Lipōtí—Taimi Lōloa Tahá: Miniti ʻe 25
Ngaahi Tukupā ʻo e Uike Kuo ʻOsí
-
Akoako fakahoko mo vahevahe ʻa e tefitoʻi moʻoni ʻo e Ko Hoku Fakavaʻé ʻo e uike kuo ʻosí.
-
Faʻu ha palani ke kamata ʻaki hono taʻofi e fakamoʻuá.
-
Fakamatalaʻi ʻeku palani ki he totongi ʻosi hoku moʻuá he lolotonga ʻo e fakataha alēlea fakafāmilí.
-
Fetuʻutaki pea mo poupouʻi hoku hoa ngāué.
Sitepu 1: Vakaiʻi mo e Hoa Ngāué (miniti ʻe 5)
Fakaʻaongaʻi ha ngaahi miniti siʻi ke vakaiʻi ai hoʻomo ngāue ke tauhi hoʻomo ngaahi tukupā he uike ní. Fakaʻaongaʻi ʻa e saati “Ko e Vakaiʻi ʻEku Ngaahi Ngāué” ʻi he kamataʻanga ʻo e tohi ngāue ko ʻení. Vahevahe mo ho hoá ʻa e meʻa naʻá ke vakaiʻi pea aleaʻi mo ia ʻa e fehuʻi ʻi laló. Hili ia pea ʻe toki fakamoʻoni ʻi he feituʻu ʻoku fakahaaʻi atú.
-
Aleaʻi:Ko e hā ha ngaahi faingataʻa naʻá ke fepaki mo ia ʻi he tauhi hoʻo ngaahi tukupaá ʻi he uike ní?
Sitepu 2: Lipooti ki he Kulupú (miniti ʻe 8)
Hili hono vakaiʻi hoʻomo ngāué, toe fakataha mai ʻo lipooti hoʻomou ngaahi olá. Vilo takai ʻi he kulupú ke nau takitaha fakahā pe naʻe “kulokula,” “engeenga,” pe “lanumata” ʻenau tukupā ʻo e uike kuo ʻosí.
Sitepu 3: Vahevahe Hoʻo ngaahi Aʻusiá (miniti ʻe 10)
Fevahevaheʻaki fakakulupu he taimí ni ʻa e ngaahi meʻa ne mou ako ʻi he feinga ke tauhi hoʻomou ngaahi tukupaá he lolotonga ʻo e uiké.
-
- Aleaʻi:
-
Ko e hā ha ngaahi aʻusia naʻá ke maʻu ʻi hoʻo ako fakahoko pe vahevahe ʻa e tefitoʻi moʻoni Ko Hoku Fakavaʻé?
-
Ko e hā naʻá ke ako mei he faʻu ʻo ha palani ke fakangata ʻaupito ʻa e fakamoʻuá?
-
Ko e hā ha meʻa ʻoku kehe hoʻo fai he taimi ní ke fakangata e fakamoʻuá ʻi ho fāmilí?
-
Sitepu 4: Fili ʻo e Ngaahi Hoa Ngāué (miniti ʻe 2)
Fili ha hoa ngāue mei he kulupú ki he uike ka hokó. Ko e ngaahi hoa ngāué ʻi he angamahení, ko ha ongo tangata pe ongo fefine mei ha ongo fāmili kehekehe.
Tuku ha kiʻi miniti ke ke fakafeʻiloaki ai koe ki ho hoa ngāué. Mo fefakafeʻiloaki ʻaki mo aleaʻi e founga ke mo fetuʻutaki ai he lolotonga ʻo e uiké.
Hingoa ʻo e hoa ngāué
Founga Fetuʻutaki ki aí
Hiki ʻa e founga mo e taimi te mo fetuʻutaki ai he uike ní.
|
Sāp |
Mōn |
Tūs |
Pul |
Tuʻa |
Fal |
Tok |
|---|---|---|---|---|---|---|