lalaking nagtatrabaho sa harap ng kompyuter

Apendiks

Training para sa Paggawa ng Pacing Guide

Pambungad

Sa seminary, pinag-aaralan ng mga estudyante ang ebanghelyo ni Jesucristo sa pamamagitan ng mga lesson sa Kurso ng mga Banal na Kasulatan at mga lesson sa Paghahanda sa Buhay. Ang sumusunod na chart ay nagtatala ng iba’t ibang kategorya na nauugnay sa mga ganitong uri ng lesson.

Mga kategorya ng lesson sa Kurso ng mga Banal na Kasulatan

Mga kategorya ng lesson sa Paghahanda sa Buhay

Mga kategorya ng lesson sa Kurso ng mga Banal na Kasulatan Mga lesson na kaugnay ng lingguhang iskedyul ng Pumarito Ka, Sumunod Ka sa Akin I-assess ang Iyong Pagkatuto Pagsasanay sa Doctrinal Mastery

Mga kategorya ng lesson sa Paghahanda sa Buhay Doctrinal Mastery: Paghahanap ng mga Sagot sa Aking mga Tanong Mga Kasanayan sa Pag-aaral ng mga Banal na Kasulatan Para sa Lakas ng mga Kabataan: Isang Gabay sa Paggawa ng mga Pagpili Pagkakaroon ng Pag-asa sa Sarili Pisikal at Emosyonal na Kalusugan Paghahanda para sa Edukasyon at Trabaho sa Hinaharap Pagtatagumpay sa Paaralan Paghahanda ng Missionary Paghahanda para sa Templo Mga Turo ng mga Lider ng Simbahan

Kapag gumagawa ng pacing guide, maaaring mahirap malaman kung kailan at gaano kadalas mag-iskedyul ng iba’t ibang uri ng lesson na ito sa buong taon. Ang training na ito ay naglalayong magbigay ng gabay sa mga tagapangasiwa ng programa, coordinator, at mga titser sa paggawa ng isang pacing guide na titiyak na naituturo ang mga kategoryang ito ng lesson sa wastong balanse.

Mga Alituntunin na Dapat Sundin Kapag Gumagawa ng Pacing Guide

Ang sumusunod na apat na alituntunin ay maaaring makatulong upang maunawaan at masunod kapag gumagawa ng isang pacing guide.

Alituntunin 1: Sundin ang lingguhang iskedyul ng Pumarito Ka, Sumunod Ka sa Akin kapag nag-iiskedyul ng mga lesson sa Kurso ng mga Banal na Kasulatan

Ang nilalaman sa mga lesson ng Kurso ng mga Banal na Kasulatan ay naglalayong umayon sa pinag-aaralan ng mga estudyante nang mag-isa at nang kasama ang kanilang pamilya sa tahanan. Samakatuwid, dapat ituro ng mga titser ang mga lesson sa Kurso ng mga Banal na Kasulatan na ginaganap sa parehong linggo na naka-iskedyul ang mga ito sa manwal ng Pumarito Ka, Sumunod Ka sa Akin. Kung minsan, maaaring ituro ang mga lesson sa Kurso ng mga Banal na Kasulatan sa seminary kapag hindi ito naaayon sa pacing ng Pumarito Ka, Sumunod Ka sa Akin, ngunit dapat maging bihira ang mga pagkakataoing ito, at dapat iwasan ng mga titser ang pagtuturo ng mga lesson na masyadong atrasado o nauuna sa Pumarito Ka, Sumunod Ka sa Akin.

Alituntunin 2: Mag-iskedyul ng mga angkop na lesson sa Kurso ng mga Banal na Kasulatan at Paghahanda sa Buhay bawat linggo.

Ang mga lesson sa Kurso ng mga Banal na Kasulatan (kabilang na ang mga lesson sa Pagsasanay sa Doctrinal Mastery at I-assess ang Iyong Pagkatuto) at mga lesson sa Paghahanda sa Buhay ay mahalaga sa karanasan sa seminary. Sikaping magbigay ng balanseng pamamaraan sa pag-iskedyul mo ng mga lesson na ito bawat linggo. Halimbawa, karaniwan sa mga programang nagkaklase nang limang beses bawat linggo, madalas na itinuturo ang tatlong lesson sa Kurso ng mga Banal na Kasulatan at dalawang lesson sa Paghahanda sa Buhay.

Chart ng Pangkalahatang Iminumungkahing Balanse

Maaaring may ilang linggo kung saan angkop na ayusin ang iminumungkahing balanseng ito. Halimbawa, sa kurso ng Aklat ni Mormon, maaaring maglaan ang mga titser ng mas maraming oras nila sa mga lesson sa Kurso ng mga Banal na Kasulatan sa linggong nagtuturo sila tungkol sa pagpapakita ng Tagapagligtas na nakatala sa 3 Nephi. Maaaring may iba pang mga linggo kung saan maaaring maglaan ng mas maraming oras ang mga titser sa mga lesson sa Paghahanda sa Buhay. Upang matulungan ang mga titser at mga program administrator na gumawa ng mga desisyong ito, kung minsan ang kurikulum ay naglalaman ng dalawa o apat na lesson sa Kurso ng mga Banal na Kasulatan sa loob ng isang linggo sa halip na ang karaniwang tatlo. Ang mga linggong tulad nito ay makatutulong sa iyo na malaman kung kailan maaaring bigyang-diin ang mga lesson sa Kurso ng mga Banal na Kasulatan o Paghahanda sa Buhay. Kapag wala pang tatlong lesson sa Kurso ng mga Banal na Kasulatan, maaari mong isama ang iba pang mga lesson sa Paghahanda sa Buhay sa linggong iyon. Kung mayroong mahigit sa tatlong mga lesson sa Kurso ng mga Banal na Kasulatan, maaari kang maglaan ng mas kaunting oras sa linggong iyon sa mga lesson sa Paghahanda sa Buhay.

Gayunpaman, gawin ang lahat ng iyong makakaya upang ituro ang bawat isa sa mga lesson sa Paghahanda sa Buhay sa buong taon ng pag-aaral. Ang mga lesson sa Paghahanda sa Buhay ay matatagpuan pagkatapos ng mga lesson sa Kurso ng mga Banal na Kasulatan sa manwal.

Ang sumusunod na mga patnubay ay makatutulong sa iyong gumawa ng mga desisyon kung kailan maaaring mag-iskedyul ng iba’t ibang kategorya ng mga lesson sa Paghahanda sa Buhay.

• Mag-iskedyul ng isang katulad na bilang ng mga lesson sa Paghahanda sa Buhay para sa bawat kalahati ng kurso. Makatutulong ito sa mga titser na magkaroon ng balanse sa pagitan ng mga lesson sa Kurso ng mga Banal na Kasulatan at Paghahanda sa Buhay sa buong taon.

• Tiyakin na ang mga titser na iyong pinangangasiwaan ay nagtuturo ng parehong mga lesson sa Paghahanda sa Buhay sa parehong kalahati ng kurso. Makatutulong ito na maiwasan ang pagdodoble ng mga lesson sa Paghahanda sa Buhay na matatanggap ng mga estudyante kung magpapalit ng mga titser matapos makumpleto ang isang kalahati ng kurso.

• Sundin ang mga tagubilin na ibinigay ng mga lokal na area, rehiyon, o programa. Ang mga lokal na area, rehiyon, o programa ay maaaring magbigay ng patnubay kung kailan ituturo ang ilan o lahat ng mga lesson sa Paghahanda sa Buhay.

• Sumangguni sa mga mungkahi sa pacing na nasa mga bahaging Buod para sa bawat kategorya ng Paghahanda sa Buhay. Ang bawat kategorya ng mga lesson sa Paghahanda sa Buhay ay may kasamang mga mungkahi sa pacing sa bahaging “Buod” nito. Ang mga mungkahing ito ay makatutulong sa iyo na gumawa ng mga desisyon tungkol sa kung kailan maaaring pinakamainam ituro ang ilan sa mga lesson sa Paghahanda sa Buhay. Halimbawa, sa buod ng “Paghahanda para sa Edukasyon at Trabaho”, ang mungkahi ay ituro ang lesson na pinamagatang “Ang Kahalagahan ng Edukasyon” sa pagsisimula ng taon ng klase. Ang mga bahaging “Buod” ay maaari ding magbigay ng patnubay tungkol sa ilang lesson sa Paghahanda sa Buhay na mas epektibo kapag itinuturo nang magkakasunod o magkakalapit.

• Tukuyin ang mga oras sa buong taon kung saan ang mga estudyante ay maaaring makinabang nang husto sa ilang lesson sa Paghahanda sa Buhay. Maaaring may mga pagkakataon sa loob ng buong taon na mas mainam na ituro ang ilang mga lesson sa Paghahanda sa Buhay. Halimbawa, maaaring mas mainam na ituro ang mga lesson sa Paghahanda ng Missionary sa pagtatapos ng taon ng klase kung may mga estudyante sa seminary class na malapit nang umalis para magmisyon. O ang ilan sa mga lesson sa Pisikal at Emosyonal na Kalusugan ay maaaring ituro sa isang bahagi ng taon kung saan ang mga estudyante ay maaaring nakadarama ng mas mataas na antas ng stress.

• Tukuyin ang mga lesson sa Kurso ng mga Banal na Kasulatan na may kaugnayan sa isa sa mga kategorya ng mga lesson sa Paghahanda sa Buhay. Ang mga lesson sa Kurso ng mga Banal na Kasulatan ay kadalasang naglalaman ng mga materyal na maaaring pagkunan ng mga lesson sa Paghahanda sa Buhay. Halimbawa, maaari kang mag-iskedyul ng mga lesson sa Paghahanda para sa Templo malapit sa mga scripture block na nakatuon sa templo, tulad ng Doktrina at mga Tipan 95; 109–10; 124; 127–28; Exodo 35–40; o 1 Mga Hari 6–9.

Alituntunin 3: Dapat magkaroon ng palagiang pagkakataon ang mga estudyante na magnilay, magbahagi, at magpakita ng kanilang natututuhan.

Ang manwal ay naglalaman ng mga lesson sa I-assess ang Iyong Pagkatuto at mga lesson sa Pagsasanay sa Doctrinal Mastery na makikita paminsan-minsan sa kabuuan ng mga lesson sa Kurso ng mga Banal na Kasulatan. Ang mga ito ay mahalagang bahagi ng karanasan ng mga estudyante sa seminary. Ang mga lesson sa I-assess ang Iyong Pagkatuto ay nagbibigay sa mga estudyante ng mga pagkakataong ipaliwanag ang mahalagang doktrina at pagnilayan kung paano sila lumalago sa espirituwal. Ang pakikilahok sa mga lesson na ito ay kinakailangan din para tumanggap ng seminary credit ang mga estudyante. Ang mga lesson para sa Pagsasanay sa Doctrinal Mastery ay nagbibigay ng mga pagkakataon para sa mga estudyante na pagsikapang makamit ang mga resulta ng doctrinal mastery.

Sa paggawa mo ng iyong pacing guide, huwag laktawan ang mga lesson sa I-assess ang Iyong Pagkatuto o Pagsasanay sa Doctrinal Mastery na naka-iskedyul kapag may mga klase pa sa seminary. Gayunpaman, hindi mo kailangang ilipat ang mga lesson na I-assess ang Iyong Pagkatuto o Pagsasanay sa Doctrinal Mastery na nataon sa mga araw na walang pasok sa paaralan ang mga estudyante, tulad ng bakasyon sa tag-init o taglamig.

Alituntunin 4: Mag-iskedyul ng mga lesson sa Kurso ng mga Banal na Kasulatan na kalaunan ay iyong ia-assess.

Sa ilang linggo, maaaring mas marami pang lesson sa Kurso ng mga Banal na Kasulatan na maituturo kaysa sa mga araw na magagawang ituro ang mga ito. Samakatuwid, ang mga desisyon ay madalas na kailangang gawin tungkol sa kung aling mga lesson sa Kurso ng mga Banal na Kasulatan ang dapat magawan ng iskedyul. Kapag gumagawa ng mga desisyong ito, unahin ang mga lesson sa Kurso ng mga Banal na Kasulatan na (1) may kaugnayan sa tatalakayin sa mga lesson sa I-assess ang Iyong Pagkatuto at (2) naglalaman ng mga doctrinal mastery passage. Sa paggawa nito mas malamang na maiskedyul ang pinaka-nauugnay at makabuluhan sa doktrina na mga lesson sa Kurso ng mga Banal na Kasulatan.

Makatutulong na malaman mo ang sumusunod kung paano tukuyin ang mga lesson sa Kurso ng mga Banal na Kasulatan na may kaugnayan sa mga lesson sa I-assess ang Iyong Pagkatuto at Pagsasanay sa Doctrinal Mastery:

• Pagtukoy sa mga lesson sa Kurso ng mga Banal na Kasulatan na may kaugnayan sa mga lesson sa I-assess ang Iyong Pagkatuto. Ang mga aktibidad mula sa iba’t ibang lesson sa Kurso ng mga Banal na Kasulatan ay madalas na tinutukoy sa mga lesson sa I-assess ang Iyong Pagkatuto. Ang pagbabasa ng mga lesson sa I-assess ang Iyong Pagkatuto na naiskedyul mo ay makatutulong para malaman mo ang mga lesson sa Kurso ng mga Banal na Kasulatan na maaari mong unahin sa iyong pacing guide.

• Pagtukoy sa mga lesson sa Kurso ng mga Banal na Kasulatan na may mga doctrinal mastery passage. Ang bawat taon ng kurikulum ng seminary ay naglalaman ng 24 na doctrinal mastery passage. Matatagpuan ang listahan ng mga passage sa Doctrinal Mastery Core Document (2023). Kung may pasok sa paaralan sa panahong may dapat iturong mga lesson sa Kurso ng mga Banal na Kasulatan na naglalaman ng doctrinal mastery passage, dapat ituro ang mga lesson na iyon. Gayunpaman, hindi kinakailangang magturo ng mga lesson sa Kurso ng mga Banal na Kasulatan na may mga doctrinal mastery passage kapag ang mga lesson na iyon ay nataon sa mga araw na walang pasok sa paaralan ang mga estudyante, tulad ng bakasyon sa tag-init o taglamig.

Halimbawa ng Sunud-sunod na Hakbang sa Paggawa ng Pacing Guide

May magagamit kang iba’t ibang paraan sa paggawa ng pacing guide gamit ang mga alituntunin na nakalista sa itaas. Halimbawa, maaari mong kumpletuhin ang iyong pacing guide sa pagkakasunud-sunod na ito:

1. Mag-iskedyul ng mga lesson sa Kurso ng mga Banal na Kasulatan, kabilang ang:

   • I-assess ang Iyong Pagkatuto.

   • Mga lesson sa Pagsasanay sa Doctrinal Mastery.

   • Mga lesson sa Kurso ng mga Banal na Kasulatan na naghahanda sa mga estudyante para sa alinman sa mga lesson na nakalista sa itaas.

2. Mag-iskedyul ng mga lesson sa Paghahanda sa Buhay.

3. Gumawa ng mga pagbabago kung kinakailangan.

Case study

Si Sister Mendoza ay titser sa early-morning seminary. Siya at ang kanyang coordinator na si Brother Amasio ay gumagawa ng pacing guide para sa kurso sa Doktrina at mga Tipan na magsisimula sa Enero. Ang sumusunod ay paglalarawan kung paano nagamit nina Sister Mendoza at Brother Amasio ang tatlong hakbang na nakalista sa itaas sa paggawa ng kanilang pacing guide.

Hakbang 1: Mag-iskedyul ng mga lesson sa Kurso ng mga Banal na Kasulatan

Sinimulan nina Sister Mendoza at Brother Amasio na gumawa ng kanilang pacing guide sa pamamagitan ng pag-iiskedyul ng lahat ng lesson sa Kurso ng mga Banal na Kasulatan sa mga linggong idinaraos ang mga klase sa seminary. Tiniyak nila na naiskedyul nila ang mga lesson para ihanay sa nilalaman na pinag-aaralan sa Pumarito Ka, Sumunod Ka sa Akin.

Tiningnan nila ang mga lesson sa Kurso ng mga Banal na Kasulatan at tinukoy ang lahat ng lesson sa I-assess ang Iyong Pagkatuto at Pagsasanay sa Doctrinal Mastery sa bawat kalahati ng kurso. Napansin nila na limang lesson sa I-assess ang Iyong Pagkatuto ang ituturo habang may pasok pa sa paaralan ang mga estudyante: dalawa sa unang kalahati ng taon ng school year at tatlo sa natitirang kalahati.

Pagkatapos, napansin nina Sister Mendoza at Brother Amasio na limang lesson ng Pagsasanay sa Doctrinal Mastery ang magaganap kapag may klase sa seminary: tatlo sa unang kalahati ng school year at dalawa sa ikalawang kalahati.

Kasunod noon ay tiningnan nina Sister Mendoza at Brother Amasio ang bawat isa sa mga lesson sa I-assess ang Iyong Pagkatuto na inilagay nila sa kanilang pacing guide. Pinansin nila kung aling mga lesson sa Kurso ng Banal na Kasulatan ang pinagtuunan ng bawat isa sa mga aktibidad sa assessment. Gumawa sila ng isang tala (*) sa tabi ng bawat lesson na ito sa pacing guide para angkop na mabibigyang-diin ito ni Sister Mendoza at maipapaalam sa mga estudyante kung aling mga aktibidad ang susundan nila kalaunan.

Kasunod nito, tinukoy nina Sister Mendoza at Brother Amasio ang 24 na doctrinal mastery passage para sa kursong ito. Natuklasan nila na 11 sa mga doctrinal mastery passage ang kasama sa mga lesson na ituturo habang may klase sa seminary sa unang kalahati ng taon ng klase at 7 lamang ang ituturo sa ikalawang kalahati. Nagpasya silang isulat sa bold na mga letra ang pamagat ng bawat isa sa mga lesson na ito sa kanilang pacing guide upang malaman ni Sister Mendoza kung kailan dapat tiyak na bigyang-diin ang mga doctrinal mastery passage bilang bahagi ng lesson.

Hakbang 2: Mag-iskedyul ng mga lesson sa Paghahanda sa Buhay

Matapos maiskedyul ang lahat ng lesson sa Kurso ng mga Banal na Kasulatan, nagsimulang mag-iskedyul sina Sister Mendoza at Brother Amasio ng mga lesson sa Paghahanda sa Buhay sa kanilang pacing guide.

Nauna nang nagbigay ng tagubilin si Brother Amasio sa lahat ng titser na kanyang pinangangasiwaan kung aling mga lesson sa Paghahanda sa Buhay ang dapat ituro sa bawat kalahati ng kurso. Ibinigay niya ang gabay na ito upang matiyak na walang madodoble sa mga lesson sa Paghahanda sa Buhay na ituturo sa mga estudyante sa bawat kalahati ng kurso. Nadama niya na magiging napakahalaga nito sakaling may matawag na ibang titser para magturo sa ikalawang kalahati ng kurso.

Ang mga tagubilin ni Brother Amasio ay nakalista gaya ng sumusunod.

Ang mga lesson sa Paghahanda sa Buhay na kanyang napagpasiyahan na isama sa unang kalahati ng kurso:

• Doctrinal Mastery: Paghahanap ng mga Sagot sa Aking mga Tanong (lahat ng limang lesson)

• Mga Kasanayan sa Pag-aaral ng mga Banal na Kasulatan (lahat ng limang lesson)

• Pagtatagumpay sa Paaralan (lahat ng apat na lesson)

• Pisikal at Emosyonal na Kalusugan (lahat ng pitong lesson)

• “Paghahanda para sa Pangkalahatang Kumperensya” (ituturo bago ang pangkalahatang kumperensya ng Abril)

• “Pag-aaral ng mga Mensahe ng mga Tagapaglingkod ng Panginoon” (ituturo sa simula ng kurso)

• Walong mensahe mula sa mga lider ng Simbahan gamit ang “Template: Mga Turo ng mga Lider ng Simbahan” (maayos na iniskedyul sa unang kalahati ng kurso)

Mga lesson sa Paghahanda sa Buhay na ipinasiya niyang isama sa ikalawang kalahati ng kurso:

• Pagkakaroon ng Pag-asa sa Sariling Kakayahan (lahat ng apat na lesson)

• Para sa Lakas ng mga Kabataan: Paggawa ng mga Pagpili (lahat ng anim na lesson)

• Paghahanda para sa Edukasyon at Trabaho sa Hinaharap (lahat ng apat na lesson)

• Paghahanda ng Missionary (lahat ng limang lesson)

• Paghahanda para sa Templo (lahat ng apat na lesson)

• “Paghahanda para sa Pangkalahatang Kumperensya” (ituturo bago ang pangkalahatang kumperensya ng Oktubre)

Iniskedyul nina Sister Mendoza at Brother Amasio ang lahat ng mga lesson sa Paghahanda sa Buhay sa kanilang pacing guide. Ang ilan sa mga lesson sa Paghahanda sa Buhay ay inilagay sa mga partikular na linggo upang ihanay sa mga bahagi ng Doktrina at mga Tipan na pinag-aaralan sa Pumarito Ka, Sumunod Ka sa Akin dahil sa mga mungkahing ginawa sa mga bahaging “Buod” para sa iba’t ibang kategorya ng lesson. Iniskedyul nila ang iba pa batay sa kung kailan nila nadama na pinakamakikinabang ang mga estudyante sa mga paksa.

Matapos maiskedyul ang mga lesson sa Paghahanda sa Buhay sa kanilang pacing guide, mayroon pa rin silang apat na klase sa unang kalahati ng kurso at apat sa ikalawang kalahati ng kurso na walang naka-iskedyul na lesson. Natukoy nila na ang mga klaseng ito ay magiging mga lesson tungkol sa mga mensahe ng mga lider ng Simbahan mula sa pinakabagong pangkalahatang kumperensya. Gagamitin ni Sister Mendoza ang “Template: Mga Turo ng mga Lider ng Simbahan” para ituro ang mga lesson na ito.

Hakbang 3: Gumawa ng mga adjustment kung kinakailangan

Tiningnan nina Sister Mendoza at Brother Amasio ang pacing guide na magkasama nilang ginawa upang malaman kung may mga pag-a-adjust na maaaring kailanganin. Natanto nila na hindi nila napansin ang isang linggo na walang klase ang seminary dahil bakasyon ito ng mga estudyante na naka-iskedyul sa kanilang paaralan. Sa linggong iyon, pag-aaralan din ng mga estudyante ang isang doctrinal mastery passage. Nadama nina Brother Amasio at Sister Mendoza na ang lesson na ito ay dapat naka-iskedyul sa linggo bago o pagkatapos niyon. Nagpasiya sila na ilipat ito sa mauunang linggo. Upang magawa ito, kailangan nilang palitan ang isa sa ibang mga lesson na naka-iskedyul na. Nagpasiya sila na ipalit ito sa isa sa mga lesson sa Mga Turo ng mga Lider ng Simbahan. Ito ang tanging adjustment na kailangan nilang gawin sa kanilang pacing guide.

Parehong maganda ang pakiramdam nina Sister Mendoza at Brother Amasio sa mga desisyon na kanilang ginawa. Tiwala si Sister Mendoza na magkakaroon ng magandang karanasan ang kanyang mga estudyante sa seminary na maglalapit pa sa kanila sa Ama sa Langit at kay Jesucristo. Nagpasalamat siya na ang mga desisyong ito ay ginawa bago siya nagsimulang magturo sa buong taon ng pag-aaral para makapagtuon siya sa paghahanda ng susunod na lesson na ituturo niya. Nadama niya na isang malaking pasanin ang nawala dahil hindi na niya kailangang alamin kung aling mga lesson ang ituturo sa buong linggo bukod pa sa paghahanda nito.