Kabwarabwaraan te Angareirei n Aron Kristo

Te tiaata ae imwiina e katauraoa te kabwarabwara iaon taian tua ake a reiakinaki inanon te boki n reirei aei.

Kabanea Nanom iaon Iesu Kristo

Reirei iaon Iesu Kristo n Aki Taraaki bwa Tera ae Ko Angareirei Iaona

• Katuruturua bannan Iesu Kristo.

• Reirei iaon arana, mwiokoana, ao anuan Iesu Kristo.

• Kakaei Kanikina Ake a Kaota Koauan Iesu Kristo.

Buokiia taan Reiakinaki n Roko nakon Iesu Kristo

• Buokiia taan reiakinaki ni kinaa ana tangira, mwaakan, ao ana nanoanga te Uea inanon maiuia.

• Buokiia taan reiakinaki ni kakorakorai aia reitaki ma Tamara are i Karawa ao Iesu Kristo.

• Buokiia taan reiakinaki n tangiria mai i nanoia ni kekeiaki n riki n aron Iesu Kristo.

Tuua n Ana Angareirei Kristo

Tangiria Naake ko Reireiniia

• Noriia taan reiakinaki n aron ana taratara te Atua nakoia.

• Ukoriia bwa ko na kinaia—n ataa aia kangaanga ae a mena inanona, kainnanoia, ao korakoraia.

• Mwanewei araia n am tataro.

• Katea te tabo ae mano ike ngaiia ni kabane a na karineaki ao n ataia bwa e bongana aia tibwatibwa.

• Kakaei kawai aika a riai n aron kaotan am tangira.

Reirei man te Tamnei

• Katauraoiko n te maiu n tamnei.

• Katauraoiko n tainako ni butimwaai kairiiri mai iroun te tamnei iaon kainnanoia taan reiakinaki.

• Karaoi aanga ao taai ibukiia taan reiakinaki bwa a na reiakinaki iroun te Tamnei ae Raoiroi.

• Buokiia taan reiakinaki n ukora, ni kinaa, ao ni mwakuri iaon oin aia kaotioti.

• Kaokaota am koaua n taainako, ao kaoiia taan reiakinaki bwa a na tibwaua aia namakin, taneiai, ao aia koaua.

Reirei te Reirei

• Reiakina ana reirei Iesu Kristo i bon ibukim.

• Anga reirei man booki aika tabu ao man aia taeka burabeti ni boong aikai.

• Buokiia taan reiakinaki n ukoria, kinaa, ao ni mataata n taian koaua ake inanon koroboki aika tabu.

• Kabotoa am taratara iaon koaua ake a kairi nakon te rairaki ao n unika te onimaki iroun Iesu Kristo.

• Buokiia taan reiakinaki ni kunei baika a irekereke nakoia n ana reirei Iesu Kristo.

Kaoa te Botumwaaka ni Kamatebwai

• Buokiia taan reiakinaki n mwakuria te bwai are a tia n reiakinna.

• Kaungaiia taan reiakinaki bwa a na kona n ataa te Tia Kamaiu man kamatebwaian te euangkerio ni katoabong.

• Kaoiia taan reiakinaki bwa a na katauraoia imwain reiakinaia.

• Kaungaiia taan reiakinaki bwa a na tibwaua te koaua are a reiakinna.

• Kaoiia taan reiakinaki bwa a na maiuakina te bwai are a reiakinna.

Te Tiata ibukin Kabwarabwaraan te Angareirei n Aron Kristo