Inmates sit around a variety of tables. Around them are other men and women instructing and helping them. Special Services of the Priesthood department has requested that PSD capture images of various Correctional facilities that will be used on websites and curriculum targeted to spiritually support LDS members in correctional confinement and their families.

Faailoaina o Manaoga

E ono eseese le faagasologa e faailoa ai e taitai manaoga o i latou o e ua aafia i le faafalepuipuiina i totonu o se eria po o se siteki. E mafai ona valaauina tagata o le ekalesia e fesoasoani i lenei faagasologa ma tuuina atu le lagolago faifai pea. E tatau i taitai ona nofouta i le tulaga patino ma manaoga o i latou o e ua aafia i le faafalepuipuiina. Faatapulaa le faalauaitele o faamatalaga e uiga i tulaga faaletagata lava ia po o tulaga faaleaiga ia i latou o e manaomia. E aofia ai faamatalaga o fonotaga, faamatalaga patino, ma fesootaiga faaeletonika.

Mafaufau i tulaga nei:

1. O ai tagata taitoatasi po o aiga ua aafia i se tulaga le lelei i solitulafono po o le faafalepuipuiina?

2. Pe o i ai ni manaoga faaletino vave e tatau ona taulimaina?

3. Pe o i ai ni a latou fesootaiga e le aunoa ma se ulugalii auauna atu po o taitai o le uarota?

4. Pe o i ai ni talavou po o ni tamaiti i totonu o nei aiga atonu e manaomia se lagolago faaopoopo?

5. O a luitau faalemafaufau pe faalelagona o loo latou feagai? Pe o fesoasoani ni tagata tomai faapitoa faafomai po o isi punaoa faatuatuaina?

6. E fia falepuipui o loo i totonu o tuaoi o le siteki?

7. O ai tagata matutua o loo i ai i totonu o nei fale e i ai sootaga muamua po o le fiafia talu ai nei i le Ekalesia?

8. O le a le umi o le a faafalepuipuiina ai nei tagata?

9. O a o latou manaoga taitoatasi e faatatau i le tuputupu ae faaleagaga, aoaoga, toe faaleleia o vaisu, ma tomai faaagafesootai pe faalematata?

10. O le a le avanoa o loo maua i le taimi nei e asiasi ai, faia ai fonotaga po o vasega, pe tuuina atu ai isi lagolago?