waye wadibana nomfazi owayegama linguTsipora. Baye batshata baze baba nabantwana.
Ngexesha wayehlala kwaMidiyan, uMoses waye wabona ityholo elalivutha, kodwa umlilo lowo wawungalitshisi liphele ityholo. INkosi yavela emlilweni kwaye yathetha noMoses.
INkosi yathi Yona yayisazi ukuba amaSirayeli ayehlupheka eYiputa. Yona yayalela uMoses ukuba abuyele eYiputa kwaye axelele uFaro ukuba akhulule amaSirayeli ahambe. INkosi yathi yayiya kumnceda uMoses akhulule amaSirayeli kwaye awakhokelele kwilizwe lesithembiso.