iVakaleleka ni iTukutuku Makawa

Na ivola oqo e sega ni ivolatukutuku makawa, ia e umani kina na ivakavuvuli ni kosipeli me vaka e veivakavulici kina o Peresitedi Wilford Woodruff. Sa vakarautaki tiko yani ena itukutuku oqo na veika e yaco ena gauna eso me baleta na ivakavuvuli oqo. E sega ni volai eke e vuqa na veika vakaitamera e a yaco e vuravura. E sega talega ni okati eke e vuqa na veika bibi ka a yaco ena bula nei Peresitedi Woodruff; me vakataka na nona vakamau kei na nodra sucu kei na mate ni luvena.

1807, 1 ni Maji	Sucu o Wilford Woodruff mai Farmington, Hartford County, Connecticut, vei rau o Beulah Thompson Woodruff kei Aphek Woodruff.
1808, 11 ni June	Mate na tinana ni yabaki 26.
1810, 9 ni Noveba	Vakamau o tamana vata kei Azubah Hart.
1821	Tekivu cakacaka ena dua na iqaqi.
1832	E a biu vanua vata kei Azmon na tuakana kei na wati Azmon ki Richmond, Oswego County, New York, ka ratou volia kina e dua na qele vakaiteitei.
1833, 29 ni Tiseba	E a rogoca kina ena imatai ni gauna na kosipeli vakalesui mai ena dua na soqoni ka rau a veiliutaki kina e rua na daukaulotu ni Yalododonu Edaidai, o Elder Zera Pulsipher kei Elder Elijah Cheney.
1833, 31 ni Tiseba	Papitaisotaki ka vakadeitaki mai vei Zera Pulsipher.
1834, 2 ni Janueri	Tabaki me ivakavuvuli mai vei Zera Pulsipher.
1834, Epereli	Tadu yani ki Kirtland, Ohio, ka rau laki sota kina kei na Parofita o Josefa Simici.
1834, Me ki na June	Lako vata kei na iLawalawa mai Saioni ki na vanua o Missouri. Vakaitikotiko mai na vanua o Clay County, e Missouri, me vukei ira na Yalododonu e kea.
1834, 5 ni Noveba	Tabaki me bete mai vei Simeon Carter e Clay County, Missouri.
1835, 13 ni Janueri	Biuti Missouri me laki kaulotu ena imatai ni gauna, vakavulica kina na kosipeli e Arkansas kei Tennessee.
1835, 28 ni June	Tabaki me italatala qase mai vei Warren Parrish volekati Memphis, e Tennessee.
1836, 19 ni Epereli	Kacivi me lewena na iKarua ni Kuoramu ni Vitusagavulu.
1836, 31 ni Me	Tabaki me dua na Vitusagavulu mai vei David Patten.
1837, 3 ni Janueri	Kacivi me lewena na iMatai ni Kuoramu ni Vitusagavulu.
1837, 31 ni Me	Biuti Kirtland, Ohio, me laki kaulotu ki na Yatu Fox, mai na baravi ni vanua o Maine.
1838, 8 ni Julai	Kacivi me lewena na Kuoramu ni iApositolo Le Tinikarua mai na dua na ivakatakila a solia vua na Parofita o Josefa Simici (raica V&V 118).
1839, 26 ni Epereli	Tabaki me iApositolo mai vei Brigham Young na vanua me tara kina na valetabu e Far West, Missouri.
1839, 8 ni Okosita	Biu vanua me laki kaulotu ki Igiladi.
1840 ki na 1841	Veiqaravi vakadaukaulotu mai Igiladi. Vukea na nodra a papitaisotaki rawa ka vakadeitaki e sivia e 2,000 na tamata. Vukea na vakalawataki ni taukeni na dodonu ni lavelavetaki ni iVola i Momani e Lodoni.
1841, 6 ni Okotova	Lesu tale ki na nona matavuvale kei ira na Yalododonu tale eso e Nauvoo.
1841, 21 ni Noveba	iVakadinadina ena imatai ni papitaiso me baleti ira na mate ka a vakayacori ena loqi ni papitaiso ena Valetabu e Nauvoo.
1843, Julai ki na Noveba	Vakaitavi ena dua na cakacaka ni kaulotu tokalau kei Amerika, vakasokumuni ilavo me vukea na kena vakacavari na tara ni Valetabu e Nauvoo.
1844, Me ki na Okosita	Vakaitavi tale ena dua na cakacaka ni kaulotu ena tokalau kei Amerika.
1844, 9 ni Julai	Rogoca na itukutuku ni nodrau vakamatei o Josefa kei Hyrum Smith, ka a yaco ena ika 27 ni June.
1844, 6 ni Okosita	Lesu ki Nauvoo kei ira na lewe ni Kuoramu ni Le Tinikarua tale eso.
1844, 8 ni Okosita	E a tiko ena koniferedi me ra tokona kina na Yalododonu Edaidai me iliuliu ni Lotu o Peresitedi Brigham Young kei na Kuoramu ni iApositolo Le Tinikarua.
1844, 12 ni Okosita	Ciqoma e dua na veikacivi me dabe vakailiuliu ni Tabana ni Kaulotu e Iurope.
1846, Epereli ki na Me	Lesu ki Nauvoo ka qai laki tomani ira na Yalododonu Edaidai ena ilakolako vou ki na ra.
1847, 7 ni Epereli	Biuti Winter Quarters vata kei na imatai ni ilawalawa ni painia ena ilakolako vou ki na Buca o Salt Lake.
1847, 24 ni Julai	Yaco yani ki na Buca Levu o Salt Lake.
1847 ki na 1850	Vakacavara vakavinaka e vica na nona ilesilesi ni nodra vukei na Yalododonu me ra laki vakaitikotiko ki na Korolevu o Salt Lake ena nodra biuta mai na vanua o Winter Quarters kei na tokalau kei Amerika.
1856 ki na 1883	Veiqaravi vaka-iVukevuke ni Dauvolaitukutuku ni Lotu.
1877, 1 ni Janueri ki na	Veiqaravi vakaimatai ni peresitedi ena
1884, 26 ni June	Valetabu e St. George Utah.
1877, 29 ni Okosita	Rogoca na nona mate o Peresitedi Brigham Young ka biuti St. George me lako ki na Korolevu o Salt Lake.
1880, 10 ni Okotova	Tokoni me Peresitedi ni Kuoramu ni iApositolo Le Tinikarua ena koniferedi raraba vata ga ka a tokoni talega kina o John Taylor me Peresitedi ni Lotu.
1882	Vakadonuya na Matanitu o Amerika na lawa vakaturi ni Edmunds, ka okati kina me cala bibi na vakamautaka e levu na yalewa ka vakatabuya vei ira oqo me ra veidigidigi, vakailesilesi ena matanitu, se lewe ni vakatulewa ena mataveilewai.
1883 ki na 1889	Veiqaravi vaka Dauvolaitukutuku ni Lotu.
1887, 19 ni Feperueri	Vakadonuya na Matanitu o Amerika na lawa vakaturi ni Edmund-Tucker e dua tale na lawa ka saqata na vakamautaka e levu na yalewa ka solia kina na kaukauwa vua na matanitu me vesuka e vuqa sara na qele ni Lotu. E a yaco me lawa ni vanua na lawa vakaturi o ya ena ika 3 ni Maji, 1887.
1887, 25 ni Julai	Lesi me iApositolo iliuliu ka dabe vakailiuliu ni Lotu ena nona sa mai mate o Peresitedi John Taylor.
1888, 17 ni Me	Vakatabuya na Valetabu e Manti Utah.
1889, 7 ni Epereli	Tokoni me Peresitedi ni Lotu i Jisu Karisito ni Yalododonu Edaidai.
1890, 24 ni Sepiteba	Ena nona a ciqoma e dua na ivakatakila mai vua na Turaga, e a solia kina e dua na ivakaro raraba me ra sa tagutuva tani na Yalododonu Edaidai na vakamautaka e levu na yalewa.
1890, 6 ni Okotova	Era a tokona na lewenilotu era soqoni tiko ena koniferedi na ivakatakila a soli vei Peresitedi Woodruff me baleta na vakamautaka e levu na yalewa.
1893, 6 ni Epereli	Vakatabuya na Valetabu e Salt Lake.
1894, 13 ni Noveba	Liutaka na kena tauyavutaki na iSoqosoqo ni Tuvakawa e Utah.
1897, 1 ni Maji	Marautaka na soqo ni ika 90 ni nona siganisucu.
1898, 2 ni Sepiteba	Leqa e San Francisco, California, ni oti e dua na tauvimate lekaleka.