Galulue ma Isi

Vaega Faalemalo, Faatuatuaga, ma Nuu

A o faaogatusa e taitai o le Ekalesia a latou taumafaiga ma isi vaega, e mafai e le Alii ona faateleina na taumafaiga ma faamanuiaina nisi o Ana fanau. O fegalegaleaiga uma ma nei vaega e tatau ona faaaloalo ma faamaoni. Ua fautuaina taitai o le Ekalesia e faatulaga ni talanoaga ma vaega faalemalo, faatuatuaga, ma nuu e talanoaina ai avanoa e galulue faatasi ai. E tatau i taitai ona iloilo muamua le vaavaalua ua fautuaina, e aofia ai soo se tautinoga tautupe, ma taitai o le eria a o lei ulufale atu i se sootaga faigaluega.

Taitai o le Malo ma Falepuipui po o Taitai o le Falepuipui

O le atiina ae o sootaga lelei ma le malo ma le taitaiga o falepuipui o le a faateleina ai le gafatia o le Ekalesia e auauna atu ai ma faamanuiaina i latou tatou te mananao e lagolagoina. E mafai e taitai o le Ekalesia ona aapa atu e faatulaga nei sootaga. E tatau i taitai ma tagata o le ekalesia ona faaaloalo i taimi uma i tagata faigaluega o le falepuipui, aiaiga faavae, ma faiga masani. O le a faaalia ai e mafai ona faatuatuaina i latou.

Faifeau o le Falepuipui

O se faife’au o le falepuipui o se tagata e faafaigaluegaina e le falepuipui e lagolagoina tagata o lotu uma. O le faafaileleina o se sootaga lelei ma faifeau o le falepuipui e mafai ona fesoasoani ia te oe e auauna atu ai i tagata ua faafalepuipuiina.

E mafai ona maua nisi punaoa mo le galulue faatasi ma faifeau o le falepuipui iinei.