« ជំនាញ ៖ បង្កើតសំណួរអនុវត្ត » ធនធានផ្តល់ការគាំទ្រ និងការបំពាក់បំប៉នដល់គ្រូបង្រៀន ( ឆ្នាំ២០២៤ )

អញ្ជើញឲ្យរៀនសូត្រដោយឧស្សាហ៍ព្យាយាម

ជំនាញ ៖ បង្កើតសំណួរអនុវត្ត

តើអ្វីជាការយល់ដឹង ឬសមត្ថភាពដំបូងរបស់ខ្ញុំ ? ( ការវាយតម្លៃ )

សូមបង្កើតសំណួរមួយដែលអញ្ជើញសិស្សឲ្យរក្សាថ្ងៃឈប់សម្រាកឲ្យបានបរិសុទ្ធ ។

តើវាគឺជាអ្វី ហើយហេតុអ្វីបានជាវាសំខាន់ ? ( កំណត់និយមន័យ ) ៖

ការរៀបចំសំណួរអនុវត្តដើម្បីសួរសិស្សអាចជួយពួកគេឲ្យគិត និយាយ និងរស់នៅតាមគោលការណ៍ដែលពួកគេបានរៀន ។ សំណួរប្រភេទនេះគួរតែត្រូវបានសួរបន្ទាប់ពីសិស្សយល់ពីគោលការណ៍នេះ ។ វារួមបញ្ចូលទាំងការស្វែងរកវិធីផ្សេងៗ ដើម្បីឲ្យសិស្សគិតអំពីរបៀបដែលពួកគេនឹងផ្លាស់ប្ដូរ រស់នៅ ឬធ្វើអ្វីមួយផ្សេងទៀត ដោយសារតែសេចក្ដីពិតដែលពួកគេបានរៀន ឬបានសាកល្បងនេះ ។

តើនរណា ឬតើអ្វីទៅដែលផ្ដល់នូវការពន្យល់ដ៏ល្អមួយអំពីការណ៍នេះ ? ( គំរូ ) ៖

បងស្រី អូលសុន កំពុងរៀបចំមេរៀនអំពីការរក្សាថ្ងៃឈប់សម្រាកឲ្យបានបរិសុទ្ធ ។ បន្ទាប់ពីការសម្រេចចិត្តនូវរបៀបដែលគាត់នឹងជួយសិស្សឲ្យយល់អំពីគោលការណ៍នេះហើយ នោះគាត់គិតអំពីអ្វីដែលគាត់អាចសួរបានដើម្បីជួយសិស្សឲ្យផ្លាស់ប្ដូរ រស់នៅ ឬធ្វើអ្វីមួយផ្សេង ។ គាត់សរសេរនូវសំណួរមួយចំនួនដូចខាងក្រោមនេះ ៖

តើប្អូនត្រូវធ្វើការផ្លាស់ប្ដូរអ្វីខ្លះ ដើម្បីរក្សាថ្ងៃឈប់សម្រាកឲ្យបានកាន់តែបរិសុទ្ធឡើង ?

តើខ្ញុំអាចហាត់រៀនប្រើជំនាញនេះ ឬអនុវត្តតាមគោលការណ៍នេះដោយរបៀបណា ? ( អនុវត្ត ) ៖

សូមបង្កើតសំណួរអនុវត្តសម្រាប់គោលការណ៍មួយចំនួនដូចខាងក្រោម ៖

ការអភ័យទោស
គោលការណ៍មួយដែលអ្នកនឹងបង្រៀនក្នុងមេរៀនបន្ទាប់

ជញ្ជឹងគិត ឬពិភាក្សា ៖

តើអ្នកបានរៀនអ្វីខ្លះ ខណៈពេលអ្នកហាត់បង្កើតសំណួរអនុវត្ត ?
គ្រូបង្រៀនម្នាក់ដែលសួរសំណួរអនុវត្តយ៉ាងមានប្រសិទ្ធភាពជួយសិស្សឲ្យ …

តើខ្ញុំនឹងរួមបញ្ចូលចំណុចនេះនៅពេលណា និងដោយរបៀបណា ?

សូមបង្កើតផែនការមួយអំពីរបៀបដែលអ្នកនឹងរៀបចំសំណួរអនុវត្តសម្រាប់មេរៀនខាងមុខរបស់អ្នក ។