Rongorongo man te Moan Beretitentii

Tarira ao mwanera aika tangiraki,

Bon te tai ae kakukurei ae e reke iroum ngkai ko anga reirei n Ana Euangkerio Iesu Kristo! Tao n arona ngkana e reke ke e aki te wewete nakoim ae onoti n anga reirei, bon ngkoe te tia reirei. Ngkai te tia iriira te Mataniwi n Tia Reirei, Iesu Kristo, e na reke am tai n tibwaa Otana n te tabo are ko nako iai—n te mweenga, n te taromauri, ngkai ko buokiia aomata tabeman, ao ibuakoia raraoma. N anga reirein te euangkerio bon te onimakinaki ae tabu. Bon mwakoron Ana mwakuri te Uea ae bon riai, ao e nakoraoi karaoana ngkana ti karaoia n Ana kawai.

Ti kaoko bwa ko na reiakina ae mwaiti iaon Iesu Kristo ao E kanga n reirei te euangkerio. Tataromwaaka ni kamatebwaia Ana taeka, Ana mwakuri, ao Anuana, ao ni keiaki ni Iriiria ni kaaniko nakoina. Reirei n ana Kawai te Tia Kamaiu e kona n riki bwa kairam.

Te Moan Beretitentii