Ennaan eo jān Būreejtōnji eo Kein Kajuon

Ro jeiū im jatū rejitōnbōro,

Ej juon iien em̧m̧an aiboojoj ewōr ippāmi n̄an katakin gospel eo an Jisōs Kraist! Men̄e ewōr juon ami kūr ejenoļo̧k ak jaab n̄an katakin, kom̧ kom̧wij juon rikaki. Āinwōr juon rikaļoor an M̧aajta Rūkaki, Jisōs Kraist, ewōr ippāmi iien ko rem̧m̧an n̄an kwaļo̧k meram eo An jabdewōt jikin kwoj ilo̧k ie ļo̧k—ilo m̧weo, ilo m̧ōn jar eo, ilo ami jerbal in karejar n̄an ro jet, im ilibwilijin ro m̧ōttami. N̄an katakin gospel eo ej juon lōke ekwojarjar. Ej juon m̧ōttan aorōk an jerbal eo an Irooj, im em̧m̧an tata an jerbal n̄e jej kōm̧m̧ane ilo wāween eo An.

Kōmij karuwaineneik kom̧ n̄an ekkatak eļapļo̧k kōn Jisōs Kraist im ekōjkan An kar katakin gospel eo. Ekkatak ilo jar naan ko An, jerbal ko An, im m̧wil ko An, im kajjieon̄ n̄an ļoor E epaakļo̧k. Katakin ilo Wāween eo an Rilo̧mo̧o̧r emaron̄ erom am̧ unin tōl.

Būreejtōnji eo Kein Kajuon