Maʻá e Kau Tokoní

Fakamālō atu hoʻomou tokoniʻi e kulupu moʻui fakafalala pē kiate kitá. ʻOku totonu ke lele ʻa e kulupú ʻo hangē ha fakataha alēleá pea hoko ʻa e Laumālie Māʻoniʻoní ko e faiako. Ko ho fatongiá ke tokoniʻi ʻa e tokotaha takitaha ke ne ongoʻi tauʻatāina ke vahevahe ʻene ngaahi fakakaukaú, ngaahi lavameʻá, mo e ngaahi tōnounoú.

Ngaahi Meʻa ke Faí	Ngaahi Meʻa ke ʻOua ʻe Faí
Kimuʻa ʻi he Fakataha Kotoa Pē
Download ʻa e ngaahi vitioó mei he srs.lds.org/videos. Vakaiʻi pe ʻoku ngāue ʻa e ngaahi nāunau fakavitioó. Toe vakaiʻi nounou ʻa e vahé. Teuteuʻi fakalaumālie koe.	Teuteuʻi ha lēsoni. Kaniseli e ngaahi fakatahá. Kapau ʻoku ʻikai ke ke lava mai ki ai, kātaki ʻo kole ha mēmipa ʻo e kulupú ke ne fetongi koe.
Lolotonga ʻo e Fakatahá:
Kamata mo fakaʻosi taimi totonu. Fakapapauʻi ʻoku lipooti ʻa e taha kotoa, ʻo aʻu kiate kinautolu ʻoku tōmui maí. Fili ha taha tauhi taimi. Poupouʻi e tokotaha kotoa ke kau mai. Hoko ko ha mēmipa ʻo e kulupú. Fakahoko, tauhi mo lipooti hoʻo ngaahi tukupaá. ʻAi ke mou fiefia mo fakafiefiaʻi ʻa e lavameá. Falala mo muimui ki he tohi ngāué.	Akoʻi pe hoko ko ha taha mataotao. Lea ke lahi ange ʻi he niʻihi kehé. Tali kotoa ʻa e ngaahi fehuʻí. Hoko ko e uho ʻo e tokangá. Nofo ʻi he ʻulu ʻo e tepilé. Tuʻu ke tokoni. Hiki fakalaka mei he konga “Fakalaulaulotó”. ʻOange hoʻo fakakaukaú ʻi he hili ʻo e tali takitaha.
ʻI he ʻOsi ʻa e Houalotú Takitaha
Fetuʻutaki mo poupouʻi ʻa e kau mēmipá he lolotonga e uiké. Vakaiʻi koe ʻo fakaʻaongaʻi ʻa e “Fakafuofuaʻi ʻo e Taha Tokoní ʻe Iá” (peesi v).	Ne ngalo ke ke ʻoange e fakamatala fakamuimui taha ki he mataotao fakasiteiki ʻo e moʻui fakafalala pē kiate kitá ki he fakalakalaka ʻa e kulupú.

Mahuʻinga: Lipooti mo Fakatupulaki

• Fakafonu e Foomu Lēsisita ʻa e Kulupú ʻi hoʻomou ʻuluaki fakatahá pea mo e Lipooti Fakaʻosi ʻa e Kulupú mo e Foomu Kole Tohi Fakamoʻoní ʻi he fakataha fakaʻosí. ʻAlu ki he srs.lds.org/report.

• Toe vakaiʻi ʻa e kiʻi tohi Facilitating Groups ʻi he srs.lds.org/facilitator.

Siviʻi Fakafoʻituitui ʻe he Tokotaha Tokoní ia

Toe fakamanatu ʻa e fakamatala ʻi laló, ʻi he ʻosi ʻa e fakataha fakakulupu kotoa pē. ʻOku fēfē hoʻo ngāué?

ʻOku Ou Fēfē ʻi Heʻeku Hoko ko e Taha Tokoní?	ʻIkai ʻaupito	Taimi pē ʻe niʻihi	Taimi lahi	Maʻu pē
Naʻá ku fetuʻutaki ki he kau mēmipa ʻo e kulupú ʻi he lolotonga ʻo e uiké.	□	□	□	□
ʻOku ou fakahā ʻeku fiefiá mo e ʻofá ki he mēmipa takitaha ʻo e kulupú.	□	□	□	□
ʻOku ou tokoni ke fakapapauʻi ʻe lava ke lipooti ʻe he mēmipa kotoa ʻo e kulupú ʻa ʻene ngaahi tukupaá.	□	□	□	□
ʻOku siʻi ange ʻeku leá ʻi he toenga ʻo e kau mēmipa ʻo e kulupú. ʻOku tuʻunga tatau pē e kau mai ʻa e tokotaha kotoa.	□	□	□	□
ʻOku ou tuku ke tali ʻe he kau mēmipa ʻo e kulupú ʻa e ngaahi fehuʻí kae ʻikai ke u tali pē ʻe au.	□	□	□	□
ʻOku ou tauhi ʻa e taimi ʻoku fokotuʻu mai ki he konga mo e ʻekitivitī takitaha.	□	□	□	□
ʻOku ou tuku ha taimi ki he konga “Fakalaulaulotó” ke lava ʻe he Laumālie Māʻoniʻoní ʻo tataki e kau mēmipa ʻo e kulupú.	□	□	□	□
ʻOku ou muimui ki he tohi ngāué hangē ko hono tohí pea mo fakakakato ʻa e ngaahi kongá mo e ʻekitivitií kotoa.	□	□	□	□

Ko e Hā e Tuʻunga ʻo ʻEku Kulupú?	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku ʻofa, fefakalotolahiʻaki, mo fetokoniʻaki ʻa e kau mēmipa ʻo e kulupú.	□	□	□	□
ʻOku tauhi ʻe he kau mēmipa ʻo e kulupú ʻenau ngaahi tukupaá.	□	□	□	□
ʻOku maʻu ʻe he kau mēmipa ʻo e kulupú ha ngaahi ola fakatuʻasino mo fakalaumālie.	□	□	□	□
ʻOku fetuʻutaki mo fefakalotolahiaʻaki e ngaahi hoa ngāué ʻi he lolotonga ʻo e uiké.	□	□	□	□