A man, presumably a chaplain or member of a bishopric, sits in a room visiting with an inmate. They appear to be in conversation together. Special Services of the Priesthood department has requested that PSD capture images of various Correctional facilities that will be used on websites and curriculum targeted to spiritually support LDS members in correctional confinement and their families.

Faatomuaga

I le avea ai ma se taitai o le Ekalesia, e te mulimuli i le faataitaiga a Iesu Keriso a o e auauna atu ia i latou ua aafia i solitulafono ma faafalepuipuiina. E silafia ma alofa le Tama Faalelagi i Ana fanau, ma o lau auaunaga i totonu o se valaauga o le auaunaga a le Ekalesia i le falepuipui o le a fesoasoani i le toatele e aoao, tuputupu ae, ma atiina ae mamanu o le ola lea o le a taialaina ai i latou a o latou agai i luma i le ala agai i lo latou Faaola. O mea e tutupu e taitai atu ai i le faafalepuipuiina o se tagata e masani lava ona tiga ma e manaomia ai le faamalologa, toe faaleleia, ma le faamagaloga. A o e auauna atu, o le a e fesoasoani i le Alii e laveai Ana fanau, faaleleia o latou lumanai, ma toe faatasia i latou ma o latou aiga.

Ua valaaulia taitai e manatunatu i fesili nei:

• Pe ua tatou faailoa manino mai na tagata ma aiga o e ua aafia i solitulafono ma faafalepuipuiina, ma pe ua tatou iloa mea latou te manaomia?

• Pe ua tatou valaauina ma saunia tagata o le ekalesia i totonu o la tatou siteki e fesoasoani atu?

• Pe ua tatou malamalama i le faamoemoega ma le taunuuga manaomia o a tatou taumafaiga?

• Pe ua tatou masani i taiala o falepuipui i le lotoifale faapea foi ma punaoa aoga a le alalafaga?

• Pe ua tatou saunia i tatou lava e ala i suesuega ma tatalo e faataunuu ai lenei taumafaiga e auauna atu?

Amataina

E tele mea moni faigata ma lavelave e tatau ona malamalama i ai e faia ai lenei galuega. O nei taiala o le a le talanoaina ai tulaga uma, ae e faamoemoe o le a latou tuuina atu ia te oe mataupu faavae e tatau ai e faia ai lenei galuega. O lo tatou tomai e faamanuia ai isi ua aafia i solitulafono ma faafalepuipuiina e faateleina a o tatou vaai i mea e pei ona i ai moni ma auauna atu i se auala e atagia mai ai lena malamalamaaga.