Tukadu in n̄an Katakin Āinwōt Kraist

Jaat kein rej letok juon tukadu in pedped in katak ko kar katakin ilo kein jipan̄ in.

Pedped wōt ilo Jisōs Kraist

Kwaļo̧k kōn Jisōs Kraist Jekdo̧o̧n Ta eo Kwōj Katakin

• Kwaļo̧k waanjon̄ak eo an Jisōs Kraist.

• Katakin kōn taitōļ ko, eddo ko, im jinekjeej ko an Jisōs Kraist.

• Pukot kakōļļe ko me rej kam̧ool kōn Jisōs Kraist.

Jipan̄ Rūkkatak ro Itok n̄an Jisōs Kraist

• Jipan̄ rūkatak ro en̄jake iakwe eo an Irooj, kajoor, im tūriam̧o ilo mour ko aer.

• Jipan̄ rūkkatak ro kōkajoorļo̧k jemjerā eo aer ippān Jemedwōj Ilan̄ im Jisōs Kraist.

• Jipan̄ rūkkatak ro kajjieon̄ n̄an eromļo̧k āinwōt Jisōs Kraist.

Pedped in Katak ko n̄an Katakin Āinwōt Kraist

Iakwe Ro Kwoj Katakin Er

• Lo rūkkatak ro ilo wāween eo Anij ej lo er.

• Pukōt n̄an jeļā kajjier—meļeļe jekjek ko aer, aikuj ko, im kajoor ko.

• Jar kake er kōn etaer.

• Ejaake juon mejatoto eo ejokne ijo aolep rej kautiej n̄an jeļā bwe aer bōk kuņaer eļap an aorōk.

• Kwaļo̧k wāween ko rekkar n̄an kwaļo̧k iakwe eo am̧.

Katakin kōn Jetōb

• Kōpooj eok make ilo jetōb.

• Pojak iien otemjej n̄an uwaake im̧we ko an jetōb kōn aikuj ko an rūkkatak ro.

• Ejake jekjek ko im iien ko rem̧m̧an n̄an rūkkatak ro n̄an katakin kōn Jetōb Kwojarjar.

• Jipan̄ rūkkatak ro pukote, kile, im jerbale revelesōn eo an juon make.

• Kōmakijkij kwaļo̧k naan in kam̧ool, im kajjitōk ippān rūkkatak ro n̄an kwaļo̧k en̄jake ko aer, iminene ko, im naan in kam̧ool ko.

Katakin Katak eo

• Ekkatak katak eo an Jisōs Kraist n̄an kwe make.

• Kwaļo̧k jān jeje ko rekwojarjar im naan ko jān rikanaan ro ilo raan ko āliktata.

• Jipan̄ rukkatak ro pukote, kile, im meļeļe m̧ool ko ilo jeje ko rekwojarjar.

• Pedped ioon m̧ool ko rej tōl n̄an juon oktak n̄an kalōk tōmak ilo Jisōs Kraist.

• Jipan̄ rūkkatak ro lo ekkejel eo an make ekkar tata ilo katak eo an Jisōs Kraist.

Karuwaineneik Niknik ilo Ekkatak

• Jipan̄ rūkkatak ro bōk eddo in ekkatak eo aer.

• Rōjan̄ rūkkatak ro n̄an itok n̄an jeļā Rilo̧mo̧o̧r eo jān ekkatak gospel eo aolep raan.

• Karuwainene rūkkatak ro n̄an keppopo n̄an ekkatak.

• Rōjan̄ rūkkatak ro n̄an kwaļo̧k m̧ool ko rej ekkatak.

• Karuwainene rūkkatak ro n̄an mour kōn ta eo rej ekkatak.

Tukadu in jaat eo n̄an Katakin Āinwōt Kraist