“AmaSirayeli eNtlango,” Amabali eTestamente eNdala (2022)
“AmaSirayeli eNtlango,” Amabali eTestamente eNdala
AmaSirayeli eNtlango
Ukufunda ukuthembela eNkosini
Kungekudala emveni kokuba amaSirayeli ehambile eYiputa, aye akhalaza ukuba ayengenakutya kwaneleyo. Aye athi kwakungcono ukuba abengamakhoboka eYiputa kunokuba alambele entlango.
Ukufundisa amaSirayeli ukuba athembele kuYo, iNkosi yaye yawathumela isonka esivela ezulwini sokuba asichole usuku ngalunye. Asibiza isonka ngokuba yimana. Yayinambitheka okobusi. INkosi yayingayithumeli imana ngeSabatha, umhla wesixhenxe evekini. Ngoko ke ngomhla wesithandathu, Yona yayiwaxelela ukuba achole imana eyonele iintsuku ezimbini.
Okwexeshana, iNkosi yaye yathumela izagwityi ukuze amaSirayeli atye. Ekuseni ayechola imana, kuze ngokuhlwa ayeqokelela izagwityi. INkosi yayifuna amaSirayeli ukuba afunde ukuthembela kuYo. Ngale ndlela, Yona yawakhathalela entlango.