Mataupu 7

Saunoaga o le Konafesi Aoao

O Le Faatomuaga

Mataupu 1-6 o lo o i ai se malamalama faaleaoaoga faavae i le matafaioi a perofeta soifua, tagatavaai, ma talifaaaliga. O le Mataupu 7 o loo talanoaina aoaoga mai lomiga o le konafesi o le Ensign po o le Liahona. E pei ona faaali mai i le faatomuaga o le vasega, e le o faamoemoe e aoao atu e le faiaoga muai mataupu e ono i le semesa atoa. Ae, o lenei vasega ua fuafuaina ina ia faaaoga le tele o le taimi o le vasega e talanoa ma aoao ai mai konafesi aoao e sili ona lata mai. E mafai e le faiaoga ona faaaoga le taimi o le vasega e suesue ai se lauga atoa po o ni vaega o ni lauga.

O le faamoemoega autu o lenei vasega o le fesoasoani lea i tamaiti aoga e aoao mai saunoaga a perofeta soifua. Na aoao mai e Elder David A. Bednar o le Korama a Aposetolo e Toasefululua faiaoga o aoaoga faalelotu ina ia latou fesoasoani i tamaiti aoga ina ia avea ma e ola tutoatasi faaleagaga:

“Ua tatou masani uma lava i le faaupuga faapea o le tuu atu i se tagata o se i’a, o le a fafaga ai o ia mo se ‘aiga e tasi. I le isi itu, o le aoaoina o le tagata e fagota, o le a fafaga ai o ia mo le olaga atoa. I le avea ai ma faiaoga o le talalelei, tatou te le o i ai i se pisinisi e tufatufa atu ai ni i’a; nai lo lena, o la tatou galuega o le fesoasoani lea i tagata taitoatasi ina ia aoao e “fagogota” ma ia avea ma ni tagata e ola tutoatasi faaleagaga. …

“Ua ou matauina se uiga masani o faiaoga o e na aupito sili la latou aafiaga i lo’u olaga. Sa latou fesoasoani ia te au e saili e aoao i le faatuatua. Sa latou mumusu e tuu mai ia te au ni tali faigofie i fesili faigata. O le mea moni, latou te lei tuuina maia lava ia te au se tali. Nai lo lena, sa latou faasino mai le ala ma sa latou fesoasoani mai ia te au i laasaga ou te suea ai a’u lava tali. Ou te lei fiafia i taimi uma i lenei faiga, ae o le poto masani ua ou mafai ai ona malamalama faapea, o se tali e tuuina mai e se isi tagata e masani ona le manatuaina mo se taimi umi, pe afai foi e manatua. Peitai o se tali tatou te saili pe maua e ala i le faaaogaina o le faatuatua, e masani lava ona manatua i le olaga atoa. O aoaoga sili o le olaga e maua—ae le o le aoaoina”(David A. Bednar, “Saili le Aoaoina e ala i le Faatuatua,” Liahona, Setema. 2007, 67).

Faamanatu: Ia uunaia tamaiti aoga ma ia mautinoa e aumai se kopi a le tagata lava ia o le lomiga o le konafesi pito lata mai o le Ensign po o le Liahona i le vasega i taimi uma tou te feiloai ai.

Sauniuniga mamao: O loo aofia ai i le faaiuga o lenei lesona ia kopi e lua o le saunoaga a Peresitene Dieter F. Uchtdorf’ “O Loo Tatou Faia le Galuega Tele ma Ua Le Mafai ona Tatou O Ifo i Lalo” mai le konafesi aoao o Aperila 2009 (tagai Ensign po o le Liahona, Me 2009, 59-62)—o le saunoaga muamua e mo faiaoga ma le saunoaga e lua e mo tamaiti aoga. Fai se kopi o le saunoaga e mo tamaiti aoga mo tamaiti aoga taitasi.

Fautuaga mo le Aoaoina Atu

O Tomai e Aoao Ai Mau e Mafai ona Faaaoga e Aoao Ai Lauga o Konafesi

Fesili i au tamaiti aoga:

E faapefea ona eseese le suesue ma le sailiili mai le faitau?

Ia sii i luga se kopi o se tusi aoga i luma o au tamaiti aoga ma fesili:

O a ni auala faapitoa sa e faaaogaina ina ia faaleleia ai le malamalama ma le maitauina o faamatalaga o loo maua i tusi aoga? (Lisi tali a tamaiti aoga i luga o le laupapa e pei o tauloto, toe faitau, faailoga mea taua aoaoina, ma tusiina o mea na aoaoina.)

Faamanatu: E le manaomia ona faaalu le tele o se taimi e faamatala ai e tamaiti aoga nei auala. Ua lava tali pupuu, ma faigofie.

Ia sii i luga se kopi o se lomiga o le konafesi sili lata mai o le Ensign po o le Liahona ma fesili:

E ese mai savali tusitusia o le konafesi, o a isi vaega o le lomiga e mafai ona fesoasoani e faaleleia ai lau sailiiliga? (E mafai ona aofia ai i tali ia “Anotusi” ma “Faasologa o Autu” i luma o le lomiga ma “Sa Latou Saunoa Mai ia i Matou” ma “Faasologa o Tala o le Konafesi” i tua o le lomiga.)

Faamatala i lau vasega e mafai ona sailiili i savali o konafesi aoao e faaaoga ai le tele o tomai faapitoa o loo faaaoga foi e sailiili ai i tusi aoga ma, e sili ona taua, o tomai e faaaoga e sailiili ai mau. Fesili atu:

O a nisi o tomai e aoao ai mau sa e faaaogaina ina ia malamalama lelei ai i tusitusiga paia? (Faaopoopo tali a tamaiti i le lisi i luga o le laupapa; e ono aofia ai le tatalo, manatunatu loloto, faitau leotele, ma mau faasino.)

A o tali mai tamaiti aoga, uunai ina ia latou faamatala puupuu pe faapefea ona sa fesoasoani le tomai e aoao ai latou te malamalama ai i uiga o mau.

tamaitai talavou o loo faitauina ia tusitusiga paia

Tuu atu i tamaiti aoga e susue i le vaega 7.2 o le Tusi Lesona a le Tamaitiiti Aoga o Aoaoga a Perofeta Soifua. Vaevae le lisi o tomai e aoao ai e 17 o loo faamatalaina i lenei vaega i tamaiti aoga. Valaaulia tamaiti aoga e faaalu se lua pe tolu minute e sailiili ai tomai e aoao ai ua tofia iai i latou. A maea ni nai minute, fesili atu i tamaiti aoga e faamatala ia tomai e aoao ai i le vasega atoa. A o faia faamatalaga a tamaiti aoga, faaopoopo i le laupapa nisi tomai e aoao ai e le i taua muamua.

Tuu atu i tamaiti aoga taitasi se kopi o le lauga “O Loo Tatou Faia le Galuega Tele ma Ua Le Mafai ona Tatou O Ifo i Lalo” e Peresitene Dieter F. Uchtdorf o le Au Peresetene Sili (o loo maua i le faaiuga o lenei mataupu). Vaevae lau vasega i ni vaega se fa. Tofi vaega taitasi e faitau ma saili i se tasi o aitema nei:

Faamaoni i tusitusiga paia
Faamalosiauga po o valaaulia
Fuaitau e manatua pea
Fai pea lava pea

Faamanatu: O se tasi o kopi e le i faailogaina o le lauga a Peresitene Uchtdorf o loo tuuina atu e tufatufa i tamaiti aoga, e faapea foi ma se isi kopi mo le faiaoga e aofia ai faataitaiga o nei aitema e fa o loo faaataata atu (o kopi o nei lauga o loo maua i le faaiuga o le mataupu—o le uluai kopi a le faiaoga). O le kopi a le faiaoga o loo faaalia ai na o ni nai aitema o loo faamatala atu i luga. I la latou suesuega o le lauga, atonu o le a maua e tamaiti aoga nisi o faataitaiga e le o maua i le kopi a le faiaoga.

A maea ona tuuina i tamaiti aoga o se taimi e suesue ai le lauga, fesili atu i vaega taitasi e lipoti mai a latou faaiuga ma faamatala pe na faapefea e le faaaogaina o lena tomai e aoao ai ona faamalosia lo latou malamalama i le savali a Peresitene Uchtdorf.

Faamalosiau atu i tamaiti aoga i le taualumaga o totoe o le vasega e faaaoga tomai e aoao ai o loo faamatalaina i le mataupu 7 i la latou tusi lesona e faaleleia ai la latou suesuega o le lomiga o le konafesi o le Ensign po o le Liahona. E mafai foi ona faaaoga lelei nei tomai e suesue ai lauga a le Au Uso i sauniga e ese mai konafesi aoao po o le suesueina o isi tusiga ua latou tusitusia mo lomiga a le Ekalesia, Faasoa atu ma au tamaiti aoga le aoga o nei tomai ia te oe i lau suesuega o savali o konafesi aoao.

Auala e Aoao Atu Ai Lauga o le Konafesi Aoao

Ia mautinoa ua iloa mamao e tamaiti aoga lauga o le a faaaogaina i le vasega. Atonu e te manao e saunia se faasologa o vasega o loo lisi ai lauga o le a talanoaina i vasega taitasi. Ia mautinoa ua maua ni kopi o le lauga a tamaiti aoga taitasi, ma uunai ina ia latou faitau ma suesue le lauga a o le i amataina le vasega. O le a mafai ai e tamaiti aoga ona auai atoatoa i fetufaaiga a le vasega.

E pei foi o isi vasega, o le faaaogaina o le anoanoai o auala eseese e aoao atu ai e fesoasoani e faatumauina ai le fiafia o le tamaitiiti aoga ma ola ai i le talalelei. O nisi nei o fautuaga mo le aoaoina atu o lauga o le konafesi aoao:

Faaali ni vaega o le konafesi aoao. A o taina se vitio sa pueina o se lauga, ia fai i tamaiti aoga e mulimuli ai mai le kopi tusitusia o le lauga. Valaaulia tamaiti aoga e faailoga vaega e taulai i ai o latou mafaufau. Atonu e te uunaia tamaiti aoga e sii mai o latou lima pe ua latou mananao e taofi le vitio ma talanoaina lena vaega o le lauga. Atonu e te valaaulia tamaiti aoga e maitau se faamatalaga faapitoa po o se tali i se fesili. Afai e le maua vitio, e mafai ona faitau lauga o le konafesi i le vasega.
Lipoti a tamaiti aoga. E mafai ona saini (pe tofi foi) tamaiti aoga a o lei taitai ona oo i le taimi e taitaia se talanoaga i se mataupu faapitoa. E mafai foi ona tofia tamaiti aoga e aoao atu faamatalaga o soifuaga o le Usoga.
Faasoa atu tala patino. Faaali ata vitio o le Au Uso o fetufaai o latou aafiaga patino. Afai e le maua ni vitio, e mafai ona faitau nei aafiaga i le vasega.
Faaaoga galuega a vaega i le vasega. Talanoaina e tamaiti aoga i ni soa po o ni vaega toaitiiti, nisi o mataupu o le lauga po o fesili faapitoa e fesootai i ai. Valaaulia tamaiti aoga e faasoa mai a latou faataitaiga ma le vasega atoa.
Faaaoga le “vaai mo” gaoioiga e suesue ai i lauga i le aiga. A o suesue tamaiti aoga lauga o le konafesi i le aiga, fesoasoani i ai ina ia latou maitau aoaoga faavae autu, mau lagolago, ma fuaitau po o fuaiupu taua. Atonu e te manao e tofi i latou e tusi se pepa puupuu e otooto ai i a latou lava upu malamalamaaga na latou maua.
Ia tausia e tamaiti aoga a latou tala o suesuega. Fautuaina tamaiti aoga e faamauina lagona faaleagaga a o le i amataina le vasega, pe maua foi se taimi i le faaiuga o le vasega.
Ia tusia e tamaiti aoga otootoga o ulutala. Tofi tamaiti aoga e tusi ni tala pupuu e faaaofia ai aoaoga a ni failauga eseese i se mataupu faapitoa.
Talanoa le tali a le Usoga i mea o loo tutupu i le taimi nei. Valaaulia tamaiti aoga e mafaufau ma talanoa le ala e tali atu ai le Usoga i mea o loo tutupu i le lalolagi i aso nei e ala mai ia latou aoaoga i konafesi aoao.
Faitau lauga i le vasega. Atonu e te manao i tamaiti aoga e faitau e aunoa ma se leo, leotele, taitoalua, pe o ni vaega toalaiti. I nisi o taimi, atonu e te manao foi e faitau se vaega o se lauga i lau vasega pe afai e te manao e faamamafa se aoaoga faapitoa.
Faasoa atu tala. Iloilo tala sa faasoa mai i le konafesi aoao mai le “Faasologa o Tala o le Konafesi” o loo latalata i tua o lomiga taitasi o konafesi aoao o le Ensign po o le Liahona. E mafai ona e fai i tamaiti aoga e faasoa mai pe aisea na taua ai se tala faapitoa ia i latou. Fesoasoani i tamaiti aoga e faailoa mai aoaoga faavae ma mataupu faavae o loo aoaoina i le tala ma femolimauai ia mea taitasi ia latou mau.

Faamatalaga Patino o Aposetolo

Sa apoapoai mai le Aposetolo o Paulo, “Matou te aioi atu ia te outou, le au uso e, ia outou iloa e o galulue ia te outou, ma pule ia te outou i la le Alii, ma latou apoapoai atu ia te outou”1 Tesalonia 5:12). E mafai ona e fesoasoani e faamalosia molimau a tamaiti aoga i perofeta, tagatavaai, ma tali faaaliga e ala i le faasoa o faamatalaga patino pupuu e uiga ia i latou. E te maua faamatalaga patino i le newsroom.lds.org ma tusi faaletausaga a le Ekalesia. O ata o le Au Pulega Aoao, o loo maua mai le faletusi, o loo i ai foi faamatalaga patino i tua.

O Loo Tatou Faia le Galuega Tele ma Ua Le Mafai ona Tatou O Ifo i Lalo (Kopi a le Faiaoga)

Peresitene Dieter F. Uchtdorf

Fesoasoani Lua i le Au Peresitene Sili

Ensign po o le Liahona, Me 2009, 59-62; faaopoopo ia faailoilo.

Ou uso pele, sa ou iloa i ni nai masina le savali ou te manao e tuuina atu ia te outou i le aso. I lena taimi, sa ou saili i se tala e faamatala ai le mea ou te manao e tau atu. Sa ou saili i se tala e faatatau i faifaatoaga. Sa ou saili i se tala e faatatau i manu. I le ava ia Elder Scott, sa ou saili i se tala e faatatau i inisinia faaniukilia, ma i le ava ia Peresitene Monson, o se tasi e faatatau i le tausia o lupe.

I le iuga, e tasi le tala na oo mai pea lava pea ia te au—o se tala ua faamauina i lou manatua mo le tele lava o tausaga. E le faatatau i faatoaga, manu, inisinia faaniukilia, po o lupe. E faatatau—e pei ona masalo ua outou mateia—e faatatau i femalagaaiga i le ea. Ou te taua “O Le Tala o le Matauila.”

O le Tala o le Matauila, po o le Aveesea o le Malamalama i Mea e Sili ona Taua

I se po pogisa o Tesema i le 36 tausaga ua mavae, sa pau ai se vaalele Lockheed 1011 i le Everglades i Florida, ma maliliu ai le sili i le 100 tagata. O lenei faalavelave matautia o se tasi o mala sili ona matuia i le tala faasolopito o le Iunaite Setete.

O se mea uigaese i lenei faalavelave e faapea o vaega ma tulaga taua uma lava o le vaalele sa atoatoa ona gaioi lelei—sa tatau lava i le vaalele ona taunuu ma le manuia i lona taunuuga i Miami, e na o le 20 maila le mamao ese.

I sauniuniga faaiu mo le tulaueleele, sa iloa ai e le auvaa ua le mumu se tasi o moli lanu meamata—o le moli lea e iloa ai pe ua tau lelei i lalo le kia e tulaueleele ai. Sa taofia e pailate le faaauauina o sauniuniga mo le tulaueleele, ae ua taofiofi le vaalele faataamilomilo i luga ae o le Everglades uliuli patoi, ae tuuina atu lo latou taimi e suesue ai le faafitauli.

Sa matua faaaluina lo latou taimi i la latou suesuega ua latou le iloa ai ua fai ifo lemu ma ua latalata pea lava pea le vaalele i le vai pogisa o i lalo ifo. E oo i le taimi na iloa ai e se tasi le mea ua tupu, ua matua tuai lava ona taofia le faalavelave.

Ina ua mavae le faalavelave, sa taumafai tagata suesue e saili le mafuaaga. Sa lelei lava ona tuu i lalo le kia e tulaueleele ai. Sa matua lelei atoatoa le tulaga tau masini o le vaalele. Sa galulue lelei totoga uma—mea uma lava sei vagana ai se mea se tasi-o se tamai matauila ua pe. O lena tamai matauila—pe na o le 20 sene lona tau—na amataina le filifili o mea na tutupu ma iu ai i le oti matautia o le silia ma le 100 tagata.

O le mea moni, o le matauila na lei ola e lei mafua ai le faalavelave; na tupu ona ua tuu e le auvaa lana taulaiga i se mea sa foliga mai e afaina i lena lava minute ae galo ai le mea e aupito sili ona afaina ai.

Faatulaga Lou Loto i Mea e Sili ona Taua

O le lilifa atu e taulai i mea e le taua a o faatuatuanai mea e aupito sili ona taua, e le na o pailate e tutupu ai ae o tagata uma lava. [Fasifuaitau e manatua pea] E lamatia uma lava i tatou. O le avetaavale e faamuamua le auala e sili atu lona avanoa e taunuu ai i lona taunuuga e aunoa ma se faalavelave nai lo le avetaavaale ua ave lana faamuamua i le auina atu o feau i luga o lana telefoni.

Tatou te iloa mea e sili ona taua i le soifuaga—ua aoao mai e le Malamalama o Keriso lenei mea i tagata uma lava. O i tatou o ni Au Paia o Aso e Gata Ai faatuatua ua i ai le Agaga Paia o se “soa tumau”¹ e aoao i tatou i mea taua e faavavau. Ou te mafaufau e faapea o soo lava se tasi o umia le perisitua o loo lagona mai lou leo i le aso, afai e fesiligia e saunia se tautalaga i le mataupu “o le mea e sili ona taua,”o le a ia faia se mea silisili. O lo tatou vaivaiga o le toilalo lea e faagatusa a tatou amioga ma lo tatou iloa. [Fasifuaitau e manatua pea]

Taofi mo se taimi, ma siaki po o fea le mea o i ai lou lava loto ma manatu. O ave lau faamuamua i mea sili ona taua? O le ala e te faaaoga ai ou taimi paganoa atonu e mafai ona maua ai se faailoga taua. O fea e taulai i ai ou mafaufauga pe a tuanai le lagona faamalumalu mai ona o ni mea ua tatau ona faamaea ona fai? Pe taulai ea ou mafaufauga ma lou loto i mea ua na o sina taimi e afaina ai, po o mea e aupito sili ona taua? [Valaaulia]

O a ni lagona tetee o loo e tauaveina? O a ni alofaga o loo e uumau ua taofia ai oe mai le avea ma se tane, tama, atalii, ma le o umia le perisitua e te iloa e tatau ona i ai? O a ni mea e faalavelavea ai oe mai ou tiute pe taofia oe mai le faalauteleina o lou valaauga ma le maelega sili?

Taumamao Mai le Faalavelaveina

O nisi o taimi o mea e falavelave ia i tatou e le leaga ia i latou lava; o le tele o taimi tatou te maua ai lagona lelei.

E mafai ona soona fai e oo lava i mea lelei. [Fasifuaitau e manatua pea] o se tasi o faataitaiga e mafai ona iloa i se tama po o se tama matua ua faaalu le tele o itula e sailia ai ona tuaa po o le amataina o se poloka a o faatuatuanai po o le aloese mai taimi taua ma le uiga ma ana lava fanau ma fanau a ana fanau. O seisi faataitaiga e faapei o se faitogalaau o loo faaalu ona aso e vele ai vao mai le eleele ae o loo faatuatuanai vao faaleagaga o loo taumafai e punitia lona agaga.

E oo lava i nisi o polokalama o le Ekalesia e ono fai ma faalavelave pe afai tatou te soona fai ma tuu i ai le avanoa latou te tauaveina o tatou taimi ma o tatou avanoa i le tau o mea e sili ona taua. Tatou te manaomia le paleni i le soifuaga. [Fasifuaitau e manatua pea]

Afai tatou te alolofa moni i lo tatou Tama oi le Lagi ma Ana fanau, tatou te faatino lena alofa e ala i a tatou galuega. Tatou te faamagalo le tasi i le isi ma saili e fai le lelei, mo “lo tatou [tagata] tuai ua faasatauroina ma [Keriso].“² [Mau fesootai] Tatou te “asiasi i e ua leai ni tama ma nofofua i o latou puapuaga,” “ma tatou tausi i tatou lava” “ma le le pona mai le matautia o le lalolagi.”³ [Mau femolimauai]

Ou uso pele o le perisitua, ua tatou ola i aso e gata ai. O le talalelei a Iesu Keriso ua toe fuataiina i le lalolagi. O ki o le perisitua a le Atua ua toe tuuina atu i alii. Ua tatou ola i se vaitaimi o le faamoemoega ma sauniuniga, ua faatuatuaina e le Atua e saunia ai i tatou lava, o o tatou aiga, o lo tatou lalolagi mo le oo mai o le taeao—o le aso e “afio mai ai le Alo o le Atua mai le lagi i se alaga, ma le leo o le agelu sili, ma le pu a le Atua”⁴ ma aumaia ai Lana nofoaiga o le meleniuma

Ua faatuatuaina i tatou i le perisitua paia ma valaauina i tiute, mana, ma aia e galulue ai o ni sui o lo tatou Tupu Faalelagi.

O mea nei e sili ona taua. O mea nei e faavavau o latou aoga e ao ona ave i ai la tatou faamuamua.

E le tatau ona tatou tuuina atu i tatou lava ina ia faalavelavea mai o tatou tiute paia. E le tatau ona aveesea lo tatou taulai atu i mea e sili ona taua. [Fasifuaitau e manatua pea]

Neemia

O Neemia o le Feagaiga Tuai o se faataitaiga sili o le tumau ma taulai atu i se galuega taua. O Neemia o le Isaraelu sa faaaunuua i Papelonia ma sa auauna o se tautu uaina a le tupu. I se tasi aso sa fesili le tupu ia Neemia pe aisea e foliga faanoanoa ai. Na tali Neemia, “Aisea o le a ou le faanoanoa ai, o lo o faatafunaina le aai, o le mea o iai [tuugamau] o ou tama, ma ona puipui ua faaumatia i le afi?”⁵ [Mau fesootai]

Ina ua faalogo le tupu i lenei mea, sa faamaluluina lona loto, ma ia tuuina atu ia Neemia le pule e toe foi ai i Ierusalema ma toe fausia le aai. Ae peitai, sa le i fiafia tagata uma i lenei fuafuaga. O le mea moni, e i ai ni taitai na nonofo latalata ane i Ierusalema sa faanoanoa tele “e faapea ua sau se tagata e saili le manuia o le fanauga a Isaraelu.”⁶ O nei tagata “sa latou toatamai tele ma faifai i sa Iuta.”⁷ [Mau-fesootai]

Ma le le fefe, sa le i tuuina atu e ia lava ina ia faalavelaveina e i latou o e tetee. Ae o lea, sa ia faatulaga ana punaoa ma tagata ma toe fausia le aai, “aua sa iai le mafaufau i tagata e galulue.”⁸ [Mau-fesootai]

Ae ina ua amata ona maualuga ae puipui o le aai, sa faateleina le faatautee. Sa taufaamatau, fuafua faalilolilo, ma faatauemu ia fili o Neemia. O a latou taufaamatau sa moni, ma e sa malosi lava lo latou taufaafefe na oo ai ina tautino mai e Neemia, “Sa matou fefefe ia i latou uma.”⁹ [Mau fesootai] E ui i le matautia ma le taufaamatau pea i osofaiga, sa agai pea i luma le galuega. O le taimi o le fita, aua o faufale taitasi “sa fusi lana pelu i lona itu, ma galue.”¹⁰ [Mau-fesootai]

A o faaauau pea le galuega, sa popole tele fili o Neemia. E faafa ona taumafai ina ia aveese mai le saogalemu o le aai ma feiloai e faafoliga e foia ai le faafitauli, ae sa iloa e Neemia o lo latou faamoemoe e faamanualia o ia. O taimi taitasi latou te faafesootai ai o ia, sa ia tali atu i le tali lava e tasi: “O lo o ou faia se galuega tele, oute le mafai ai ona ou alu ifo.”¹¹ [Mau fesootai]

Oka se folafolaga ina a manaia! I lena faamoemoega manino ma le tutumau o le loto ma le mafaufau, i lena tautinoga sili, sa atiae ai pea puipui o Ierusalema seia maea i le 52 aso ofoofogia.¹²

Sa le taliaina e Neemia le oo mai o ni mea e faalavelave ma taofia ai o ia mai le faia o le mea ua finagalo le Alii ina ia faia. [Mau fesootai]

Matou Te Le O Ifo i Lalo

E faagaeetiaina ma musuia au e le tele o e umia le perisitua faatuatua i aso nei o e e faapea foi o latou loto ma mafaufau. E faapei o Neemia, ia outou alolofa i le Alii ma saili e faalauteleina le perisitua o loo outou taulimaina. E alofa le Alii ia outou ma ua ia silafia le mama o o outou loto ma le malosi o a outou tautinoga. Ua Ia faamanuia outou e tusa i lo outou faamaoni, taitaia o outou ala, ma faaaoga a outou meaalofa ma taleni e atiae ai Lona malo i lenei lalolagi.

Ae peitai, e le pei tagata uma o Neemia. O loo i ai le avanoa e faaleleia ai.

Ou te manatu, ou uso e o le perisitua, o a ni mea e mafai ona ausia pe a faapea tatou te faapei o tagata o Neemia, “le iai o le mafaufau e galulue ai.” Ou te manatu po o a ni mea e mafai ona ausia pe afai tatou te “tuu ese uiga faatamaiti”¹³ ma tuuina ia i tatou lava o loto ma agaga, e avea ai o ni perisitua agavaa ma o ni suli moni o le Alii o Iesu Keriso. [Valaaulia]

Mafaufau mo sina taimi i ni mea e mafai ona ausia i o tatou olaga patino, i a tatou galuega, i o tatou aiga, i a tatou uarota ma paranesi. Mafaufau i le alualu i luma o le malo o le Atua i le lalolagi atoa. Mafaufau i le liua o le lalolagi lava ia mo le lelei pe afai o alii uma ua umia le perisitua a le Atua o le a fusi i o latou sulugatiti ma ola ai i ona gafatia moni, liua i le loloto o lona loto, o se alii perisitua faamaoni ma le faatuatua, ua tautino atu i le atiinaeina o le malo o le Atua. [Valaaulia]

E faigofie ona faalavelaveina—o le taulai atu i le matauila pe e tasi po o amioga le faaaloalo a tagata agaleaga, po o le a lava lo latou faamoemoega. Ae mafaufau i le mana ua iai tatou o tagata taitasi ma le avea ai o se tino o le perisitua pe afai, o le tali atu i faaosoosoga uma lava o le leiloa o le mea e taulai i ai po o le faatoilaloina o o tatou tulaga—o tulaga a le Atua—tatou te tali atu, “O lo o ou faia se galuega tele ma oute le mafai ai ona alu ifo.” [Fai pea lava pea]

Ua tatou ola ai i taimi o luitau tetele ma avanoa tetele. O lo o saili le Alii i alii e pei o Neemia—uso faatuatua o le ua faaatoatoa i le tautoga ma le feagaiga o le perisitua. Ua Ia saili e faaaofia agaga e le faamaluelueina o e galulue maelega i le atiinaeina o le malo o le Atua—o e afai e feagai ma feteenaiga ma faaosoosoga, ua faapea ifo i o latou loto, “O lo o ou faia se galuega tele ma ua le mafai ai ona ou alu ifo.” [Fai pea lava pea]

Afai e feagai ma tofotofoga ma tiga, latou te tali atu, “O lo o ou faia se galuega tele ma ua le mafai ai ona ou alu ifo.” [Fai pea lava pea]

Afai e feagai ma tauemuga ma le inosia, latou te tali atu, “O lo o ou faia se galuega tele ma ua le mafai ai ona ou alu ifo.” [Fai pea lava pea]

E saili e lo tatou Tama Faalelagi i latou o e le talia mea faatauvaa e fai ma faalavelave i lo latou taumafai mo le faavavau. Ua Ia saili i latou o e le talia faatosinaga o mea faigofie po o mailei a le tiapolo e faalavelave ai i latou mai le galuega ua Ia tuuina atu latou te fai. Na te saili i latou o e mulimuli a latou galuega ia latou upu—o e tautala ma le faamaoni, “O lo o ou faia se galuega tele ma ua le mafai ai ona ou alu ifo.” [Fai pea lava pea]

O se Galuega Tele e Fai

Ou te molimau atu ma le faamaoni o loo soifua le Atua ma e silafia tatou taitoatasi. O le a Ia faaloaloa mai Lona aao ma faamaonia i latou o e tulai ma umia le perisitua i le mamalu, aua i nei aso e gata ai e tele Ana galuega mo i tatou e fai.

O le talalelei e le mai i le tagata. O aoaoga faavae a le Ekalesia e le o se mate lelei a se tasi e tusa ma le uiga o tusitusiga paia anamua. O le upumoni lea o le lagi ua faailoa mai e le Atua lava Ia. Ou te molimau atu sa vaai Iosefa Samita i mea na ia saunoa na vaai i ai. Sa ia vaai lava i le lagi ma fetalai ma le Atua le Tama ma le Alo ma agelu.

Ou te molimau atu e fetalai le Tama Faalelagi ia i latou o e saili ia te Ia i le agaga ma le upumoni. Ua ou faamaonia i ou lava mata ma fiafia e molimau atu e faapea i o tatou aso, ua fetalai mai le Atua e ala mai i Ana perofeta, tagatavaai, ma tali faaaliga, e oo lava ia Thomas S. Monson.

Ou uso pele, e faapei o Neemia, e tele sa tatou galuega e fai. Tatou te tulai ma vaai atu i le faasologa o lo tatou vaitau. O lau tatalo ma le alofa e faapea e ui lava i faaosoosoga, o le a le faamaualaloina lava o tatou tulaga; e ui lava i mea e faalavelave, po o fea lava e o mai ai, o le a le punitia lo tatou taulai atu i mea e sili ona taua; ma o le a tatou tulai tutumau ma faatasi, soosoo tauau, a o tatou tauave ma le lototoa le tagavai o le Alii o Iesu Keriso.

Ou te tatalo ina ia o tatou agavaa i le perisitua paia a le Atua Silisili ma, i tagata, sii ae o tatou ulu ma le leo e le faamaluelueina ma tautino atu i le lalolagi, “O lo o tatou faia se galuega tele, ma ua le mafai ai ona tatou o ifo.” [Fai pea lava pea] I le suafa paia o Iesu Keriso, amene.

Faamatalaga

O Loo Tatou Faia le Galuega Tele ma Ua Le Mafai ona Tatou O Ifo i Lalo (Kopi a le Tamaitiiti Aoga)

Peresitene Dieter F. Uchtdorf

Fesoasoani Lua i le Au Peresitene Sili

Ensign po o le Liahona, Me 2009, 59-62.

Ou uso pele, sa ou iloa i ni nai masina le savali ou te manao e tuuina atu ia te outou i le aso. I lena taimi, sa ou saili i se tala e faamatala ai le mea ou te manao e tau atu. Sa ou saili i se tala e faatatau i le faifaatoaga. Sa ou saili i se tala e faatatau i manu. I le ava ia Elder Scott, sa ou saili i se tala e faatatau i inisinia faaniukilia, ma i le ava ia Peresitene Monson, o se tasi e faatatau i le tausia o lupe.

O le Tala o le Matauila, po o le Aveesea o le Malamalama i Mea e Sili ona Taua

Ina ua mavae le faalavelave, sa taumafai tagata suesue e saili le mafuaaga. Sa lelei lava ona tuu i lalo le kia e tulaueleele ai. Sa matua lelei atoatoa le tulaga tau masini o le vaalele. Sa galulue lelei totoga uma—mea uma lava sei vagana ai se mea se tasi: o se tamai matauila ua pe. O lena tamai matauila—pe na o le 20 sene lona tau—na amataina le filifili o mea na tutupu ma iu ai i le oti matautia o le silia ma le 100 tagata.

Faatulaga Lou Loto i Mea e Sili ona Taua

O le lilifa atu e taulai i mea e le taua a o faatuatuanai mea e aupito sili ona taua, e le na o pailate e tutupu ai ae o tagata uma lava. E lamatia uma lava i tatou. O le avetaavale e faamuamua le auala e sili atu lona avanoa e taunuu ai i lona taunuuga e aunoa ma se faalavelave nai lo le avetaavaale ua ave lana faamuamua i le auina atu o feau i luga o lana telefoni.

Tatou te iloa mea e sili ona taua i le soifuaga - ua aoao mai e le Malamalama o Keriso lenei mea i tagata uma lava. O i tatou o ni Aupaia o Aso e Gata Ai faatuatua ua iai le Agaga Paia o se “soa tumau”¹ e aoao i tatou i mea taua e faavavau. Ou te mafaufau e faapea o soo lava se tasi o umia le perisitua o lo o lagona mai lou leo i le aso, afai e fesiligia e saunia se tautalaga i le mataupu “o le mea e sili ona taua,” o le a ia faia se mea silisili. O lo tatou vaivaiga o le toilalo lea e faagatusa a tatou amioga ma lo tatou iloa.

Taumamao Mai le Faalavelaveina

O nisi o taimi o mea e falavelavea i tatou e le leaga ia i latou lava; o le tele o taimi tatou te maua ai lagona lelei.

E mafai ona soona fai e oo lava i mea lelei. [Fasifuaitau e manatua pea o se tasi o faataitaiga e mafai ona iloa i se tama po o se tama matua ua faaalu le tele o itula e sailia ai ona tuaa po o le amataina o se poloka a o faatuatuanai po o le aloese mai taimi taua ma le uiga ma ana lava fanau ma fanau a ana fanau. O seisi faataitaiga e faapei o se faitogalaau o loo faaalu ona aso e vele ai vao mai le eleele ae o loo faatuatuanai vao faaleagaga o lo o taumafai e punitia lona agaga.

Afai tatou te alolofa moni i lo tatou Tama i le Lagi ma Ana fanau, tatou te faatino lena alofa e ala i a tatou galuega. Tatou te faamagalo le tasi i le isi ma saili e fai le lelei, mo “lo tatou [tagata] tuai ua faasatauroina ma [Keriso].”² Tatou te “asiasi i e ua leai ni tama ma nofofua i o latou puapuaga,” ma tatou tausi i tatou lava “ma le le pona mai le matautia o le lalolagi.”³

Ou uso pele o le perisitua, ua tatou ola i aso e gata ai. O le talalelei a Iesu Keriso ua toe fuataiina i le lalolagi. O ki o le perisitua a le Atua ua toe tuuina atu i tagata. Ua tatou ola i se vaitaimi o le faamoemoega ma sauniuniga, ua faatuatuaina e le Atua e saunia ai i tatou lava, o o tatou aiga, o lo tatou lalolagi mo le oo mai o le taeao—o le aso e afio mai ai le Alo o le Atua mai le lagi i se alaga, ma le leo o le agelu sili, ma le pu a le Atua”⁴ ma aumaia ai Lana nofoaiga o le meleniuma

Ua faatuatuaina i tatou i le perisitua paia ma valaauina i tiute, mana, ma aia e galulue ai o ni sui o lo tatou Tupu Faalelagi.

O mea nei e sili ona taua. O mea nei e faavavau o latou aoga e ao ona ave iai la tatou faamuamua.

E le tatau ona tatou tuuina atu i tatou lava ina ia faalavelaveina mai o tatou tiute paia. E le tatau ona aveesea lo tatou taulai atu i mea e sili ona taua.

Neemia

O Neemia o le Feagaiga Tuai o se faataitaiga sili o le tumau ma taulai atu i se galuega taua. O Neemia o le Isaraelu sa faaaunuua i Papelonia ma sa auauna o se tautu uaina a le tupu. I se tasi aso sa feili le tupu ia Neemia pe aisea e foliga faanoanoa ai. Na tali Neemia, “Aisea o le a ou le faanoanoa ai, o lo o faatafunaina le aai, o le mea o i ai [tuugamau] o ou tama, ma ona puipui ua faaumatia i le afi?”⁵

Ina ua faalogo le tupu i lenei mea, sa faamaluluina lona loto, ma ia tuuina atu ia Neemia le pule e toe foi ai i Ierusalema ma toe fausia le aai. Ae peitai, sa le i fiafia tagata uma i lenei fuafuaga. O le mea moni, e iai ni taitai na nonofo latalata ane i Ierusalema sa faanoanoa manu “e faapea ua sau se tagata e saili le manuia o le fanauga a Isaraelu.”⁶ O nei tagata sa latou “toatamai tele ma faifai i sa Iuta.”⁷

Ma le le fefe, sa le i tuuina atu e Neemia ia lava ina ia faalavelaveina e i latou o e tetee ia te ia. Ae o lea, sa ia faatulaga ana punaoa ma tagata ma toe fausia le aai, “aua sa iai le mafaufau i tagata e galulue.”⁸

Ae ina ua amata ona maualuga ae puipui o le aai, sa faateleina le faatautee. Sa taufaamatau, fuafua faalilolilo, ma faatauemu ia fili o Neemia. O a latou taufaamatau sa moni, ma e sa malosi lava lo latou taufaafefe na oo ai ina tautino mai e Neemia, “Sa matou fefefe ia i latou uma.”⁹ E ui i le matautia ma le taufaamatau pea i osofaiga, sa agai pea i luma le galuega. O le taimi o le fita, aua o faufale taitasi sa “fusi lana pelu i lona itu, ma galue.”¹⁰

A o faaauau pea le galuega, sa popole tele fili o Neemia. E faafa ona taumafai ina ia aveese mai le saogalemu o le aai ma feiloai e faafoliga e foia ai le faafitauli, ae sa iloa e Neemia o lo latou faamoemoe e faamanualia o ia. O taimi taitasi latou te faafesootai ai o ia, sa ia tali atu i le tali lava e tasi:“O lo o ou faia se galuega tele, oute le mafai ai ona ou alu ifo.”¹¹

Oka se folafolaga ina a manaia! I lena faamoemoega manino ma le tutumau o le loto ma le mafaufau, i lena tautinoga sili, sa atiae ai pea puipui o Ierusalema seia maea i le 52 aso ofoofogia.¹²

Sa le taliaina e Neemia le oo mai o ni mea e faalavelave ma taofia ai o ia mai le faia o le mea ua finagalo le Alii ina ia faia.

Matou Te Le O Ifo i Lalo

E faagaeetina ma musuia au e le tele o e umia le perisitua faatuatua i aso nei o e e faapea foi o latou loto ma mafaufau. E faapei o Neemia, ia outou alolofa i le Alii ma saili e faalauteleina le perisitua o lo o outou taulimaina. E alofa le Alii ia outou ma ua ia silafia le mama o o outou loto ma le malosi o a outou tautinoga. Ua Ia faamanuia outou e tusa i lo outou faamaoni, taitaia o outou ala, ma faaaoga a outou meaalofa ma taleni e atiae ai Lona malo i lenei lalolagi.

Ae peitai, e le faapei tagata uma o Neemia. O loo i ai le avanoa mo le faaleleia atili.

Ou te manatu, ou uso e o le perisitua, o a ni mea e mafai ona ausia pe a faapea tatou te faapei o tagata o Neemia, “le iai o le mafaufau e galulue ai.” Ou te manatu po o a ni mea e mafai ona ausia pe afai tatou te “tuu ese uiga faatamaiti”¹³ ma tuuina ia i tatou lava o loto ma agaga, e avea ai o ni perisitua agavaa ma o ni suli moni o le Alii o Iesu Keriso.

E faigofie ona faalavelaveina—o le taulai atu i le matauila pe e tasi po o amioga le faaaloalo a tagata agaleaga, po o le a lava lo latou faamoemoega. Ae mafaufau i le mana ua i tatou o tagata taitasi ma le avea ai o se tino o le perisitua pe afai, o le tali atu i faaosoosoga uma lava o le leiloa o le mea e taulai iai po o le faatoilaloina o o tatou tulaga—o tulaga a le Atua—tatou te tali atu, “O lo o ou faia se galuega tele ma oute le mafai ai ona alu ifo.”

Ua tatou ola ai i taimi o luitau tetele ma avanoa tetele. O lo o saili le Alii i alii e pei o Neemia—uso faatuatua o le ua faaatoatoa i le tautoga ma le feagaiga o le perisitua. Ua Ia saili e faaaofia agaga e le faamaluelueina o e galulue maelega i le atiinaeina o le malo o le Atua—o e afai e feagai ma tetee ma faaosoosoga, ua faapea ifo i o latou loto, “O lo o ou faia se galuega tele ma ua le mafai ai ona ou alu ifo.”

Afai e feagai ma tofotofoga ma tiga, latou te tali atu, “O lo o ou faia se galuega tele ma ua le mafai ai ona ou alu ifo i lalo.”

Afai e feagai ma tauemuga ma le inosia, latou te tali atu, “O lo o ou faia se galuega tele ma ua le mafai ai ona ou alu ifo.”

E saili e lo tatou Tama Faalelagi i latou o e le talia mea faatauvaa e fai ma faalavelave i lo latou taumafai mo le faavavau. Ua Ia saili i latou o e le talia faatosinaga o mea faigofie po o mailei a le tiapolo e faalavelave i ai i latou mai le galuega ua Ia tuuina atu latou te fai. Na te saili i latou o e mulimuli a latou galuega ia latou upu—o e tautala ma le faamaoni, “O lo o ou faia se galuega tele ma ua le mafai ai ona ou alu ifo.”

O se Galuega Tele e Fai

Ou te molimau atu ma le faamaoni o lo o soifua le Atua ma e silafia tatou taitasi. O le a Ia faaloaloa mai Lona aao ma faamaonia i latou o e tulai ma umia le perisitua i le mamalu, aua i nei aso e gata ai e tele Ana galuega mo i tatou e fai.

O le talalelei e le mai i tagata. O aoaoga faavae a le Ekalesia e le o se mate lelei a se tasi e tusa ma le uiga o tusitusiga paia anamua. O le upumoni lea o le lagi ua faailoa mai e le Atua lava Ia. Ou te molimau atu sa vaai Iosefa Samita i mea na ia saunoa na vaai i ai. Sa ia vaai lava i le lagi ma fetalai ma le Atua le Tama ma le Alo ma agelu.

Ou te tatalo ina ia o tatou agavaa i le perisitua paia a le Atua Silisili ma, i tagata, sii ae o tatou ulu ma le leo e le faamaluelueina ma tautino atu i le lalolagi, “O lo o tatou faia se galuega tele, ma ua le mafai ai ona tatou o ifo.” I le suafa paia o Iesu Keriso, amene.

Faamatalaga