Vakatabui ni Bulubulu

Na kena qaravi na cakacaka vakalotu oqo ena gadrevi kina na nona veivakadonui e dua na matabete veiliutaki ka tu vua na kena idola, se dua e veiqaravi ena ruku ni nona veidusimaki e dua e taura tu na kena idola.

O koya me na vakatabuya na ibulubulu e dodonu me lewe ni Matabete i Melikiseteki ka me na vakadonui mai vei koya na lewe ni matabete e liutaka tiko na soqoni. Ni sa vakatabuya na ibulubulu me na:

1. Cavuta na Tamai Keimami Vakalomalagi.

2. Cavuta ni sa vakayacora tiko ena lewa ni Matabete i Melikiseteki.

3. Vakatabuya ka vakatikora na ibulubulu me sa vanua ni vakacegu ni yagoi koya sa qai mate.

4. Masulaka me sa vakalou ka taqomaki me yacova na Tucaketale (ke gadrevi vakakina).

5. Kerea vua na Turaga me na solia na veivakacegui ki na matavuvale kei na vosa ni veivakalougatataki tale eso ena veidusimaki ni Yalotabu.

6. Tinia e na yaca i Jisu Karisito.

Kevaka e vinakata na matavuvale o ya, sa rawa me vakayacori ga e dua na masu ka sega ni vakatabui na ibulubulu.

Kevaka me na kama na yagoi lewe ni Lotu, sa na vatulewa kina o koya e veiliutaki tiko kina me baleta na kena rawa ni vakatabui na vanua e laki maroroi kina na dravusa ni yago. Ena raica o koya na nodratou gagadre na matavuvale, na itovo vakavanua, kei na lawa vakaitaukei. Kevaka me sa vakatabui na vanua o ya, sa rawa vei lewe ni matabete me vakamuria ga na ivakarau ni kena dau vakatabui na ibulubulu e veiganiti.