11. ቅዱስ ምድር በአዲስ ኪዳን ዘመናት

ጢሮስ እና ሲዶን ኢየሱስ ኮራዚና ቤተ ሳይዳን ከጢሮስ እና ሲዶን ጋር አነጻጸረ (ማቴ. ፲፩፥፳–፳፪)። የአህዛብ ሴትን ሴት ልጅን ፈወሰ (ማቴ. ፲፭፥፳፩–፳፰)።

የመለወጫ ተራራ ኢየሱስ በጴጥሮስ፣ ያዕቆብ፣ እና ዮሐንስ ፊት ተለወጠ፣ እና እነርሱም የመንግስት ቁልፎችን ተቀበሉ (ማቴ. ፲፯፥፩–፲፫)። (አንዳንዶች የመለወጫ ተራራ አርሞንዔም ተራራ ነው ብለው ያምናሉ፤ ሌሎችም የታቦር ተራራ ነው ብለው ያምናሉ)።

ፊልጶስ ቂሣርያ ጴጥሮስ ኢየሱስ እርሱ ክርስቶስ እንደሆነ መሰከረ እናም የመንግስት ቁልፎችንም ቃል ተገባለት (ማቴ. ፲፮፥፲፫–፳)። ኢየሱስ የእራሱን ሞት እና ትንሳኤ አስቀድሞ ተናገረ (ማቴ. ፲፮፥፳፩–፳፰)።

የገሊላ ክልል ኢየሱስ አብዛኛውን ህይወቱን እና አገልግሎቱን በገሊላ አሳለፈ (ማቴ. ፬፥፳፫–፳፭)። በእዚህም የተራራ ስብከትን ሰጠ (ማቴ. ፭–፯)፤ ለምጻሞችን ፈወሰ (ማቴ. ፰፥፩–፬)፤ እናም አስራ ሁለት ሐዋሪያትን መረጠ፣ ወይም ሾመ፣ እናም ላከ፣ ከእነርሱም መካከል የአስቆሮቱ ይሁዳ ከገሊላ የመጣ አልነበረም (ማር. ፫፥፲፫–፲፱)። በገሊላ ውስጥ ከሞት የተነሳው ክርስቶስ በሐዋሪያት ታየ (ማቴ. ፳፰፥፲፮–፳)።

የገሊላ ባህር በኋላም የጥብርያዶስ ባህር ተብሎ የተጠራው፥ ኢየሱስ ከጴጥሮስ ጀልባ አስተማረ (ሉቃ. ፭፥፩–፫) እናም ጴጥሮስን፣ እንድርያስን፣ ያዕቆብን የሰው አጥማጆች እንዲሆኑ ጠራቸው (ማቴ. ፬፥፲፰–፳፪፤ ሉቃ. ፭፥፩–፲፩)። አውሎ ንፋስንም ጸጥ አስደረገ (ሉቃ. ፰፥፳፪–፳፭)፣ ምሳሌዎችን ከጀልባ አስተማረ (ማቴ. ፲፫)፣ በባህር ላይ ተራመደ (ማቴ. ፲፬፥፳፪–፴፪)፣ እናም ከትንሳኤም በኋላ በደቀመዛሙርቱ ታየ (ዮሐ. ፳፩)።

ቤተ ሳይዳ ጴጥሮስ፣ እንድርያስ፣ እና ፊልጶስ በቤተ ሳይዳ ውስጥ ተወልደው ነበር (ዮሐ. ፩፥፵፬)። በቤተ ሳይዳ አጠገብ ኢየሱስ ከሐዋሪያት ጋር በሚስጥር ሄደ። ህዝብም ተከተሉት፣ እና ፭ ሺህን መገበ (ሉቃ. ፱፥፲–፲፯፤ ዮሐ. ፮፥፩–፲፬)። በእዚህም ቦታ ኢየሱስ አይነ ስውር ሰውን ፈወሰ (ማር. ፰፥፳፪–፳፮)።

ቅፍርናሆም ይህም የጴጥሮስ ቤት ነበር (ማቴ. ፰፥፭፣ ፲፬)። ማቴዎስ የኢየሱስ “የእርሱ ከተማ” ብሎ በጠራው በቅፍርናሆም፣ ኢየሱስ ሽባ የሆነውን ሰው ፈወሰ (ማቴ. ፱፥፩–፯፤ ማር. ፪፥፩–፲፪)፣ የአስር አለቃን አዳነ፣ የጴጥሮስ ሚስት እናትን ፈወሰ (ማቴ. ፰፥፭–፲፭)፣ ማቴዎስ ከሐዋሪያቱ መካከል አንዱ እንዲሆን ጠራው (ማቴ. ፱፥፱)፣ አይነ ስውር አይኖችን ከፈተ፣ ዲያቦስን አስወጣ (ማቴ. ፱፥፳፯–፴፫)፣ እጁ የሰለለች ሰውን በሰንበት ፈወሰ (ማቴ. ፲፪፥፱–፲፫)፣ የህይወት እንጀራ ስብከትን ሰጠ (ዮሐ. ፮፥፳፪–፷፭)፣ እና ጴጥሮስን ከአሳ አፍ ገንዘብ እንዲያመጣ በመንገር፣ ቀረጥን ለመክፈል ፈቃደኛ ሆነ (ማቴ. ፲፯፥፳፬–፳፯)።

መጌዶል ይህም የመጌዶል ማርያም ቤት ነበር (ማር. ፲፮፥፱)። ኢየሱስ ፬ ሺህ ህዝቦችን ከመገበ በኋላ ወደ እዚህ መጣ (ማቴ. ፲፭፥፴፪–፴፱)፣ እናም ፈሪሳዊ እና ሰዱቃውያን ከሰማይ ምልክት እንዲያሳያቸው ጠየቁ (ማቴ. ፲፮፥፩–፬)።

ቃና ኢየሱስ ውሀን ወደ ወይን ቀየረ (ዮሐ. ፪፥፩–፲፩) እና በቅፍርናሆም የነበረን የልዑል ሰው ልጅን ፈወሰ (ዮሐ. ፬፥፵፮–፶፬)። ቃና የናትናኤል ቤት ነበር (ዮሐ. ፳፩፥፪)።

ናዝሬት ለማርያም እና ለዮሴፍ የተሰጠው ብስራት የነበረው በእዚህ ቦታ ነበር (ማቴ. ፩፥፲፰–፳፭፤ ሉቃ. ፩፥፳፮–፴፰፤ ፪፥፬–፭)። ከግብፅ ከተመለሱ በኋላ፣ ኢየሱስ ልጅነቱን እና ወጣትነቱን በዚህ ቦታ አሳለፈ (ማቴ. ፪፥፲፱–፳፫፤ ሉቃ. ፪፥፶፩–፶፪)፣ መሲህ እንደሆነ አስታወቀ፣ እናም በእርሱ ሰዎች ተወገደ (ሉቃ. ፬፥፲፬–፴፪)።

ኢያሪኮ ኢየሱስ ለአይነ ስውር ሰው እይታን ሰጠ (ሉቃ. ፲፰፥፴፭–፵፫)። ከቀራጮች መካካል ዋና ከሆነው ከዘካርያስ ጋር በላ (ሉቃ. ፲፱፥፩–፲)።

ቤተ ራባ መጥምቁ ዮሐንስ “በምድረ በዳ የሚጮህ ሰው ድምፅ” እንደሆነ መሰከረ (ዮሐ. ፩፥፲፱–፳፰)። ዮሐንስ ኢየሱስን በዮርዳኖስ ወንዝ አጠመቀ እናም ኢየሱስ የእግዚአብሔር በግ እንደሆነ መሰከረ (ዮሐ. ፩፥፳፰–፴፬)።

የይሁዳ ምድረበዳ መጥምቁ ዮሐንስ በምድረበዳ ሰበከ (ማቴ. ፫፥፩–፬)፣ በእዚህም ኢየሱስ ለአርባ ቀናት ጾመ እናም ተፈተነ (ማቴ. ፬፥፩–፲፩)።

ኤማሁስ ከሞት የተነሳው ክርስቶስ በኤማሁስ መንገድ ላይ ከሁለቱ ደቀመዛሙርቱ ጋር ሄደ (ሉቃ. ፳፬፥፲፫–፴፪)።

ቤተ ፋጌ ሁለት ደቀመዛሙርት ለኢየሱስ ውርንጫይቱን አመጡለት በዚህም ላይ ወደ ኢየሩሳሌም በድል ገባ (ማቴ. ፳፩፥፩–፲፩)።

ቢታንያ ይህ የማርያም፣ የማርታ፣ እና የአልዓዛር ቤት ነበር (ዮሐ. ፲፩፥፩)። ማርያም የኢየሱስን ቃላት ሰማች፣ እናም ኢየሱስ ማርታን “መልካሙን እድልን” ስለመምረጥ ተናገረ (ሉቃ. ፲፥፴፰–፵፪)፤ ኢየሱስ አልዓዛርን ከሞት አስነሳው (ዮሐ. ፲፩፥፩–፵፬)፤ እናም ማርያም የኢየሱስን እግር ቀባች (ማቴ. ፳፮፥፮–፲፫፤ ዮሐ. ፲፪፥፩–፰)።

ቤተ ልሔም ኢየሱስ ተወልዶ በግርግም ውስጥ ተኛ (ሉቃ. ፪፥፩–፯)፤ መላእክት ለእረኞች የኢየሱስ መወለድን አወጁ (ሉቃ. ፪፥፰–፳)፤ ሰብአ ሰገል በኢየሱስ ኮኮብ ተመርተው ነበር (ማቴ. ፪፥፩–፲፪)፤ እናም ሂሮድስ ልጆችን ገደለ (ማቴ. ፪፥፲፮–፲፰)።