Lipooti

Lipōtí—Taimi Lōloa tahá: Miniti ʻe 25

Ngaahi Tukupā ʻo e Uike Kuo ʻOsí:

Akoako fakahoko mo vahevahe ʻa e tefitoʻi moʻoni Ko Hoku Fakavaʻé ʻo e uike kuo ʻosí.
Hoko atu hono tuku mavahe ha paʻanga ki heʻeku meʻa fakapaʻanga ʻoku fakamuʻomuʻá.
Aleaʻi ʻi he lolotonga ʻo e fakataha alēlea fakafāmilí ʻa e fakahū ha paʻangá, kehekehe ʻo e fakatau mo e nofo totongi ʻi ha ʻapí, pea mo e ʻinivesi ʻi he akó.
Fetuʻutaki pea mo poupouʻi hoku hoa ngāué.

Sitepu 1: Vakaiʻi mo e Hoa Ngāué (miniti ʻe 5)

Fakaʻaongaʻi ha ngaahi miniti siʻi ke vakaiʻi ai hoʻomo feinga ke tauhi hoʻomo ngaahi tukupā he uike ní. Fakaʻaongaʻi ʻa e saati “Ko e Vakaiʻi ʻEku Ngaahi Ngāué” ʻoku ʻi he kamataʻanga ʻo e tohi ngāue ko ʻení. Fevahevaheʻaki hoʻomo vakaiʻí mo ho hoá pea aleaʻi mo ia ʻa e fehuʻi ʻi laló. Pea ʻe toki fakamoʻoni nounou leva ʻi he feituʻu ʻoku fakahaaʻi atú.

Aleaʻi:Ko e hā ha ngaahi faingataʻa naʻá ke fepaki mo ia ʻi he tauhi hoʻo ngaahi tukupaá ʻi he uike ní?

Sitepu 2: Lipooti ki he Kulupú (miniti ʻe 8)

Hili hono vakaiʻi hoʻomou ngāué, toe fakataha mai ʻo lipooti hoʻomou ngaahi olá. Vilo takai ʻi he kulupú ke nau takitaha fakahā pe naʻe “kulokula,” “engeenga,” pe “lanumata” ʻenau tukupaá takitaha ʻi he uike kuo ʻosí.

Sitepu 3: Vahevahe Hoʻo ngaahi Aʻusiá (miniti ʻe 10)

Fevahevaheʻaki fakakulupu he taimí ni ʻa e ngaahi meʻa ne mou ako ʻi he feinga ke tauhi hoʻomou ngaahi tukupaá he lolotonga ʻo e uiké.

Aleaʻi:

Ko e hā ha ngaahi aʻusia naʻá ke maʻu ʻi hoʻo ako fakahoko pe vahevahe ʻa e tefitoʻi moʻoni Ko Hoku Fakavaʻé?
ʻOku fēfē hoʻo ngāueʻi ke aʻusia e tuʻunga fakapaʻanga ʻokú ke fakamuʻomuʻá?
Naʻe fēfē hoʻomou fealēleaʻaki ʻi he lolotonga ʻo e fakataha alēlea fakafāmilí fekauʻaki mo e fakatau ʻapí pea mo e faingamālie ke toe hoko atu e akó?

Sitepu 4: Fili ʻo e Ngaahi Hoa Ngāué (miniti ʻe 2)

Fili ha hoa ngāue mei he kulupú ki he uike ka hokó. Ko e ngaahi hoa ngāué ʻi he angamahení, ko ha ongo tangata pe ongo fefine mei ha ongo fāmili kehekehe.

Tuku ha kiʻi miniti ke ke fakafeʻiloaki ai koe ki ho hoa ngāué. Mo fefakafeʻiloaki ʻaki mo aleaʻi e founga ke mo fetuʻutaki ai he lolotonga ʻo e uiké.

Hingoa ʻo e hoa ngāué

Founga Fetuʻutaki ki aí

Hiki ʻa e founga mo e taimi te mo fetuʻutaki ai he uike ní.

Sāp	Mōn	Tūs	Pul	Tuʻa	Fal	Tok