Fas Presidensi Mesej

Ol Dia Fren Misinari:

Mifala i stap kongratuletem yu long bigfala janis ia we yu gat blong stap olsem wan misinari blong Jos Ia blong Jisas Kraes blong Ol Lata-dei Sent. I no gat wan wok we i gat moa nid mo i impoten bitim hemia blong karem Isrel i kam tugeta.

Prijim Gospel blong Mi i stap blong helpem yu blong rere gud moa long saed blong spirit olsem wan misinari. Hem i blong helpem yu tu blong kam wan gudfala tija. Mifala i askem yu, plis yusum long stadi blong yuwan mo wetem kompanion blong yu evri dei. Mifala i leftemap tingting blong yu tu blong yusum long ol distrik kaonsel miting mo long ol son konfrens blong yufala. Stadi long refrens blong ol skripja mo lanem ol doktrin mo ol prinsipol.

Mifala i invaetem yu blong kam antap long wan niufala tingting blong komitim yu blong sapotem Papa blong yumi long Heven long bigfala wok blong Hem. Evri misinari oli gat wan impoten rol blong stap helpem Lod long wok blong Hem “blong mekem man i nomo save ded mo i kasem laef we i no save finis” (Moses 1:39).

Lod bae i blesem yu taem yu putum tingting blong yu i stap daon mo gat strong tingting blong mekem wok blong Hem. Bae yu faenem bigfala glad mo hapines taem yu stap wok long medel blong ol pikinini blong Papa long Heven.

Fas Presidensi