Mensahe manipud iti Umuna a Panguluen

Patpatgen a kakabsat,

Anian a nagloriaan a gundaway nga adda kadakayo a mangisuro iti ebanghelio ni Jesucristo! Adda man wenno awan ti masinunuo a takemyo a mangisuro, dakayo ti mannursuro. Kas disipulo ti Apo a Mannursuro, ni Jesucristo, addaankayo kadagiti gundaway a mangibinglay iti silawna sadino man ti papananyo—iti pagtaengan,iti simbaan, bayat ti panangministeryo kadagiti dadduma, ken kadagiti gagayyemyo. Sagrado a panagtalek ti mangisuro iti ebanghelio. Maysa daytoy a napateg a paset ti aramid ti Apo, ket kasamayan daytoy no aramidentayo iti wagasna.

Awisendakayo nga agsursuro iti ad-adu pay maipapan ken ni Jesucristo ken no kasano nga insurona ti ebangheliona. Nainkararagan nga adalenyo dagiti balikasna, dagiti tignayna, ken dagiti kababalinna, ken ikagumaanyo ti mangsurot Kenkuana a nasingsinged. Ti Panangisuro iti Wagas ti Mangisalakan ti mabalin a pangiwanwanyo.

Ti Umuna a Panguluen