Hi’ora’a rere ā manu nō te ha’api’ira’a i te ta’ata mai te Mesia te huru

E hōro’a mai te mau tāpura i muri nei i te hō’ē hi’ora’a rere ā manu nō te mau parau tumu i ha’api’ihia i roto i teie buka.

Fa’atumu i ni’a ia Iesu Mesia

Ha’api’i i te ta’ata nō ni’a ia Iesu Mesia noa atu te mea tā ’oe e ha’api’i ra

• Tūra’i i te parau nō te hi’ora’a o Iesu Mesia.

• Ha’api’i nō ni’a i te mau ti’ara’a, te mau hōpoi’a ’e te huru o Iesu Mesia.

• ’Imi i te mau taipe ’o tē parau pāpū nō Iesu Mesia.

Tauturu i te mau pīahi ’ia haere mai ia Iesu Mesia

• Tauturu i te mau pīahi ’ia ite e aha te here, te mana ’e te maita’i rahi o te Fatu i roto i tō rātou orara’a.

• Tauturu i te mau pīahi ’ia ha’apūai i tō rātou tā’amura’a i te Metua i te ao ra ’e ia Iesu Mesia.

• Tauturu i te mau pīahi ’ia ’ōpua ’e ’ia tūtava ’ia riro hau atu ā mai ia Iesu Mesia te huru.

Te mau parau tumu nō te ha’api’ira’a i te ta’ata mai te Mesia te huru

Here i te feiā tā ’oe e ha’api’i

• ’A hi’o i te mau pīahi mai tā te Atua e hi’o ra ia rātou.

• ’A ’imi ’ia mātau ia rātou—’ia hāro’aro’a i tō rātou huru orara’a, tō rātou mau hina’aro ’e tō rātou pūai.

• ’A pure nō rātou mā te fa’ahiti i tō rātou i’oa.

• ’A fa’atupu i te hō’ē vāhi pāpū i reira te mau ta’ata ato’a e fa’aturahia ai ’e e ’ite ai e mea faufa’a tā rātou mau hōro’ara’a.

• ’A ’mi i te mau rāve’a tano maita’i nō te fa’a’ite i tō ’oe here.

Ha’api’i nā roto i te Vārua

• Fa’aineine ia ’oe iho i te pae vārua.

• ’Ia vai ineine noa nō te pāhono i te mau muhumuhura’a pae vārua nō ni’a i te mau hina’aro o te mau pīahi.

• Fa’atupu i te mau vāhi ’e te mau rāve’a nō te mau pīahi ’ia ha’api’ihia e te Vārua Maita’i.

• Tauturu i te mau pīahi ’ia ’imi, ’ia ’ite ’e ’ia ’ohipa mai te au i te heheura’a o te ta’ata iho.

• Fa’a’ite pinepine i te ’itera’a pāpū, ’e e ani i te mau pīahi ’ia fa’a’ite mai i tō rātou mau mana’o, te mau ’ohipa i tupu nō rātou, ’e te mau ’itera’a pāpū.

Ha’api’i i te ha’api’ira’a tumu

• ’Apo mai i te ha’api’ira’a tumu a Iesu Mesia nō ’oe iho.

• Ha’api’i nā roto i te mau pāpa’ira’a mo’a ’e i te mau parau a te mau peropheta o te mau mahana hope’a nei.

• Tauturu i te mau pīahi ’ia ’imi, ’ia ’ite ’e ’ia māramarama i te mau parau mau i roto i te mau pāpa’ira’a mo’a.

• Fa’atumu i ni’a i te mau parau mau ’o te arata’i i te fa’afāriura’a ’e e patu i te fa’aro’o ia Iesu Mesia.

• Tauturu i te mau pīahi ’ia ’ite i tō rātou iho faufa’a i roto i te ha’api’ira’a tumu a Iesu Mesia.

Tītau manihini ’ia ’apo i te ha’api’ira’a ma te itoito

• Tauturu i te mau pīahi ’ia amo i te hōpoi’a nō tā rātou ’apora’a i te ha’api’ira’a.

• E fa’aitoito i te mau pīahi ’ia ’ite māite i te Fa’aora, nā roto i te tuatāpapara’a i te ’evanelia i te mau mahana ato’a.

• E ani i te mau pīahi ’ia fa’aineine nō te ’apo i te ha’api’ira’a.

• E fa’aitoito i te mau pīahi ’ia fa’a’ite i te mau parau mau tā rātou e ’apo ra.

• E ani i te mau pīahi ’ia ora i te mea tā rātou e ’apo ra.