Ngaahi Maʻuʻanga Tokoní
Ko e Fefine Uitou ʻo Salifatí
Ko e fefine uitou ʻo Salifatí, naʻe kau ʻi he kau masiva tahá, ka ko ha taha mātuʻaki moʻui fakafalala pē kiate ia ʻi he lotolotonga ʻo ʻene fiekaiá. Mahalo te ke manatuʻi, naʻe ʻamanaki ke ʻosi ʻene meʻakaí pea naʻe lolotonga okooko fefie ke tafu ha afi ke haka ai ʻene meʻakai fakaʻosí. ʻOku ngali ko e fehangahangai ia ʻo e moʻui fakafalala pē kiate kitá. Ka naʻe loloto pehē fau hono tuʻunga fakalaumālie ʻi he moʻui fakafalala pē kiate iá, ko e taimi naʻe kole ai ʻe he palōfita ʻa e ʻOtuá e toenga fakaʻosi ʻo ʻene meʻakaí, “naʻe ʻalu ia mo ne fai ʻo tatau mo e lea ʻa ʻIlaisiaá” (1 Ngaahi Tuʻi 17:15). ʻOku talamai ʻe he folofolá ko e taimi naʻe ʻosi ai ʻene fakaʻaongaʻi ʻene mahoaʻa fakaʻosí ke fafanga ʻa e palōfitá, “naʻe ʻikai fakaʻaʻau ke ʻosi ʻa e mahoaʻá ʻi he puhá, pea naʻe ʻikai foki ke maha ʻa e loló ʻi he ipú” (veesi 16), pea ko “ia, mo ia, pea mo hono kaungā falé, naʻa nau kai ʻi he ngaahi ʻaho lahi” (veesi 15). Naʻe ʻamanaki ke ʻosi ʻene meʻakaí, ka naʻe ʻikai—ʻo ʻikai koeʻuhí he naʻe ʻi ai haʻane paʻanga feʻunga, ka koeʻuhí he naʻá ne maʻu ha tui feʻunga. Ko e taimi ʻoku fai ai hotau lelei tahá ke moʻui ʻaki e ongoongoleleí mo fai e meʻa kotoa ʻoku tau lavá ke tauhi kitautolú, ʻe fakapaleʻi ʻe he ʻEikí ʻetau tuí mo e ngāue mālohí.
Foki ki he peesi 43