Te Kantaninga n te Reirei n ana Kawai te Tia Kamaiu

Tuua aika a kabwarabwaraaki inanon te boki n reirei aei e kona ni buokiia taan reirei ni kabane n reirei n ana kawai te Tia Kamaiu. Anne ni ikotaki ma kaaro, taari ao titita n ibuobuoki, taan reirei n te tieminari ao intitute, ao naake iai weteaia n te Ekaretia ni kona n reke aia tai n angareirei.

Ko kona ni kamatebwaia te boki n reirei aei i bon iroum ke kabongana ni kaira te marooro ma tabeman bwa ko na kangaa n riki bwa te tia reirei ae tamaroa. Te katooto, te boki n reirei aei e kona ni kabonganaaki n tain te botaki ni kainutu, aia bowi kain te beretitentii, bowi ni kauntira n te uoote ke titeiki, n te tieminari ao intitute, ao ai bowi ni kauntira ibukiia taan reirei (taraa “Ibukiia Taan Kairiiri—Buokiia Taan Reirei n Bwa A na Nakoraoi”).

Aron Bairean te Bwai ni Ibuobuoki Aei

Mwakoro 1 e katuruturua kakawakin kabanean nanom iaon Iesu Kristo ngkana ti reirei tuan Ana euangkerio. Te mwakoro aei e kabwarabwara bwa tera ae ti angareirei iaona.

Mwakoro 2 e katuruturui tuua n aron ana Angareirei Kristo. Te mwakoro aei e kabwarabwara bwa ti na kanga n angareirei.

Mwakoro 3 e anga iango n aron karaoaia ni buokiia taan reirei ni kamwakurii tuua n aron Ana Angareirei Kristo.