iDusidusi Raraba

Mai na iVoladusidusi 2, wase 20

Na wase oqo sa baleta tiko na ivakasala ni kena vakayacori na cakacaka vakalotu ni matabete kei na veivakalougatataki. Peresitedi ni iteki, bisopi, kei na vunivola me vagolei talega ki na lawatu kei na iwalewale e sa tuvai koto ena iVoladusidusi 1, wase 16, kei na iVoladusidusi 2, wase 20.

Na cakacaka vakalotu sa dua na veiqaravi vakalou, me vakataka na papitaiso, ka vakayacori ena lewa ni matabete. Na cakacaka vakalotu ni papitaiso, veivakadeitaki, veitabaki ki na Matabete i Melikiseteki (vei ira na tagane), na edaumeni ni valetabu, kei na veivauci ni valetabu e gadrevi ena nodra vakacerecerei na tamata kecega sa kila na vinaka kei na ca. Oqo era vakatokai na cakacaka vakalotu ni veivakabulai. Me vaka ni tiki ni veicakacaka vakalotu yadua ni veivakabulai, era caka veiyalayalati kei na Kalou o ira era ciqoma.

Na kena qaravi na cakacaka vakalotu ni veivakabulai ena gadrevi kina na nona veivakadonui e dua na matabete veiliutaki ka tu vua na kena idola, se dua e veiqaravi ena ruku ni nona veidusimaki e dua e taura tu na kena idola. Na veivakadonui vata oqori e gadrevi talega me baleta na nona vakatokayacataki kei na nona vakalougatataki e dua na gone; vakatabui ni ibulubulu; soli ni veivakalougatataki vakapeteriaki; kei na vakarautaki, vakalougatataki, kei na votai ni sakaramede. O ira na Matabete i Melikiseteki e rawa ni ra vakatabuya na waiwai, qaravi ira na tauvimate, solia na veivakalougatataki vakatama, ka solia eso tale na veivakalougatataki ni veivakacegui kei na ivakasala ka sega ni gadrevi me kerei na veivakadonui mai vua e dua na iliuliu ni matabete.

O ira na turaga era dau qarava na cakacaka vakalotu kei na veivakalougatataki e dodonu me ra vakarautaki ira ena nodra bula kilikili ka segata tiko me ra tuberi mai vua na Yalo Tabu. Me ra qarava na veicakacaka vakalotu yadua se veivakalougatataki ena vakarokoroko, ka raica me vakayacori na veika oqo:

1. E dodonu me na vakayacori ena yaca i Jisu Karisito.

2. E dodonu me na vakayacori ena lewa ni matabete.

3. E dodonu me na vakayacori ena kena ivakarau sa virikotori tu, me vakataka na ivosavosa digitaki se vakayagataki ni waiwai vakatabui.

4. E dodonu me na vakadonui mai vei koya e vakatulewa tiko ka tu vua na idola dodonu (sa kena ivakarau me o bisopi se o peresitedi ni iteki), kevaka e gadrevi me vaka sa virikotori tu ena idusidusi ena iwasewase oqo.

O koya na iliuliu ni matabete ka liutaka tiko e dua na cakacaka vakalotu se veivakalougatataki e dodonu me na raica na tamata ena vakayacora na cakacaka o ya, me tu vua na lewa ni matabete e ganita, me bula kilikili tiko, ka kila vakavinaka tu ka muria vakadodonu na kena cakacaka. Era dau segata talega na iliuliu me gauna rokovi ka vakilai vakayalo na cakacaka vakalotu se veivakalougatataki.

Ena gauna e dau vakayacori kina na cakacaka vakalotu se veivakalougatataki ena soqoni ni sakaramede, ena raica o bisopi me na vakayacori vakadodonu. Me kakua ni vakamaduataka e dua na lewe ni matabete, o bisopi me laki tukuna lo ga na kena me vakadodonutaki kevaka e cala na tikina bibi eso ni cakacaka vakalotu se veivakalougatataki.

O ira era na vakayacora na veivakalougatataki vakamatabete era na cavuta na vosa ni veivakalougatataki oqo (“Au [se o keitou] sa vakalougatataki iko mo …”) ka me kakua ni cavuti na masu vakaoqo (“Tamai Keimami Vakalomalagi, ni yalovinaka mo ni vakalougatataki …”).

Vakaitavi ena Cakacaka vakalotu kei na Veivakalougatataki

O ira walega era lewena na matabete e ra sa kilikili e rawa ni vakayacora e dua na cakacaka vakalotu se veivakalougatataki se tucake wavoki. Mera lewe vica walega o ira mera na vakaitavi, oka kina o ira na iliuliu ni matabete, lewe ni matavuvale voleka, kei ira na veiwekani voleka me vakataki ira na dauveiqaravi turaga. E sega ni vakatarai mera lewe levu na lewe ni matavuvale, itokani, kei na iliuliu mera veivuke ena dua na cakacaka vakalotu se veivakalougatataki. Ni lewe levu era vakaitavi kina, ena rawa me na sakuca ka yali kina na yalo ni cakacaka vakalotu. Era na gadrevi ga o ira era vakayacora na cakacaka vakalotu kei ira era vakatulewa. Na kena vo me ra tutaka ka tokoni koya e vosa tiko.

Ni ra vakayacora na veitacini vakalotu e dua na cakacaka vakalotu se veivakalougatataki, era na tabaka vakamamada na buradelai koya e vakalougatataki ena ligadra imatau (se keveta cake tiko na gone e vakalougatataki tiko) ka taqara na ligadra imawi ena tabai koya na matabete e yasadra imawi.

E dina ga ni gadrevi ga e vica na matabete mera tucake wavoki ni vakayacori vua e dua na cakacaka vakalotu se veivakalougatataki, era na dau sureti talega na lewe ni matavuvale.

O ira na iliuliu mera vakauqeti ira na tama bula kilikili ka tu vei ira na matabete e ganita me ra na vakayacora se vakaitavi ena cakacaka vakalotu kei na veivakalougatataki me baleti ira na nodra lewe ni matavuvale.

Bula Kilikili ni Vakaitavi ena Cakacaka Vakalotu se Veivakalougatataki

E vakatarai ga vua e dua na lewe ni Matabete i Melikiseteki bula kilikili e vakaivolatara ni valetabu me cavuta na vosa ni veivakadeitaki vua e dua me lewe ni Lotu, vakatikora na Matabete i Melikiseteki, tabaka e dua ki na ilesilesi ni matabete o ya, se tabaka e dua me veiqaravi ki na dua na veikacivi ena Lotu.

Ena veidusimaki ni Yalo Tabu kei na ivakaro e tiko ena parakaravu e tarava, sa rawa vei ira na bisopi kei na peresitedi ni iteki me ra vakatara e dua na lewe ni matabete e sega ni taucoko na nona bula kilikili vaka-valetabu me vakayacora se vakaitavi ena so na cakacaka vakalotu kei na veivakalougatataki. Ia, e sega ni dodonu vei ira na iliuliu vakatulewa me ra vakatara na vakaitavi vakaoqo kevaka se okati tiko o lewe ni matabete o ya ena dua na cala bibi.

Sa rawa vei bisopi me vakadonuya e dua na tama e lewe ni Matabete i Melikiseteki me vakatokayacataka ka masulaka e dua na luvena kevaka e sega ni taucoko na nona bula kilikili vaka-valetabu. Sa rawa talega vakakina vei bisopi me vakadonuya e dua na tama e bete se lewe ni Matabete i Melikiseteki me papitaisotaka e dua na luvena se tabaka e dua na luvena tagane ki na dua na itutu ena Matabete i Eroni. Me vakaoqori sa rawa talega me vakadonui e dua na lewe ni Matabete i Melikiseteki me tu wavoki ni vakadeitaki e dua na luvena, kei na soli ni Matabete i Melikiseteki vei luvena tagane, se vakatikori o watina se luvedrau. Ia, ena sega ni gusu ni vosa.

Vakayacori e dua na Cakacaka Vakalotu se Veivakalougatataki ena Dua Tale na Tabanalevu

Ni gusu tiko ni vosa ena gauna ni vakatokayacataki ka masulaki e dua na gone, papitaisotaki kei na veivakadeitaki ni dua na tamata, veitabaki vakabete vua e dua na tamata ki na ilesilesi ni matabete, se vakatabui ni bulubulu, e dua na lewe ni matabete ka sa tiko e taudaku ni nona tabanalevu e dodonu me na vakaraitaka vei koya na vakailesilesi vakatulewa e kea na nona ivolatara ni valetabu se dua na fomu ni Vakatutu Me Vakayacora E dua na Cakacaka Vakalotu e ratou sa saini mai kina na nona matabisopi.

Cakacaka Vakalotu nodra o Ira e Tuvaki Vakatani na Yagodra

Na idusidusi me baleta na nodra cakacaka vakalotu o ira e ituvaki vakatani na yagodra sa vakamacalataki ena iVoladusidusi 1, 16.1.8 kei na 16.1.9.

Na idusidusi me baleta na vakadewataki ni cakacaka vakalotu vei ira era didivara se leqa na daligadra, raica na iVoladusidusi 1, 21.1.26.

Vakadewataki ni Cakacaka Vakalotu kei na Veivakalougatataki

Na idusidusi me baleta na vakadewataki ni cakacaka vakalotu kei na veivakalougatataki era sa vakamacalataki tiko ena iVoladusidusi 1, 16.1.2.

iVakaro Baleta na Vakayacori ni Cakacaka Vakalotu kei na Veivakalougatataki

Na veiivola oqo era sa vakarautaki tu kina na ivakasala ni kena vakayacori na cakacaka vakalotu kei na veivakalougatataki:

1. iVoladusidusi2, wase 20

2. Family Guidebook, tabana 18–25

3. iTavi kei na Veivakalougatataki ni Matabete, Wasewase B, tabana 42–47

Ni vakayagataki na ivola tabaki oqo, era vakavulici ira na veitacini na liuliu vakamatabete me ra rawa ni vakayacora kina na cakacaka vakalotu kei na veivakalougatataki. Mera raica na iliuliu me ra yadua na lewe ni matabete na iVoladusidusi ni Matavuvale se iTavi kei na iLesilesi ni Matabete, Tikina B, me tiko e dua na nodra ilavelave ni ivakasala oqo.

Me ra kakua ni lavetaka na iliuliu ni matabete se vakayagataka na veivola eso ka vakasalataka tiko na ivakarau ni kena vakayacori na cakacaka vakalotu, veivakalougatataki, se veimasulaki vakavo ga ke sa vakadonuya mai na Mataveiliutaki Taumada na veivola vakaoqori.