Jisōs im rikaloor eo An ilo Kōjota eo Āliktata

Aenōm̧m̧an Ij Likūt Ippāmi, jān Walter Rane

Katakin kōn Jisōs Kraist Jekdoon Ta eo Kwōj Katakin

Elukkuun lōn̄ men ko n̄an katakin kake kōn jeplaaktok eo an gospel eo an Jisōs Kraist—pedped in katak ko, kien ko, kanaan ko, im bwebwenato ko an jeje ko rekwojarjar. Bōtaab aolepān ra kein rej jān ejja wōjke eo wōt, n̄an er aolep ewōr aer jibadbad: n̄an jipan̄ aolp armej itok n̄an Kraist im weppān ilo E (lale Jarom 1:11; Moronai 10:32). Kiiō jekdoon ta eo kwoj katakin, keememej bwe kwoj lukkuun katakin kōn Jisōs Kraist im elmen n̄an erōm āinwōt E. Jetōb Kwojarjar eo emaron̄ jipan̄ kwe katak n̄an kile mool ko kōn Rilo̧mo̧o̧r eo im kajoor in pinmuur eo An ilo kajjojo peded in katak, kien, im katak an rikanaan (lale Jekab 7:10–11).

Kwoj ke katakin kōn katok eo? Lōmņak in etale ippān rūkkatak ro ekōjkan an katok ko jej kōm̧m̧ani kalikkar n̄an jetōb ko ad n̄an “katok eļap im āliktata;” an Rilo̧mo̧o̧r eo (Alma 34:10). Kwoj ke katakin kōn ippān doon? Ļōmņak in ekōnono kōn ippān doon eo Jisōs Kraist ekar bōk ippān Jemen im kūr eo An n̄an kōj n̄an erom juon Ippāer (lale Jon 17). Lale aolep unin kōnono an gospel eo āinwōt juon iien em̧m̧an n̄an katakin im ekkatak kōn Jisōs Kraist.

Aolep kien rej barāinwōt letok iien in em̧m̧an. Jab pedped wōt ilo kakien ko an gospel eo—ekkatak barāinwōt kōn Riletok kein eo. N̄e kwoj kōnono kōn Naan in Māletlet im pojrak ilo ta ko aikuj kōm̧m̧ani im ta ko jab aikuj kōm̧m̧ani kōn ejmour, kwolikjab jān iien eo em̧m̧an n̄an kōļmenļo̧kjeņ kōn ewi m̧wilaļ in an Jisōs Kraist kea kōn kōj—jim̧or ilo em̧m̧an eo ad ilo jetōb im kanniōk—n̄an letok n̄an kōj kien in. Pedped ioon ewi m̧ōņōņō im ellowetak eo an Rilo̧mo̧o̧r eo n̄an kōjeraam̧m̧an kōj kōn An kajoor n̄an jipan̄ kōj mour kōn kien ko An. Aolep kien Ej litok n̄an kōj rej kwaļo̧ juon men kōn ļōmņak eo An im m̧ōņōņō im bōro eo—pukōt lan̄lōn̄ eo ilo lo menin ippān doon!

Kōmejajaik Waanjon̄ak eo an Jisōs Kraist

Jemaron̄ likūt Jisōs Kraist ilo ioļap in katakin im ekkatak eo kōn like im kōmejaja eo bwe E ej waanjon̄ak eo eweppān an aolep pedped in katak ko an gospel eo. Āinwōt rikaloor ro, jej jab loore wōt pedped in katak ko—jej loore Jisōs Kraist Ilo ad pedped ioon waanjon̄ak eo eweppān an Rilo̧mo̧o̧r eo, Jetōb Kwojarjar enaaj kamool kōn E im im̧we kōj n̄an loore E.

Pija ki ļo̧k ilo jidik iien ke kwoj katakin kōn katak eo kōn niknik n̄an jemļo̧kin. Juon iien ekōnono kōn ekōjkan an Rilo̧mo̧o̧r eo juon waanjon̄ak an niknik n̄an jem̧ļo̧kin emaron̄ bōktok lan̄lōn̄ ko rem̧m̧an an kautiej n̄an E. Ta eo ro kwoj katakin er maron̄ ekkatak im en̄jake jan waanjon̄ak eo An?

Rilo̧mo̧o̧r ej kemour juon em̧m̧aan ej babu ilo laļ.

Rilo̧mo̧o̧r eo ekar kōm̧m̧an juon waanjon̄ak eo eweppān n̄an aolep kōj. Ekar Kōmour Aolepāer, jān Michael Malm

Katakin kōn Taitōļ ko, Jerbal ko, im M̧wil ko an Jisōs Kraist

Jisōs Kraist elōn̄ an taitoļ ko ilo jeje ko rekwojarjar. Kajjojo ej kwaļo̧k juon iaan eddo ko An ilo karōk eo an Anij im katakin kōj kōn jerbal eo An ekwojarjar. Komaron̄ ļōmņak n̄an kapukōt ippān rikatak ro ra taitoļ ko āinwōt Laam an Anij, Rikwaļo̧k, Rikadedeļo̧k ilo Tōmak ko Ad, im Meram an Laļ katakin kōj kōn Jisōs Kraist. Barāinwōt, ilo am jipan̄ rikatak ro itok n̄an jeļā eļapļo̧k kōn Rilo̧mo̧o̧r eo, etal ilon̄ļo̧k ta eo E ej ba im kōm̧m̧an n̄an wōn E im ta eddo eo E ej ikideelel n̄an kōm̧m̧ane ilo mour ko ad. Ilo am̧ ekkatak ippān doon kōn m̧wil im jerbal eo an Rilo̧mo̧o̧r eo, Jetōb Kwojarjar enaaj kam̧wilaļļo̧k meļeļe eo am kōn im iakwe eo n̄an E.

Kapukōt Kōkōļļā ko Rej Kam̧ool kōn Jisōs Kraist

“Aolep men otemjeļo̧k,” Irooj ekar ba, “rej ejaak im kōm̧anm̧an n̄an akam̧ool kōn Eō,” (Moses 6:63; lale barāinwōt 2 Nipai 11:4). Kōn mool eo ilo kōlmenļo̧kjen, jemaron̄ ekkatak n̄an loe juon kōkōllā ko relon̄ ilo jeje ko rekwojarjar ej ej kamool kōn Rilo̧mo̧o̧r eo. Men kein rekoba men ko āinwōt pilawe, aibōj, im meram. Ilo iien eo jej meļeļe ekōjkan an men kein iookļo̧k Rilo̧mo̧o̧r eo, remaron̄ katakin kōj kōn kajoor im m̧wil ko An. Komaron̄ barāinwōt kapukōte mour eo an Rilo̧mo̧o̧r eo ej juon wōt ippān mour ko an rikanaan ro im em̧m̧aan im kōra ro jet retiljek ilo jeje ko rekwojarjar. Kappukōt kakōļļe ko rej kwaļo̧k m̧ool ko kōn Rilo̧mo̧o̧r eo ilo jikin ko kwomaron̄ likjab in kalimjōki.