Jisōs ej jijōt ippān ajri ro

Āinwōt rūkaki ro an gospel eo an Jisōs Krasit, jej jipan̄ ro jet meļeļe im atartar ioon katak ko, kajoor eo, im iakwe eo An.

Jipan̄ Rūkatak ro Itok n̄an Jisōs Kraist

Ejjjeļo̧k men kwoj kōm̧m̧ane āinwōt juon rūkaki enaaj kōjeraam̧m̧an rūkkatak ro eļapļo̧k jān jipan̄ er jeļā Jemedwōj Ilan̄ im Jisōs Kraist im en̄jake iakwe eo Aer (lale Jon 17:3). Ļōmnak kōn en̄jake ko me rekar jipan̄ kwe itok n̄an jeļā im iakwe Jemedwōj Ilan̄ im Jisōs Kraist. Ta eo ekar m̧ōj am̧ kōm̧m̧ane n̄an ekkatak kōn m̧wil ko, kajoor eo, im iakwe eo Aer? Ekōjkan an iakwe eo am̧ n̄an Jemedwōj Ilan̄ im Jisōs Kraist kar bōktok n̄an eok lan̄lōn̄? Innām ļōmņak kōn ta eo iakwe im kajoor eo Aer emaron̄ kōm̧m̧ane n̄an kajjojo armej ro kwoj katakin er. (lale Alma 26:16; Moses 5:11.)

Kōttōpar eo ad eļap tata ilo mour in ej n̄an eromļo̧k āinwōt Jemedwōj Ilan̄ im bar ro̧o̧l n̄an E. Wāween eo jej kadedeļo̧k kōtōpar in ej ilo ad itok n̄an Jisōs Kraist (lale Jon 14:6). En̄in ej etke, āinwōt an rikanaan Nipai kar katakin, “jej kōnono kōn Kraist, jej m̧ōņōņō ilo Kraist,” (2 Nipai 25:26).

Aolep ajri ro nejin Anij rej aikuji meram eo im mool eo ej itok jān Rilo̧mo̧o̧r eo im maron̄ kālet n̄an uwaake. N̄an erom juon rikaki in gospel eo an Jisōs Kraist ej meļeļein n̄an jipan̄ ro jet meļeļe im atartar ilo katakin ko An, kajoor in pinmuur eo, im iakwe eo eweppān. Ļōmņak kōn ekōjkan an ļōmņak kein maron̄ jipan̄ eok im̧we ro jet n̄an em̧m̧anļo̧k aer jeļā Jisōs Kraist im ļoor E.

Jipan̄ Rūkatak ro Kile Iakwe eo an Irooj, Kajoor, im Tūriam̧o kake eo ilo Mour ko Aer

Em̧m̧an n̄an jeļā kōn iakwe eo an Rilo̧mo̧o̧r eo, kajoor eo, im tūriam̧o kake eo, bōtaab jej aikuj barāinwōt aikuj n̄an en̄jake kake. Lo ekōjkan An kar kōjeraam̧m̧an im kemour armej ro ilo jeje ko rekwojarjar ejipan̄ kōj ejake tōmak eļapļo̧k me E emaron̄ kōjeraam̧m̧an im kemour kōj. N̄an waanjon̄ak, ekkatak kōn en̄jake eo an Daniel ejjab dedeļo̧k n̄e ejjab im̧we kōj n̄an lōke Irooj n̄e jej jeļmae ad make rūmļo̧k ilo rōn in laion.

Ilo am jipan̄ rūkatak kile “tūriam̧o” an Irooj (1 Nipai 1:20), jimōr ilo jeje ko rekwojarjar im en̄jake ko am make, renaaj en̄jake im jeļā bwe Irooj ej pād ipper im enaaj iakwe ilo an jutak itūrier (lale Katak im Bujen Ko 68:6). Renaaj loe im en̄jake mool eo an iakwe im tūriam̧o eo an Irooj ilo aikuj im jekjek ko aer make.

Kraist ej kwaļo̧k Naan ioon Toļ eo

Rikaki remaron̄ jipan̄ rūkatak ro en̄jake iakwe eo an Rilo̧mo̧o̧r, kajoor eo, im tūriam̧o eo.

Jipan̄ Rūkkatak ro Kōkajoorļo̧k Jemjerā eo Aer ippān Jemedwōj Ilan̄ im Jisōs Kraist

Jipbadbad eo an katakin im ekkatak kōn Jisōs Kraist ej n̄an jipan̄ kajjojo armej epaakeļo̧k E im Jemedwōj Ilan̄. Jipan̄ armej ro kwoj katakin er n̄an jab jerwane kalimjōk jibadbad eo. Kōketak er n̄an kōkajoorļo̧k jemjerā eo aer ippān Jemedwōj Ilan̄ im Jisōs Kraist kōn ekkatak jeje ko rekwojarjar, ukweļo̧k wōt, kōnono ippān Jemed ilo jar, im kam̧ool kōn Jemen in Nejin. Katakin rūkkatak ro kōn naan im waanjon̄ak kōn ekōjkan an kōm̧m̧an im kōjparok bujen ko lukōj kōj Ippāer. Jipan̄ er jeļā ekōjkan ad aorōk im jitōnbōro n̄an Er. Kōkajoorļo̧k tōmak eo aer bwe Jisōs Kraist, kōn wānōk eo an Pinmuur weppān eo An, ej iaļ eo de eo n̄an bar ro̧o̧l n̄an ippān Jemed. Leļo̧k iien ko rem̧m̧an n̄an rūkkatak ro n̄an bōk juon kam̧ool jān Jetōb Kwojarjar, “eo eaar kam̧ool kōn Jemān im Nejin,” (Moses 5:9).

Jipan̄ Rūkatak ro Kajeon Niknik n̄an Erōm Eļapļo̧k Āinwōt Jisōs Kraist

Aaet, ekkatak kōn Jisōs Kraist ej im̧we kōj n̄an erōm eļapļo̧k āinwōt E. Bōtaab erom āinwōt E ej waļo̧k wōt ilo ad jerbal ilo tōmak, jim̧or ilowaan im itulikin kūlaaj eo, kōm̧m̧ani kāālet ko ļōm̧an wōt in kōm̧m̧ani n̄an ļoor waanjon̄ak eo An im bōk jouj eo An. Karuwainene rūkatak ro n̄an kapukōt Jetōb Kwojarjar n̄an pukōt wāween remaron̄ erōm eļapļo̧k āinwōt Rilo̧mo̧o̧r eo. Leļo̧k tōl im jipan̄ ilo an rūkatak ro kōm̧m̧an n̄an niknik n̄an erōm āinwōt E juon kōtōpar ilo aolepen mour.

Jekab ekar katakin bwe “aolep men ko kar litok jān Anij jān jinoin laļ” remaron̄ katakin kōj kōn Jisōs Kraist (2 Nipai 11:4). Katakin ko am̧ remaron̄ juon iaan men kani. Door Jisōs Kraist ilo ioļap in kajjojo iien katakin im ekkatak. Ilo am̧ im rūkatak ro “kōnono kōņ Kraist, … m̧ōņōņō ilo Kraist, … kwaļo̧k kōn Kraist,” (2 Nephi 25:26), Jetōb Kwojarjar eo emaron̄ katōk juon kam̧ool kōn Rilo̧mo̧o̧r iutlowa tata in ļōmņak im būruōn kajjojo armej. Ilo am jipan̄ rūkatak ro am itok n̄an jeļā Jemedwōj Ilan̄ im Jisōs Kraist kōn er make, eļapļo̧k aer naaj oktakļo̧k n̄an Er kōn jipan̄, kōjatdikdik, im kemour ilo aolepān mour ko aer.