Genesis 6–9; Moses 8

UNowa noSapho lwaKhe

Umkhombe, nonogumbe, kunye nezithembiso zeNkosi

UNowa nosapho lwakhe bayithobela iNkosi. Bonke abanye abantu babekhohlakele kakhulu. INkosi yaxelela uNowa ukuba unogumbe wawuya kugquma umhlaba ukuba abantu babengaguquki.

Genesis 6:5–13; Moses 8:13–17

UNowa wafundisa abantu ukuba iNkosi yayibathanda kwaye yayifuna ukuba baguquke babenokholo kuYesu Krestu. Abazange bamamele.

Moses 8:19–30

UNowa wayekhathazekile ngokuba abantu babengazange baguquke. INkosi yaxelela uNowa ukuba akhe inqanawe enkulu eyayibizwa ngokuba ngumkhombe. Umkhombe wawuya kugcina usapho lukaNowa lukhuselekile ngexesha likanogumbe.

Genesis 6:14–18; Moses 8:25

Usapho lukaNowa lwazisa ukutya emkhombeni. INkosi yathumela izilwanyana ezimbini ubuncinane zazo zonke iintlobo kuNowa. Izilwanyana zangena emkhombeni, kwaye emva kweentsuku ezisixhenxe kwaqalisa ukunetha.

Genesis 6:18–22; 7:1–9

Njengoko iNkosi yayithembisile, kwaye kwanetha kangangeentsuku ezi-40 nobusuku obu-40. Unogumbe wogquma umhlaba.

Genesis 7:6–23

Usapho lukaNowa kunye nazo zonke izilwanyana emkhombeni lwaye lwadada ngokukhuselekileyo emanzini.

Genesis 7:24; 8:1–3

Xa unogumbe wayephelile, umkhombe waye wamisa kumhlaba owomileyo. UNowa nosapho lwakhe baye bakha isibingelelo ukuze banqule iNkosi kwaye bayibulele ngokubakhusela. INkosi yathembisa ukuba ayisokuze iphinde igcwalise umhlaba ngonogumbe kwakhona. Yathumela umgcamabala njengesikhumbuzo sesithembiso saYo.

Genesis 8:13–22; 9:8–17