Tiutetauave o le Siteki

E taitaia e le peresitene o le siteki taumafaiga o auaunaga i le falepuipui i totonu o tuaoi o le siteki ma fuafua le ituaiga lagolago e tuuina atu i falepuipui taitasi. O nei taumafaiga e aofia ai le lagolagoina o tagata matutua ma le autalavou o loo i ai i le falepuipui. E mafai ona faatulagaina e le siteki se vaega o auaunaga i le falepuipui e lagolagoina lenei galuega. E masani lava, o le vaega e aofia ai le peresitene o le siteki po o se tasi o ona fesoasoani, se fautua maualuga, se sui o le au peresitene o le Aualofa a le siteki, ma isi ulugalii po o tagata taitoatasi ua valaauina mai le siteki. I nisi o tulaga, o le faatulagaina o se paranesi a le Ekalesia e ono sili atu ona maua ai le lagolago e manaomia (tagai i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 37.6). O taumafaiga uma e auauna atu ai e tatau ona mulimuli i taiala a le pulega o falepuipui i le lotoifale.

E galulue faatasi foi taitai o siteki ma uarota e tausia i latou e lei leva ona magalo mai le toese. Latou te tausia tagata o le aiga o i ai se tasi e pele o loo faafalepuipuiina.

Afai e moomia e le siteki le fesoasoani i le tuuina atu o le auaunaga i se falepuipui po o se toese i totonu o o latou tuaoi, e mafai e le Au Peresitene o le Eria ona tofia se siteki se tasi pe sili atu e lata ane e fesoasoani.