Soli kei na Veitabaki Vakabete ki na iTutu ni Matabete

na tagane e ciqoma tiko na matabete

Na kena qaravi na cakacaka vakalotu oqo ena gadrevi kina na nona veivakadonui e dua na matabete veiliutaki ka tu vua na kena idola, se dua e veiqaravi ena ruku ni nona veidusimaki e dua e taura tu na kena idola.

Ni sa vakayacori oti na veivakatarogi kei na veivakadonui e ganita:

1. Sa rawa vei peresitedi ni iteki (se ena nona dusimaka e dua) me na tabaka e dua na tamata ki na itutu ni italatala qase, se solia na nona veivakadonui vua e dua na lewe ni Matabete i Melikiseteki me na vakayacora vakakina. O ira walega na lewe ni Matabete i Melikiseteki me ra na tucake wavoki.

2. Sa rawa vei peresitedi ni iteki (se ena nona dusimaka e dua) me na tabaka e dua na tamata ki na itutu ni bete levu, se solia na nona veivakadonui vua e dua tale na bete levu me na vakayacora vakakina. O ira walega na bete levu me ra na tucake wavoki.

3. Sa rawa vei bisopi (se dua sa lesia o koya) me tabaka e dua ki na itutu ni dikoni, ivakavuvuli, se bete. O ira walega na bete kei na lewe ni Matabete i Melikiseteki e dodonu mera gusu ni vosa se tucake wavoki.

Ni dua me vakaitavi ena dua na veitabaki, e dodonu me (1) bete se lewe ni Matabete i Melikiseteki ka (2) me tautauvata se cecere cake mai na itutu vakamatabete ena soli tiko ena veitabaki o ya. Me kena ivakaraitaki, me na kakua ni vakaitavi ena veitabaki oqo e dua na italatala qase kevaka ena tabaki vakabete tiko kina e dua na bete levu se na gauna ena tabaki kina e dua na tamata ki na itutu ni bete levu

Ni caka e dua na veitabaki ki na matabete, me ratou vakotora na ligadratou vakamamada e uluna o koya me tabaki e dua se sivia na matabete. O koya na lewe ni matabete ena vakayacora na veitabaki me qai:

1. Cavuta taucoko na yacai koya na tamata o ya.

2. Cavuta na lewa e vakayacori tiko kina na veitabaki oqo (Matebete i Eroni se na Matabete i Melikiseteki).

3. Solia na Matabete i Eroni se Melikiseteki, vakavo walega ke sa vakayacori oti vakakina.

4. Tabaki koya ki na dua na itutu ena Matabete i Eroni se Melikiseteki ka vakatikora na dodonu, kaukauwa, kei na lewa ni itutu o ya. (Ena sega ni dau soli na idola ni matabete ni vakayacori na veivakatikori ki na matabete se veitabaki ki na dua vei ira na itutu oqo.)

5. Semata vua na veivosa ni veivakalougatataki ena veidusimaki ni Yalotabu

6. Tinia e na yaca i Jisu Karisito.

Na veitabaki sa dua na madigi me soli kina na veivakalougatataki. Me na qai vakayacori ga na veivakasalataki kei na veivakaroti ena gauna e vakavulici kina na tamata o ya me baleta na nona ilesilesi ka sega ena gauna ni veitabaki.

Na veitabaki e sega ni dodonu me yaco sara me dua na matabose lailai. E sega ni gadrevi ena veitabaki vakabete me vakayacori kina e dua na masu se soli ivakadinadina se veivakaroti.