Veivakalougatataki Vakatama kei na Veivakalougatataki Tale Eso ni Veivakacegui kei na Veivakasalataki

tagane e vakalougatataka tiko na luvena yalewa

Na veivakalougatataki vakatama kei na veivakalougatataki vakamatabete tale eso era sa soli me veidusimaki ka veivakacegui ena veidusimaki ni Yalotabu.

Sa rawa vua e dua na tama e lewe ni Matabete i Melikiseteki me vakayacora na veivakalougatataki vakatama vei ira na luvena. Na veivakalougatataki vakaoqo ena yaga vakalevu ki na nodra vuli na gone, gole ki na kaulotu, vakamau, lewena na mataivalu, se sotava na veibolebole eso. Sa rawa ki na dua na matavuvale me volaitukutukutaka na veivakalougatataki vakatama me nodratou ga, ia na veivakalougatataki vakaoqo e sega ni maroroi ena itukutuku ni Lotu. Sa gadrevi o ira na itubutubu me ra dau vakauqeti ira na luvedra me ra dau kerea na veivakalougatataki vakatama ena gauna ni leqa.

Sa rawa talega vei ira na lewe ni Matabete i Melikiseteki me ra solia na veivakalougatataki ni veivakacegui kei na veivakasalataki vei ira na lewe ni matavuvale tale eso kei ira tale eso era kerea vakakina.

Na kena soli e dua na veivakalougatataki vakatama se dua tale na veivakalougatataki ni veivakacegui kei na veivakasalataki, me dua se sivia na lewe ni Matabete i Melikiseteki me ra tabaka vakamamada ena ligadra na buradelai koya na tamata o ya. O koya na lewe ni matabete ena vakayacora na veivakalougatataki me qai:

1. Cavuta taucoko na yacai koya na tamata o ya.

2. Cavuta ni sa vakayacori tiko na veivakalougatataki ena lewa ni Matabete i Melikiseteki.

3. Semata vua na veivosa ni veivakalougatataki ena veidusimaki ni Yalotabu.

4. Tinia e na yaca i Jisu Karisito.