19. Caesarea na Sharon Petee no a ɔtserɛw dze kɔ Carmel
Erohwɛ etsifi afamu dze fa Caesarea tsetse nsuhɛn gyinabea na Sharon Petee afamu. Ihu Carmel bepɔw no so dɛ ɔtsen wɔ mfonyin no sor hɔ.
Dza Osisii Tsitsir: Elijah nye Baal no nkɔnhyɛfo atorfo no dzii esi wɔ Carmel Bepɔw no do (1 Ahem. 18). Via Maris (Po kwan no), kwan a nna no ho hia wɔ tsetseberdo no, da Caesarea no boka afamu. Enyido-adzehu nwanwa bi a Peter hunii wɔ Joppa ekyir no maa ɔkyerɛkyerɛɛ Rome ɔsahen bi a ne dzin dze Cornelius wɔ Caesarea no na ɔdze hyɛɛ no somdwuma no ase wɔ Amanamamfo no mu (Ndwu. 10). Philip kãa asɛmpa na ɔtsenaa ha na onyaa mbabaa baanan a wɔhyɛɛ nkɔm (Ndwu. 8:40; 21:8–9). Paul yɛɛ daduanyi wɔ kuropɔn no mu mfe ebien (Ndwu. 23–26). Ɔkãa asɛmpa kyerɛɛ Felix, Festus, na Herod Agrippa Ⅱ, a ɔsee dɛ “Aka kumaa na nkyɛ aama mayɛ Christiannyi” (Ndwu. 26:28).