Jibadbad eo n̄an Katakin ilo Wāween eo an Rilo̧mo̧o̧r

Pedped in katak ko kar kōmeļeļeik ilo kein jipan̄ in emaron̄ jipan̄ aolep rūkaki in gospel eo katakin ilo wāween eo an Rilo̧mo̧o̧r. Men jab in ekitibuuj ro jinen im jemen, rikarejar jeiū ak jatū m̧aan im kōrā, rūkaki ro an jemenere im institute, im jabdewōt ro kūr eo aer ilo Kabun̄ ej leļo̧k n̄an er iien ko rem̧m̧an n̄an katakin.

Kwomaron̄ make ekkatak kōn kein jipan̄ ko ak kōjerbale n̄an tōl iien ekōnono ko am̧ ippān ro jet kōn wāween kilen erom juon rūkaki em̧m̧anļo̧k. N̄an waanjon̄ak, kein jipan̄ in maron̄ kōjerbal ilo nokon in jota ko ilo m̧weeo, kweiļo̧k ko an būreejtōnji, ward ak stake ko̧o̧njel kweiļo̧k ko, jemenere im institute jerbal in kweiļo̧k ko, im kweilo̧k ko an ko̧o̧ņjeļ an rūkaki (lale “N̄an Ritōl ro—Jipan̄ Rūkaki ro Tōprak”).

Ekōjkan an Kein Jipan̄ in Ejaak

Baat 1 ej kōmejajaik aorōk eo n̄an pedped ioon Jisōs Kraist jabdewōt iien jej katakin pedped in katak ko an gospel eo An. Jekjōn in ej kōmeļeļeik ta eo jej katakin.

Baat 2 ej pedped in katak ko kar kobaiktok n̄an katakin āinwōt Kraist. Jekjōn in ej kōmeļeļeik elmen ad katakin.

Baat 3 ej letok ļōmņak ko n̄an kaminene n̄an jipan̄ rūkaki ro kōjerbal pedped in katak ko n̄an katakin āinwōt Kraist.