Yobhi 1–3; 19; 38–42

UYobhi

Ukuthemba uthando lweNkosi

UYobhi wayeyindoda elungileyo eyayithanda iNkosi kwaye iyigcina imithetho yaYo. Yena nenkosikazi yakhe babenabantwana abali-10, kwaye wayenemihlambi emininzi yezilwanyane kunye nobutyebi obukhulu.

Yobhi 1:1–5

INkosi yavumela ukholo lukaYobhi ukuba luvavanywe. UYobhi waye weva izinto ezibuhlungu.

Yobhi 1:6–12

Ngenye imini uninzi lwezilwanyana zikaYobhi zaye zebiwa. Emva koko umlilo watshisa zonke iimpahla zikaYobhi kwaye wabulala zonke izicaka zakhe nezinye izilwanyana. Emva koko isaqhwithi sawisa indlu yonyana kaYobhi. Abantwana bakaYobhi babengaphakathi kuyo, nabo bonke basweleka. UYobhi kunye nenkosikazi yakhe basala bengenanto ngaphandle nje kwempilo yabo.

Yobhi 1:13–19

UYobhi nenkosikazi yakhe babekhathazekile. Babelahlekelwe yinto yonke, nkqu kwanabantwana babo. Kodwa uYobhi wayesenalo ukholo eNkosini. Wayengayigxeki iNkosi ngoko kwakwenzekile.

Yobhi 1:20–22

Emva koko uYobhi waye wagula kakhulu. Izilonda ezibuhlungu zagcwala umzimba wakhe. UYobhi nenkosikazi yakhe babezibuza ukuba kwakutheni zonke ezi zinto zimbi zazisenzeka.

Yobhi 2:7–9; 3:1–11

INkosi yathetha noYobhi kwaye yambonisa umhlaba, neenkwenkwezi, kunye nazo zonke izinto eziphilayo. INkosi yafundisa uYobhi isifundo esibalulekileyo. Zonke izinto zazidalelwe ukunceda abantwana bakaBawo oseZulwini ukuba bafunde malunga noYesu Krestu kwakunye nokulandela Yena.

Yobhi 38–41

UYobhi waye waguquka kwaye wacela iNkosi ukuba imxolele ngokuthandabuza. Yena wathembisa ukuyithemba iNkosi. INkosi yayisazi ukuba uYobhi wayeyithanda Yona. Yaphilisa uYobhi kwaye yamsikelela ngabantwana abangaphezulu kwakunye nangobutyebi obuphindaphindwe kabini kunobo wayenabo ngaphambili.

Yobhi 19:25–26; 42