Pakagupgopan ti Panangisuro a Kas ken ni Cristo

Mangted dagiti sumaganad a tsart iti pakagupgopan dagiti pagbatayan a naisuro iti daytoy a resource.

Agpokus ken ni Jesucristo

Isuro ti maipapan ken ni Jesucristo Ania Man ti Isursurom

• Yunay-unay ti pagwadan ni Jesucristo.

• Isuro maipapan kadagiti paulo, akem, ken kababalin ni Jesucristo.

• Sapulen dagiti simbolo a mangpaneknek ken ni Jesucristo.

Tulongan dagiti Agad-adal nga Umasideg ken ni Jesucristo

• Tulongan dagiti agad-adal a mangbigbig iti ayat, bileg, ken asi ti Apo iti biagda.

• Tulongan dagiti agad-adal a mangpapigsa iti relasionda iti Nailangitan nga Ama ken ni Jesucristo.

• Tulongan dagiti agad-adal a siraranta nga agpasnek nga agbalin nga ad-adda a kas ken ni Jesucristo.

Dagiti Pagbatayan ti Panangisuro a Kas ken ni Cristo

Ayatem dagiti Sursuruam

• Kitaem dagiti agad-adal iti wagas a panangkita ti Dios kadakuada.

• Kaam-ammom ida—maawatam dagiti kasasaad, kasapulan, ken pagpigsaanda.

• Ikararagam ida babaen ti naganda.

• Mangparnuay iti natalged nga aglawlaw a pakadayawan ti amin ken pakaammuan a maik-ikkan pateg dagiti kontribusionda.

• Agsapul kadagiti maitutop a wagas a pakaipeksaan ti ayatmo.

Mangisuro babaen ti Espiritu

• Isaganam ti bagim a naespirituan.

• Kanayon a nakasagana a sumungbat kadagiti naespirituan a pannignay maipapan iti kasapulan dagiti agad-adal.

• Mangparnuay kadagiti disso ken gundaway a pakaisuruan dagiti agad-adal babaen ti Espiritu Santo.

• Tulongam dagiti agad-adal nga agsapul, mangbigbig, ken agtignay iti bukod a paltiing.

• Masansan nga iburay ti pammaneknek, ken awisem dagiti agad-adal a mangibinglay kadagiti rikna, padas, ken pammaneknekda.

Isuro ti Doktrina

• Sursuruem ti doktrina ni Jesucristo para iti bagim.

• Mangisuro manipud kadagiti nasantuan a kasuratan ken balikas dagiti propeta iti ud-udina nga aldaw.

• Tulongam dagiti agad-adal a mangsapul, mangbigbig, ken makaawat kadagiti kinapudno iti nasantuan a kasuratan.

• Agpokus kadagiti kinapudno a mangiturong iti kumbersion ken mangbukel iti pammati ken ni Jesucristo.

• Tulongam dagiti agad-adal a mangsapul iti bukod a pakainaigan iti doktrina ni Jesucristo.

Yawis ti Napasnek a Panagsursuro

• Tulongam dagiti agad-adal nga umawat iti pagrebbengan para iti panagsursuroda.

• Allukoyem dagiti agad-adal a mangam-ammo iti Mangisalakan babaen iti panagadal iti ebanghelio iti inaldaw.

• Awisem dagiti agad-adal nga agsagana nga agsursuro.

• Allukoyem dagiti agad-adal a mangibinglay kadagiti kinapudno a masursuroda.

• Awisen dagiti agad-adal nga agbiag iti no ania ti masursuroda.